[حورس العاطفى]

[أ/حــمــاده الــجــوكــــر]

تسلم يا استاذ حورس على المتابعه الممتازه

[adhamelmasry]

يعنى بيطالبو بوقف المحاكمة
هنقول صعبان عليهم مثلا ولو انة ما يصعبش على حد
لانة وبكل بساطة ما صعبش علية ملايين من شعب مصر الفقير
لاكن كمان يرجع رئيس لمصر والله دى نكتة وجامدة كمان
ههههههههههههههه

[amr_taher2005]

انا عايز اقول للناس اللي بيطالبو بعدم محاكمة مبارك هل في احد من اهليكم استشهد او اصيب في الثورة اعتقد ان لا يوجد لان نار المصاب والمستشهدين لم تبرد دمائهم بسبب قناصة النظام الغاشم المتوحش يا ناس اتقوى ربنا في اهالي الناس دي ده في اكثر من
( 850 ) شهيد واكثر من ( 2500 ) مصاب هل هذا العدد لا يكفي يا اللي بطالبو بعدم محاكمته اتقوى الله
( من قتل نفسا بغير ذنبا فقد قتل الناس جميا ) ( من قتل يقتل ) ( قتل المسلم للمسلم حرام حرام حرام ) اتقوى الله شكرا

[سوق الدش بفاقوس]

المشاركة الأصلية كتبت بواسطة adhamelmasry

يعنى بيطالبو بوقف المحاكمة
هنقول صعبان عليهم مثلا ولو انة ما يصعبش على حد
لانة وبكل بساطة ما صعبش علية ملايين من شعب مصر الفقير
لاكن كمان يرجع رئيس لمصر والله دى نكتة وجامدة كمان
ههههههههههههههه

فى مثل بنقولة ((اللى يصعب عليك يفقرك))

[amr_taher2005]

لازم يصعب علينا الناس معظم الشعب المصري اتظلم قناة السويس لوحدها بدخل شهريا
( 450مليون دولار )
لو عشت ايام الثورة وانت بتشوف ضرب النار والملودوف والحرايق كنت تعمل ايه يالي بتقول اللي يصعب عليك يفقرك شكرا ليك وبعدين احنا في ديمقراطية كل واحد عنده رأيه بس لازم تفكرو ان الشعب المصري لو بياخد حقه من زمان كان ما يبقاش في حد ساكن في العشوائيات اللي مليانه مصر كلها

[سيد مكى]

تسلم يا استاذ حورس على المتابعه

[ميدو16]

دول ناس للاسف ميفهموش حاجه او باقل تعبير دول مشممكن يكونو مصريين دول عملاء وخونه

[muhammad iprahem]

طب والى استشهدوا بسببه هو ونظامه

هناخد حقهم من مين ؟؟؟؟؟؟؟؟

[aljaseera]

انا كنت من اكثر الناس تعاطف مع الريس ودة عشان مكنتش اعرف حجم الانية والجشع الى كان عيش فية دا كان فكرهة تركة بيقسم فيها هو وعيلو ومراتو وكتر وحد بيطا لب بالقصاص منة هو ومن اجرم فى حق الشعب المصرى

[حماده ياجامد]

الأخ ألى بيقول دخل قناه السويس 450 مليون.طيب عندك حق أمال المدارس والمستشفيات والطرق والكبارى والعم والعلاج على نفقه الدوله ومراكز الشباب ومترو الأنفاق والسكك الحديديه وغيرها كتير نجلبلها فلوس منين هنشحت.
المفرض كل واحد يفكر قبل مايتكلم .

[hbyb331]

المشاركة الأصلية كتبت بواسطة midohema

طب والى استشهدوا بسببه هو ونظامه

هناخد حقهم من مين ؟؟؟؟؟؟؟؟

معـــــاك أخـــــى الكــريم ... يظهر مكووش بنار شهيد أو النهب والسلب للنظام بأكمله

[هيومانس]

المشاركة الأصلية كتبت بواسطة hbyb331

معـــــاك أخـــــى الكــريم ... يظهر مكووش بنار شهيد أو النهب والسلب للنظام بأكمله

لا اله الا الله

[world market]

للاسف هؤلاء القوم منقسمون كالاتى : فئة المنتفعين من نظام المخلوع / فئة الجهلاء الغير متعلمين او الغير مثقفين وللاسف ليسوا كثر لان والله أكثر فئة تكره هذا الفرعون هم الطبقة الفقيرة والعادية من الشعب المصرى العظيم / فئة السذج والعاطفيين وللاسف خسارتك يا مصر مليانة بيهم اول ما يطلع لهم حسنى على الشاشة يعيطوا ويبكوا بدل الدموع دم من اجل ماذا ؟ من اجل فرعون طاغية أذل الشعب المصرى وأفقره على مدى 30 عام واااااااااااااااااااااااه من ال30 عام دول خلوا دول زى السودان وماليزيا وسنغافورة وغيرهم وغيرهم خلوهم أقوى مننا اقتصاديا وهل بعد كل كده يا سذج زعلانين عليه ؟؟؟ يارب يارب يارب يحشركم معاه فى جحيم النار والحمد لله الاغلبية الكاسحة زى ما كان بيقول المخلوع الحمد لله كلها بتكره اليوم اللى جاه فيه هذا المخلوع يعنى بنسبة 98 من الشعب المصرى العظيم انما ال2 بالمائة ربنا يهديهم ويرجعهم لعقلهم والا بالتاكيد هم مجانين مثله ..؟

[captin kisho]

المشاركة الأصلية كتبت بواسطة حماده ياجامد

الأخ ألى بيقول دخل قناه السويس 450 مليون.طيب عندك حق أمال المدارس والمستشفيات والطرق والكبارى والعم والعلاج على نفقه الدوله ومراكز الشباب ومترو الأنفاق والسكك الحديديه وغيرها كتير نجلبلها فلوس منين هنشحت.
المفرض كل واحد يفكر قبل مايتكلم .

اخى اللى بيتكلم على المدارس والمستشفيات والحاجات دى

المدارس وكلنا عارفين اللى فيها دول بيدفعوا رواتب مدرسين بس وما ادراك من رواتب المدرسين المدرس بياخد 150 لحد 300 جنيه ولولا الدروس مكنش يعرف يعيش يبقى مدارس ايه بقى .

ثانيا المستشفيات : احلى مستشفيات فى الدنيا اللى الواحد يخش فيها يعمل عمليه الذايده يطلع مشلول او يشيلوا له الكلى وكل مستشفى حكومى وفيها القسم الخاص اللى بيصرف عليها .

ثالثا : العلاج على نفقه الدوله : هههههههههه اهى دى الكدبه اللى بيتضحك بيها علينا ويعشموا بيها الناس الغلابه الناس كلها عارفه العلاج على نفقه الدوله كان بيروح لمين لوزير متضايق شويه يطلع اوروبا يغير جو على نفقع الدوله واحد معاه مليارات مراته تعبت يعالجها على نفقه الدوله واللى يفضل فى الاخر يوزعوه على اعضاء المجلس يبيعوه للناس الغلابه وتقولى علاج.

رابعا : الطرق والكبارى : الطريق او الكوبرى اللى بيعملوه يقولك كارته وياخدو 5 و 10 جنيه على كل عربيه يلموا ثمنه 1000 مره يعنى برضه انت اللى بتدفع تمنه .

خامسا :مترو الانفاق والسكه الحديد : تقدر تقولى اتكلف كام علشان يتعمل وكل يوم كام مليون واحد بيركبوه اضرب بقى فى تمن التذكره وشوف بيلمو كام كل يوم.

وياريت بعد كل ده حضرتك انت اللى تفكر قبل ما تتكلم و اسف على الاطاله