[مستر ابراهيم فوزى]

السلام عليكم

بالنسبه لموضوع الاستاربورت 9000 المشكله اتحلت بالسوفت بتاعك بتاعه derr

لكن انت لو تابعت ردود الموضوع كنت عرفت ان الجهاز كان فيه مشكله عدم تخزين القنوات واتحلت بتغيير الايسى المذكور
وحبيت انوه الى حل العطل لمنفعه اى شخص تقابله مشكله التخزين

تيجى انت تدخل ع الموضوع وتقولى ايه النفخ ده ؟؟؟؟؟

انا متحفظ على اسلوبك ده لان المنتدى هنا عودنا نحترم بعض وكده اسلوبك ما ينفعشى

أسلوبك في المناقشه هنا يا أخي
مرفوض
حتي عنوان الموضوع مخالف
الإدارة
-----------

[م/السيد منطاوى]

وعليكم السلام اخى اولا حضرتك اكيد على علم ان المواضيع القديمه للمشاهده فقط وهذا ما قد اثار حفيظه الاستاذ ابو عهد وان كان الم بك سوء من رده فتقبل اعتذارى الشخصى

[احمد سمير]

أسلوبك في المناقشه مرفوض هنا يا أخي
وخصوصا إنك في قسم تقدم فيه الخدمات
وليس لتتبع المشاكل
لو كنت مصمم على متابعة مشكلتك مع المهندس
أبو عهد
فعليك بعمل شكوى في قسم
الشكاوي
بخلاف ذلك
ممنوع عمل مثل هذه المواضيع هنا
------------

[مستر ابراهيم فوزى]

المشاركة الأصلية كتبت بواسطة م/السيد منطاوى

وعليكم السلام اخى اولا حضرتك اكيد على علم ان المواضيع القديمه للمشاهده فقط وهذا ما قد اثار حفيظه الاستاذ ابو عهد وان كان الم بك سوء من رده فتقبل اعتذارى الشخصى

مهندس سيد انت بمجرد انى شوفت اسمك فى الموضوع وانا اتراضيت

والمهندس ابو عهد رجل ادارى فى المنتدى واكن له كثير من الحب والاحترام مثل سيادتك تمام بس هو ما اخدش باله ان الموضوع تطور لمشكله تانيه وهو ان الجهاز لا يخزن القنوات بعد البحث وتم متابعه المشكله من اخوه فنيين فى المنتدى وتم حلها بايسى والنهارده وانا بقلب فى مواضيعى للمراجعه وجدت انى ما اعلنتش عن حل العطل ليستفيد منه اى حد يقابله العطل
ففوجئت برد النفخ ومش النفخ يعنى لو الالفاظ دى مصرح بيها قولو لنا علشان ما يبقاش ظلم لو عضو قالها واتوقفت عضويته
وانا مش زعلان والموضوع للمعاتبه فقط من عشمى فيه
وشكرا لاهتمامك يا بشمهندس سيد
وبالتوفيق

[مستر ابراهيم فوزى]

المشاركة الأصلية كتبت بواسطة احمد سمير

أسلوبك في المناقشه مرفوض هنا يا أخي
وخصوصا إنك في قسم تقدم فيه الخدمات
وليس لتتبع المشاكل
لو كنت مصمم على متابعة مشكلتك مع المهندس
أبو عهد
فعليك بعمل شكوى في قسم
الشكاوي
بخلاف ذلك
ممنوع عمل مثل هذه المواضيع هنا
------------

ياباشا احنا قلنا الموضوع للمعاتبه من عشمى فيه مش للشكوى
ابوعهد اكن له الكثير من الاحترام وحاولت ابعتله رساله ما عرفتش

وكنت اتمنى يدخل يرد
لكن دلوقتى ارجوا غلق الموضوع

[احمد سمير]

المشاركة الأصلية كتبت بواسطة مستر ابراهيم فوزى

ياباشا احنا قلنا الموضوع للمعاتبه من عشمى فيه مش للشكوى
ابوعهد اكن له الكثير من الاحترام وحاولت ابعتله رساله ما عرفتش

وكنت اتمنى يدخل يرد
لكن دلوقتى ارجوا غلق الموضوع

يا أخي
لابد وأن تعرف
أنت وجميع من في المنتدى وخصوصا من كان له حق
وضايع جميعكم فوق رؤسنا
ولكن اللي يجب أن تعرفه هو أننا بنتسأل على مثل هذه المواضيع
والتي توضع في مكان ليس هو مكانها
أما أنت يا أخي
فأهلا وسهلا بيك وعلى دماغي يا أخي
ملحوظه
---------
من هو هذا العضو اللي إتوقف ظلم
أو بطريق غير مقصود - فنحن لانقبل الظلم نهائيا
ياريت تحط رابط لهذا العضو
وأرجوك تعذرنا وشكرا لك يا أخي

[مستر ابراهيم فوزى]

المشاركة الأصلية كتبت بواسطة احمد سمير

يا أخي
لابد وأن تعرف
أنت وجميع من في المنتدى وخصوصا من كان له حق
وضايع جميعكم فوق رؤسنا
ولكن اللي يجب أن تعرفه هو أننا بنتسأل على مثل هذه المواضيع
والتي توضع في مكان ليس هو مكانها
أما أنت يا أخي
فأهلا وسهلا بيك وعلى دماغي يا أخي
ملحوظه
---------
من هو هذا العضو اللي إتوقف ظلم
أو بطريق غير مقصود - فنحن لانقبل الظلم نهائيا
ياريت تحط رابط لهذا العضو
وأرجوك تعذرنا وشكرا لك يا أخي

انت يا باشا ايلى على دماغى وانا فهمت مداخلتك
وحصل خير ياباشا
وارجوا غلق الموضوع

[م/السيد منطاوى]

شكرا لتفهمك اخى الكريم وبعد اذن استاذنا احمد سمير الموضوع مغلق