[الوحدة العربية]

بسم الله الرحمان الرحيم
السلام عليكم ورحمة الله وبركاته
أعضاء
خبراء وإداري مصراوي سات المحترمين
وكل عام وأنتم طيبين
وبعد
أنا تعبت كتير
وفي نفس الوقت زعلان كتير
طيب ليه
ربنا مايجيبشي زعل على العيد
عشان
كل ما أجيب واحد
يركب النايل سات والعرب سات
يقول مستحيل النايل بعيد عن العرب
ولا يمكٍ الجمع بينهما
طيب
يا عم
الطبق كام
الطبق 85 سانتي ميتر
بريفيكس
ومعي قطعتين ودايزيك

بيقول حاولت ومش نفع
وجيبت فني قبل كده
قال مش ينفع عشان ده بعيد عن ده حتى لو الطبق 210
الطبق عندي ثابت
على النايل سات بس
عايز العرب سات أو بدر عشان قنوات المجد

طيب إنت عايز ايه من خبراء تركيبات الدش من مصراوي سات

عايز طلبين
1
هل يمكٍ الجمع بين القمرين بهاذهي المواصفات التي سبقت
وإضافة
الطبق الذي معي 85 بهي مصطرة ذاتية
أنتم تعرفونها
فهل نحتاج مصطرتين
أم ماذا
2
لو تحقق طلبي وأرجو من الله
هاذا
فهاذهي مهمتكم

أريد شرح كتابيً لي
ومصور تصوير واضح للفني الذي آتي بهي عشان يركب ويشوف الصور دي ويعمل زيها
وتحديد ايه المطلوب من أدوات من مصاطر وغيرها
يعني تشرح كيف يمكٍ الجمع كتابتً
وتضع صور
كيف يوجه الطبق في الإتجاه المناسب وكيف يضع كل قطعة في المكان المناسب حتى ينجح الجمع
وهل ستكون الإشارة جيدة على القمرين
كما أريد
أقوا تردد وأضعف تردد للعرب سات أو بدر عشان يستقبل بهي القمر
وكذالك النايل سات
في إنتظار العمالقه
بالله عليكم لا تتأخرو
ومن يساعدني سأدعو له طوال عمري بظهر الغيب

[satytree]

---------------------------------------------------
صورة التركيبة العربسات
ويمكن الحصول على أقوى الترددات
موسوعة ((مصراوى سات)) لا تتعب ولا تحتار ادخل خد التردد اللى تستقبل بية اى قمر فى المدار قوى او ضعيف((عادل عامر))
http://www.masrawysat.com/vb/showthread.php?t=1979909

[م/احمدمبروك]

السلام عليكم مكانك فين ياغالى
ثانيا مستحيل الجمع بين النايل سات والعرب سات لو كان احدهما سنتر لكن لو عاوز تجمع بينهما اولا هتخلى الاوربى سنتر وبعدين النايل سات على مسطرة على الشمال لفوق وانت واقف خلف الطبق والعرب سات (بدر ) على مسطرة على اليمين لتحت وانت واقف خلف الطبق وسارفق لك صورة تبين ذلك

[اسماعيل عمر]

هتظبط الاوربى سنتر
عرب سات الى اسفل اليسار وانت امام الطبق
نايل ســات على اليمين
هذا اسهــــــــل ما يكون

[الوحدة العربية]

مرحبً أخي
الأخ الذي جائني بالموسوعة مشكور بس فيها الترددات بس

أخي إسماعيل
واللهي بارك الله فيك
أولً ماذا تقصد بمكاني هل عنواني
لو كدا يبقا نتراسل على الخاص
وتيجي عندنا تعمل لي الطبق
وأكون لك من الشاكرين
وسأقدر لك مشوارك وتعبك
وإلي إنت عيزه تقول عليه
ثانيً
يعني ايه سنتر مش فاهم
وبعدين أنا بس عايز نايل سات وعرب سات بس
والله يا أستاذ إسماعيل
مفيش حد من الفنيين راضي يأتي لي عشان مش حد منهم عارف
لو ياخي تتكرم علي
وتأتي لي على عنواني
بس كيف يتم مراسلتنا على الخص عشان مشينفع ذكر الأمكنة والعناوين في الموقع حسب ما أعلم من القوانين
وللعلم أنا من أصحاب الإحتياجات الخاصة
وبس حبيت أقول لك هاذا عشان الله في عون العبد ما كان العبد في عون أخيه
وعلى العموم أنا أتعشم فيك الخير

[م/احمدمبروك]

المقصد من السؤال على مكانك يعنى محافظة اية علشان نعرف خرائط التغطية الخاصة بالاقمار المذكورة انك داخل نطاقها وبذلك التركيب هيكون سهل ام خارج النطاق ولذلك هيكون صعب التركيب وذكر محافظتك مش ممنوع ولا حاجة الادارة تمنع ذكر العنوان بالتفصيل وده محدش طلبه منك ارجو ان اكون وضحت لك الامر

[عاصفة الصحراء]

حضرتك قول للفنى خلى سنتر الطبق هوتبيرد وبعد ما يسنتر الطبق يشيل قطعة الاوروبى وبعدين يركب النايل سات على اليمين وانتا قدام الطبق ويركب العربسات على اليسار وانتا قدام الطبق

[عادل عامر]

لازم الاوربى يكون سنتر كما قال الاخوة الاعزاء والعرب سات شمال تحت والنايل سات يمين فوق وتعرف الفنى هتورية صورة التركيبة الموجودة فى الاعلى وهتجيب مسطرتين لتركيب القمرين وربنا معاك لان معظم الفنين اخرهم نايل سات

[الوحدة العربية]

مرحبً بالإخوة لأعزاء
وشكرً على إهتمامكم بي
1 المهم
يعني ايه
أو ماذا تقصدون بكلمة
سنتر

2
محافظتي الدقهلية بس في النهاية بجوار الشرقية
3
فعلً كما قال الأستاذ عادل
معظم الفنيين آخرهم نايل سات
4
الفني المختص جدً عندنا
قال
لازم الطبق يتوجه للخلف عشان يجيب العرب سات
ييعني قال لي
بالتفصيل
وأنا معاه فوق السطح
قال بص
لنايل سات أمامك
لو هانجيب العرب سات مضطرين نوجه الطبق بالكامل لناحية أخرى
يعني النايل سات أمامنا والعرب سات خلفنا
فلما ركب عرب سات
فعلً وجه الطبق إختلف تمامً
حاول أن يضبط النايل سات فكانت الكارثة
يعني مستحيل بكل المحاولات
بس فكرة المسطرتين دي مش كانت في باله خالص
هاذا يعني قلة خبرته

وعلى فكرة
أحد الفنيين قابلته وقال لي فعلً هاتعوز مسطرتين
بس بيقول هاناخد وقت كبييييييييييييييييييييييييييييييييييير جدً
حتى يتم الضبط
يعني ممكٍ نقعد من ساعة إلى 10 ساعات
هاذا لأن إتجاه العرب سات عندنا يختلف تمامً عن النايل سات
يعني النايل سات في وشنا والعرب في ظهرنا

وقال كما قلتم
النايل سات هايكون في اليمين
والعرب سات في اليسار
بس الفكرة في توليف الإشارة وتثبيتها كما ينبغي
هاذا بيكون صعب
وعايز مزاج
وواحد يكون مخلص لك
وقال أيضً
ممكٍ لترددات الضعيفة على كلا القمرين النايل و العرب
مش تيجي إشارتهم
خالص
قلت
يا ربي
ليه
قال ببصاطة شديدة
تخيل أنك في محلين عطور
بس من بعيييد جدً
كل محل تبعد عنه يعني لا إنت تجاه هاذا ولا هاذا

يبقا ها تشم من كل محل بنسبة 1 في المئة
هاكذا النايل والعرب
هاذا إضافة إلى الفنيات في ربط الطبق والقطعة جامد وبإحكام
عشان تقلبات الجو
لو تحرك الطبق أو تحركت القطعة ربع ملي
يبقا عوضك على اله في القمرين
وقال لي أحد الناس بس هاذا في المنوفية
كان عندي حد الفنيين
بيعمل حاجة فنية في المسطرتين
بيخلي إشارة النايل والعرب
لا تقل عن 90

هل رأيتم معاناتي
ساعدوني
الله يساعدكم

[حوده العالمي]

سنتر يا غالي يعني القطعه الاساسيه الي راكبه في عصاية الطبق

[عادل عامر]

الشرح على الصورة

[ناقلا]

بسيط جدا اضبط النايل سات والصحون مقلوب ثم على يدك اليمين وانت خلف الصحن حوالي 10سم وطول المسطرة 20سم وتكون تجان المسطرة الى الاسفل

[الوحدة العربية]

السلام عليكم
للأسف لم يتم الجمع
الفني رغم الصور التي أريتها له
بيقول دي أطباق بها مدخلين للمصطرة
أما أنت فعندك مفيش إلا مكان واحد بتركب فيه المصطرة على اليسار
وفين ها نركب مصطرة اليمين
ورغم هاذا حاول مالبالمصطرتين مش عرف
وعمل الأوروبي سينتار وعمل زي ما حضرتك قلت ومافيش فرصة للجمع
النايل سات جاء
بس المشكلة في بدر
مش راضي يلقط خالص بالطريقه دي معاه
طبقي بريفيكس 85

ممكٍ أستاذ عادل نتواصل على الخاص ولو ينفع تيجي تركب لي التركيبة دي
أكون لك مقدرً قولً وعملً

[فني تركيبات]

عادى جدا اخى الكريم
لو دراع الطبق لايوجد به الا فتحه واحده
خلى الفنى يعمل فتحه اخرى بالشنيور وتكون تحت الموجوده بــ 1 سم

[الوحدة العربية]

شكرً أخي إبراهيم
تعبت واللهي
بس الفني ممكٍ كده يبوز الطبق
أنا مليت
حاجةة من 2
يا إما حد منكم ييجي يركب لي
يإما هاشتري طبق 60
للنايل سات
وأخلي ال85 للعرب سات