[zaabl]

يا جماعة انا اشتريت تليفزيون LG سمارت 43 بوصة موديل 43LF63 بفضل ربنا اولا ثم نصيحتكم ليا ثانيا بس انا عندي مشكلة في جودة الصورة مع قنوات النايل سات او القنوات الSD عموما شايفها وحشة جدا جدا !! ومش عارف هل ده عيب في الشاشة ولا في حاجة عندي غلط .... وبلاقي مكتوب كدة ع الشاشة تحت كلمة HDMI1 ===> 1920‎*‎540 @50HZ فياريت حد يفيدني و يعرفني المشكلة ايه بالظبط مع العلم ان جودة القنوات الHD الي حد ما كويسة .... و متشكر جدا يا جماعة

[hero one]

القنوات اللى مش hd كده كده صورتها بتكون سيئة جدا ....انت هتستمتع بالتليفزيون أكتر فى 1-الافلام البلوراى ...حمل أفلام براحتك وحطها على فلاشة هتشوف امكانيات الشاشة بجد
2- العاب البلاستيشن هتلاقيها حاجة روعة ...
3-اليوتيوب لو عندك سرعة كويسة ممكن يغنيك عن القنوات نفسه وخصوصا ان تليفزيونك سمارت
4- اغلب القنوات المجانية بتكون صورتها سيئة لان كل قمر صنعاى بيكون ليه حد اقصى من القنوات ال hd اللى غالبا لا يزيد عن 50 قناة ودول ممكن تستمع بيهم وخصوصا لو فيه ريسيفر hd والف مبروك

[zaabl]

الله يبارك فيك يا غالي بس يعني معقولة LG مش قادرة تتعامل مع عيب زي ده ؟؟!

[Eng.Shoman]

حضرتك المشكلة في القنوات مش الشاشة اتفرج علي جودة صورة اي قناة من قنوات ال MBC واي قناة مجانية تانية من بتوع الافلام الرخيصة هتلاقي فرق كبير جدا والقنوات SD عندي شاشة توشيبا اندرويد بعاني من الموضوع دا
بس عرفت مميزات الشاشة ان اكتر الافلام ال بتفرج عليها بلوراي ويوتيوب بيكون حاجة وهم كويسة جدا جدا جدا

[bebo606]

عندي شاشة سامسونج 40 بوصة فول اتش دي

صورة القنوات SD عار صورة سيئة جدا وكمان صورة القنوات hd اللى على النايل سات معقولة شويه

علشان تحس بالشاشة وتفرح بيها هات ريسيفر يكون كويس وهات مثلا القمر الأوربي وهات قناة رياضة تكون hd او قناة أفلام اجنبي hd او قناة بتقدم برامج توك شو تكون hd

هتلاقي فرق رهيب وهتلاقي صور نقية بشكل لا يصدق وهتعرف ان شاشتك ممتازة

عارف حضرتك يو ما اشتريت الشاشة كنت في قمة السعادة واول ما وصلت الشاشة وشغلتها كانت صدمة رهيبة لان الصورة سيئة جدا وكنت دافع فيها 4200 جنيه وقلت راحت فلوسك يا صابر

لكن لما جبت قنوات hd على الأوربي قلت الحمد لله وفرحت بالشاشة فرحا شديدا

لا تقلق شاشة حضرتك ممتازة وصورتها نقية لكن عليك بريسيفر كويس وهات قنوات hd على اي قمر غير النايل سات وهتشوف الفرق

الف مبروك ---------- وتحياتي لحضرتك

[zaabl]

متشكر جدا يا جماعة علي ذوقكوا و ردكوا الجميل ربنا يبارك فيكوا و الحمد لله طمنتوني

[booss]

ادخل الى اعدادات الرسيفر وعدل الرزليوشن من 1920‎*‎540 @50HZ الى 1920‎*‎1080i @50HZ

[zaabl]

انا عندي ريسيفر كيوماكس h6 ممكن تقولي اعدلها ازاي عليه ؟

[علىدش]

يا جماعة انا عندى الشاشة دى اسمارت ونفس المقاسوصورتها روعة انتة بس ياغالى غير اعدادت الصورة من ريموت الرسيفر والصورة هتبقى معاك تمام وعن تجربة صورة الشاشة روعة

[zaabl]

اغيرها ازاي طيب ؟

[oss792000]

الشاشه صورتها هتتحسن مع مرور الوقت لا تقلق

أرسلت من C6903 بإستخدام تاباتلك

[M.Tifa]

صورة القنوات الـ SD سيئة
لكن الصورة بتتحسن مع مرور الوقت و دا عن تجربة شخصية

[hopa102]

استفسار بعد اذنكم ... انا عندى شاشة ال جى 43uf671t 4k وريسيفر VU+ SOLO2 1080p
بس الصورة مش عجبانى اوى دا لان الريسيفر اخره 1080 بمعنى انى لو جبت ريسيفر يدعم 4k صورة القنوات العادية هتتحسن ولا مش هيكون فى فرق عن الريسيفر الحالى ؟؟؟

[bebo606]

المشاركة الأصلية كتبت بواسطة hopa102

استفسار بعد اذنكم ... انا عندى شاشة ال جى 43uf671t 4k وريسيفر VU+ SOLO2 1080p
بس الصورة مش عجبانى اوى دا لان الريسيفر اخره 1080 بمعنى انى لو جبت ريسيفر يدعم 4k صورة القنوات العادية هتتحسن ولا مش هيكون فى فرق عن الريسيفر الحالى ؟؟؟

استاذي الفاضل / هل يوجد في مصر ريسيفرات بتقنية 4K

وأين تباع لو موجوده ؟

ومعلهش كم سعر الشاشة ؟

تحياتي لحضرتك