[bebo606]

مشكلة الجهاز كما يلي :

حولت الجهاز من فترة إلى فورتك 999 واشتغل كويس وكان عليه سيرفرين واحد سسيكام والثاني نيو كامد

وبعد فترة توقف عمل اليوتيوب وقنوات ****

المهم بعد نزول اخر سوفت للباناسات قلت احول الجهاز مره اخرى وارجعه لأصله وفعلا قمت عن طريق الكمبيوتر باعطاء الجهاز هذا التحويل :-

http://www.masrawysat.com/vb/showthread.php?t=1293939

لكن للأسف الجهاز مات مفيش اي حركة للجهاز وتحس ان مش واصله كهرباء ولايوجد اي شيء على شاشة الريسيفر الشاشة معتمة سوداء

قلت اجرب هذه الفلاشة :-
http://www.masrawysat.com/vb/showthread.php?t=1665589

اديتها للجهاز مرة عن طريق usb ومرة اخرى عن طريق الكمبيوتر

لكن للأسف الجهاز لم يحس بهذه الفلاشة

اتمنى حل لهذه المشكلة

واتمنى مشاركة من يملك حل

الف شكر

تحياتي وتقديري لحضراتكم

[م/دسوقى ابوكنزى ويوسف]

اتفضل ياغالى
جرب الفلاشه دى باللودر ده
بعد فك الضغط عن اللودر
حط الفلاشه المرفقه جوه فولدر اللودر وبعد كده فك الضغط عنها
هتلاقيها متسميه باسم rom
دوس على كلمه اللودر
وافتح البور الخلفى وان شاء الله يشتغل
ومتابع معاك

[bebo606]

الف شكر

بارك الله فيك وجزاك كل خير

ان شاء الله اعمل زي ما حضرتك قلت وسوف ابلغك بالنتيجة

تحياتي لحضرتك

[bebo606]

استاذي الفاضل / م/دسوقى ابوكنزى ويوسف

عند فك الضغط على الملف اللى مكتوب عليه rom ينتج ملف على هيئة صفحة او ورقة صغيرة
وعند الضغط على كلمة اللودر لا تظهر الصفحة السوداء اللى بيكون فيها العد

وحسب معلوماتي البسيطة جدا ان ملف rom المفروض بيظهر على هيئة برنامج vlc اللى شكله على هيئة قرطاس اصفر

ياريت حضرتك تكمل تعبك معايا وتعرفني اتصرف ازاي

في انتظار رد حضرتك

الف شكر

[bebo606]

الحمد لله

الريسيفر رجع الى الحياة مرة اخرى بعد ان مات وشبع موت

مش عارف اشكر حضرتك ازاي / م/دسوقى ابوكنزى ويوسف

ربنا يكرمك ويبارك فيك

كان عندي ملف الفلاشة فكيت الضغط وسميت الملف rom ووضعتها مع اللودر اللى نزلته حضرتك

وعملت زي ماقلتلي دوست على كلمة اللودر ولقيت الصفحة السوداء وبعد كدا فتحت الريسيفر من الخلف وجدت العد بدأ في الصفحة الى ان انتهى العد ووجدت شاشة الريسيفر نورت وبها ارقام

على فكرة مجال عملي بعيد تماما عن الدش والريسيفرات ولكني اعشق هذا المجال
ونفسي اتعلم كل حاجه فيه

وطبعا ماصنعته اليوم وقمت به بالنسبة لي معجزة

ولكن بمساعدة إدارة ومشرفي وأعضاء هذا الصرح الرائع مصراوي سات المحترمين جدا جدا والعطائين بدون مقابل وبلا حدود تعلمت الكثير والكثير في هذا المجال الذي احبه واجد نفسي فيه اكثر من عملي اللى شغال فيه

م/دسوقى ابوكنزى ويوسف
بارك الله فيك وجزاك كل خير ومنحك الله كل ما تحب وتتمنى

تحياتي وتقديري واحترامي لحضرتك

[طارق الجندى]

شكرا لك
م/دسوقى ابوكنزى ويوسف

على المتابعة الممتازة

[م/دسوقى ابوكنزى ويوسف]

الف مبروك
اخى الغالى بيبو
وانا تحت امرك ياغالى
لانك فى منتدى مصراوى سات
والف شكر لحضرتك
استاذى م/طارق الجندى