حل مشكلة عدم توافق فتحة السنتر مع بولار الاطباق وتحسين الاستقبال بدرجه ملحوظه

عاصفة الصحراء · #1 2018/02/18, 12:55 PM

بسم الله الرحمن الرحيم
والصلاة والسلام على سيدنا محمد وعلى آله وصحبه وسلم
كثيرا من الاخوه الفنين دائمى الشكوى من الاطباق المحلية كالبنجامين وباقى العائلة
وهذه الاطباق ليست سيئه لهذه الدرجة ولكنها للاسف تحتاج الى مجهود بالاضافة الى وجود عقبات ولابد من تجاوزها للحصول على استقبال جيد ونتطرق اليوم الى احدى هذه العقبات وطريقة تجاوزها بحل عملى
--------------
كثيرا ما تصادفنا اطباق بها عيب وهو عدم تطابق الحله مع البولار مع ان فتحات الاذرع التى تحمل الحله (جايه من المصنع) هى الاصلية الا اننا نجد ان فتحة السنتر الخاصه بالحله غير متوافقه (مش قصاد فتحات البولار) مع فتحتى الاسطوانتين الدائرتين الموجودتين بالبولار سواء كانت فتحة سنتر الحله بها ترحيل لاعلى قليلا او تحت او يسار او يمين عن الفتحات المقابله لها مما يؤثر على الاتزان الصحيح للحله وبالتالى ينتقل التأثير على الاستقبال
مثال على ذلك استقبال قمر باشارة مرتفعه وعدم الاستقبال الجيد لقمر مجاور او عدم الاستقبال الجيد لاحد طرفى المدار سواء الشرق او الغرب
واليكم صورة لطبق احد الاصدقاء به هذا العيب

----
والان نتطرق الى طريقة الحل وهى سهله وبسيطه
اولا نقوم بفك مسامير الاذرع التى تحمل الحله (بمساعدة شخصين) ونقوم بسنترة الحله وذلك عن طريق ادخال سيخ مقلوظ طويل او مسمار طويل فى البولار من الخلف مرورا الى فتحة سنتر الحله كما توضح الصور

ونلاحظ فى هذه الصورة وجود دائرة خشبيه لحماية الحلة اثناء الربط المحكم
وبعد ذلك نقوم بعمل الفتحات الجديده بواسطة شنيور وبونطه حدادى
وبعد ذلك نقوم بتركيب الحله على الوضع الجديد

]

ويمكننا سد الفتحات القديمة باستخدام المادة 2×1 الخاصه باللحام مع تسوية اللحام
وبعد ذلك يمكنك مشاهدة تطابق الفتحات مثل هذه الصور

والان مع صور لبعض استقبالات الطبق بعد تخطى هذه العقبه

-

-

-

-

-

-

فى الاخير ارجو ان ينال هذا الموضوع استحسانكم وان ينالنى منكم حسن الدعاء وفقنا الله واياكم لما فيه صالح الاعمال

البلعوطي · #2 2018/02/18, 12:59 PM

موضوع ممتاز تسلم ايدك يا غالي

عاصفة الصحراء · #3 2018/02/18, 01:02 PM

اقتباس:

المشاركة الأصلية كتبت بواسطة البلعوطي

موضوع ممتاز تسلم ايدك يا غالي

سلمك المولى اخى البلعوطى

علاءدش101 · #4 2018/02/18, 01:10 PM

شكرآ جزيلا على الموضوع الرائع و المميز

واصل تالقك معنا في المنتدى

بارك الله فيك حبيبى ابو اياد

ننتظر منك الكثير من خلال ابداعاتك المميزة

لك منـــــــ اجمل تحية ــــــــــي

#5 2018/02/18, 04:39 PM

الله ينور شغل فى منتهى التميز
منتظرين باقى الاعمال الحصريه فى منتدى الحصريات
(مـــــــــــصراوى ســــــــات)

krdasa · #6 2018/02/18, 05:09 PM

الله ينور يا دكتور البنجامين والمصانع شغل متعوب عليه
يعني كده الواحد هيفك الدرعات ويسنتر الحله ويخرم من جديد
السؤال هل هعيد ضبط المدار من الاول
ونقطة كمان الفاتحه القديمه هيكون ليها تأثير
وفي الاخر الله يبارك فيك يا ابو إياد وتسلم علي الشرح
هو ده الشغل بجد اللي محتاج دماغ
طبعا مقصد ش دماغ تأتيه اقصد محتاجه فني قديم في المهنه
ومش اي فني لا شغل بضمير

فني تركيبات · #7 2018/02/18, 05:28 PM

تسلم ايدك ابواياد
مثبت بدون كلام

م /احمد جمال · #8 2018/02/18, 06:53 PM

السلام عليكم
الله ينور ابواياد ياصديقى
الاطباق مصانع الحربيه وانتشارها الكثير فى الصعيد بكثره وضع تعامل مع هذه الاطباق
وكثره تجارب عليها
عندى نفس البولار مع حله باركليبس ولاكن لم اطر الى تخريم من جديد كل معملته تهويه 2مسمار للدراع وتوفيقه مع ثقب الحله ووفقت درعين فقط والدراع الثالث زى ماهو

بوره · #9 2018/02/18, 07:16 PM

جزاك الله خيرا

جوهركامل · #10 2018/02/18, 10:14 PM

تسلم ابوايادكالعاده بتعطى مثل بالاعمال المميزه والمفيده
بخلاف ظهوراستقبالات باشارات مميزه تدل على مداراحترافى مميزبمكانك
افكارممتازه وتطبيقهااروع منك ابوايادعلامه مميزه من ابناءالصعيدمنبع الرجال
وبالاخروفقك الله وبارك فيك والى الامام دائماصديقى العزيز

عاصفة الصحراء · #11 2018/02/19, 12:52 AM

اقتباس:

المشاركة الأصلية كتبت بواسطة علاءدش101

شكرآ جزيلا على الموضوع الرائع و المميز

واصل تالقك معنا في المنتدى

بارك الله فيك حبيبى ابو اياد

ننتظر منك الكثير من خلال ابداعاتك المميزة

لك منـــــــ اجمل تحية ــــــــــي

نورت وزينت الموضوع باطلالتك البهيه ابا عبد الرحمن خالص تحياتى يا صديقى

gamal_317_ 20 · #12 2018/02/19, 07:15 PM

احسنت ابواياد الرجل المجتهد واتمنا لك المزيد من التقدم

الصعيد الجوانى · #13 2018/02/21, 09:04 AM

طيب سؤال
هل استقبلت على البنجامين قنوات مالى على 31 غرب
هل استقبلت اردد 11766 على السيروس 5 شرق
؟؟

بانوراما سات · #14 2018/03/13, 02:27 PM

الله ينور تسلم ايدك شغل احترافي والاشاره مش بتكدب بارك الله فيك

باسم عادل · #15 2018/04/02, 07:50 PM

اشتريت طبق مصانع زى اللى فى الصور
و السنتر مكانش مظبوط ..
عملت زى الشرح لكن الفتحات الجديدة للدراعات
جاية بعد الفتحات القديمة للداخل ناحية سنتر الطبق
مش جنب الفتحت القديمة لكن الفتحات داية قصاد فتحة الحلة بالمللى
لكن اشارات الفيدات على 7 و 10 شرق مازالت مش قوية
فيد الدورى الانجليزى على 7 شرق افضل وضع ليه 50 %
و اشارة براعم على 10 شرق 75 و اورتك 54%
و عملت دراعات جديدة للطبق لان القيدمة فيهم واحد اطول من التانيين ب 1 سم
طول الدراعات الجديدة 82 سم صافى بدون التنيات
للعلم مقاسات الطبق كالتالى :
العمق 42 سم
القطر صافى من الداخل بدون التنيات 224 سم
البعد البؤرى 73.5 سم
باستخدم عدسة فوجى حديد لكنى قصيتها قبل كده و رجعت لحمتها
ومش متأكد من طولها مظبوط زى الاول ولا لا
لانى سنفرت منها .. طولها حاليا 11 سم .. هل كدة مظبوطة ؟
و ايه افضل عدسة تشتغل عليه علشان الفيدات تعلى ؟
و شلت الدهان القديم للطبق وهدهن دهان جديد لان فيه حتت الدهان متقشر
نصايحكم علان الفيدات تعلى
للعلم باستقبل من 31.5 غرب لكن اشارة 2m ضعيفة جدا
هيسبا سات باستقبل اشارات سبورت hd باشارات 55
و الثور ضعيف فقط 15 قناة
و اقمار الشرق مرتفعه لكن بدون اى ترددات سوبر
منتظر الافادة و شكرا لكم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مشكلة فى بولار طبق متحرك	سيد يوسف	تركيب و صيانة الدش المتحرك ( الموتور و البوزيشنر )	1	2019/03/19 02:26 PM
الافادة فى بولار طبق 240 بنجامين وهل هو جيد ام بولار ecc لدش امريكى	مصطفى الامين	تركيبات الدش و الدش المركزي	12	2019/02/19 03:57 PM
مشكلة في بولار طبق 160 بريفكس	hassan hulk	تركيبات الدش و الدش المركزي	23	2017/06/07 06:45 PM
هل ممكن تحويل بولار الطبق الثابت الى بولار للطبق المتحرك.	فوزي سامي	تركيبات الدش و الدش المركزي	1	2015/06/01 04:54 AM
شارك برأيك توافق ام لا توافق على التعديلات الدستورية	redaabdeltawab	مصراوى سات كافيه	2	2011/03/18 09:23 AM