[السيدعبدالعزيز]

انفض الموسم - المولد - ولابد من امتحان نقيم به ما مضى

مجرد اسئلة رياضية تحتاج لاصحاب الفهم السليم فقط

اما اصحاب الفكر العقيم فليس لهم عندنا حظ

الاجابة تكون مكتوبة في ورقة مسطرة

الترتيب والتنسيق مهم جدا

صاحب اعلى درجة

كله هيصقف له

ونبدأ بقى
...........................................

السؤال الأول
التعبير
......................
اكتب ما لا يزيد عن سطر عن :

1- خطة فتحي مبروك الجهنمية
2- سرعة محمد نجيب الصاروخية
3- دماغ سعد سمير المستخبية
4- تركيز شريف اكرامي بالملوخية

السؤال الثاني
صح أم خطأ
..........................

1- يتميز النادي الأهلي بإدارة مية مية
2- النادي الأهلي مش كرسي وشمسية
3- الجهاز الطبي للأهلي يحول البرد لعملية
4- تتميز تغييرات فتحي بالمبروك بأنها خططية

السؤال الثالث

بما تعلل
.............................

1- لما نص الملعب يتاخد منك تعمل تغييرات هجومية
2- الملعب عايز صانع العاب وانت مخبيه على الدكة يا عينيه
3- سجلت جونين وبدل ما تحافظ فتحت لهم الحنفية
4- سايب اللعب على الارض وبتلعب كورات فضائية

السؤال الرابع

اختر من بين الاقواس
..........................................

1- كام لاعب دفنتوهم بالحيا يا جماعة يا تربية
( رمضان . وليد . مؤمن . صالح )
2- عايزين تتلغبوا كام مرة علشان تمشوا يا شلالية
( مرة . مرتين . تلات مرات . اربع مرات )
3- لما تكون كسبان اتنين تعمل ايه بالدماغ المهلبية
( أسيب النص . أنزل مهاجمين . أطفش الكورة . أتغلب اربعة )
4- لما تلاعب فرقة حريفة وبتلعب كورة سريعة ومهارية

( ما فيش خطة . ما فيش مراقبة . ما فيش ضغط . ما فيش )

سؤال المستوى الرفيع

للمتفوقين فقط

......................................

واحد بيبني خطته على تريزيجيه
اللاعب احترف وسابه ومشي
الغريب بقى انه لسه فاكر اللاعب لسه بيلعب
ولسه بيبني الخطة عليه بردو
تسموا ده ايه ؟

......................................

ملحوظة هامة ....

ممنوع الغش او البرشام ....

علشان الموضوع اصلا مش محتاج ....

والفضيحة على عينك يا تاجر ....

[( ABU YOUSEF)]

موسم للنسيان ياحاج سيد وزي مااانت قولت كده كلو مهلبيه ولاعيبه مشلوله المنظومه فاشله ولا دوري ولا كاس ولا افريقيا والسوبر كمان مع السلامه علشان الخماسيه الحلوه تكمل علشان يعجب الراجل الهمام محمود طاهر وادارته والكارثه في الموضوع 4 اهداف في 22 دقيقه عمرها ماحصلت في اي فريق

[هلال]

كلمه السر شريف اكرامى

[رزق صبحى]

دول ولا نافع معاهم لا غش ولا برشام دول لاعيبة مش تمام
جابو لينا الضغط والسكر كمان طب زمبو اية المشجع الغلبان انة ينام زعلان
ارتحت ياعم فتحى انت كمان لما انت مش فاهم بتعمل لى سوبر مان
حسبى الله ونعم الوكيل فيك انت كمان ياطاهوووورة يالى بتسافر انجلترا كل يوم وفى الاخر زعلان ان فتحى طلع بتنجان

[نور المصطفى]

الاجابة يااستاذ سيد وضحة تمام التمام
بين الملخية والمهلبية
هو شكلة كان فاكر بيلاعب الترام
علشان كدة مخدشي بالة من الى جاى من وراة
متقلقوش يا اهلوية لزم القرصة دى علشان الاهلى يفوق
من الحلم الى كان فية هو موسم للنسيان
والقادم افضل ان شاء الله .

[احمد سمير]

الإجابة الصحيحه تكمن في المبارة الأخيرة
جعلت جميع من يديرون المنظومه الأهلاويه
من إداريين ولاعبين
كشفت الجميع على حقيقتهم وأحرزوا فيها نتيجة الصفر المخذي
--------

[السيدعبدالعزيز]

المطروح اربع اسئله والاجابة واحدة !!!!!!!!!!!!!!!.

[احمد سمير]

المشاركة الأصلية كتبت بواسطة السيدعبدالعزيز

المطروح اربع اسئله والاجابة واحدة !!!!!!!!!!!!!!!.

ياعم السيد
إكتب في تقريرك النهائي
لم ينجح أحد
وعديها بأه
ههههه