[PRO WAEL]

طالب المساعدة من الخبراء او من مالكى نفس الجهاز أصحاب الخبرة حتى لو مش هيرفقلى ملفات او سوفت يدينى معلومه ،، انا عمرى متأخرت عن حد فى معلومه او إفادة .
عندى الجوكار v1 وعاوز اعرف افضل سوفت ليه يحقق الأتى
يشغل فلاشة النت
يشغل ********* المدفوعة والمجانيه
يشغل اليوتيوب
ولو امكن استفسار عن السنة المجانية هل تم كسرها للجوكار v1 واى سوفت بيكسرها .؟ ياااارب حد يجاوبنى اويرفقلى السوفت المناسب ؟

[dodyam]

يا باشا انا رديت عليك قبل كده وده لانى عندى نفس الجهاز ده وعندى خبرة كويسة فيه الحمد لله
والسنة المجانية لم يتم كسرها على الجوكر على اى سوفت نهائيا والجهاز قديم يعنى محدش هيفكر يكسرها على جهاز قديم اوى عشان تريح نفسك من السؤال ده

ومن ضمن افضل السوفتات للجهازالسوفتين اللى موجودين فى المثبتات وزى ما قلتلك قبل كده انا باحب السوبر 2.01 وده ميزته انه سوفت كامل يعنى لما تحصل مشكلة للجهاز تقدر ترجع للسوفت ده وبيشغل السرفرات المجانية والمدفوعة كويس لكن فلاشة الثرى جى لا

بالنسبة لموضوع فلاشة النت كنت بانزل سوفت تايجر على ما اتذكر تايجر 2.23
بس لازم طبعا موديلات معينة من فلاشة النت هى اللى بتشتغل مش اى فلاشة نت تنفع فاوعى تتسرع وتشترى اى فلاشة نت او حتى واى فاى لان موديلات معينة هى بس اللى ينفع تشتغل على الاجهزة

على فكرة انا شفتلك مواضيع كتير بنفس المعنى فنصيحة لو ما حدش رد عليك ما تعملش موضوع جديد اعمل رد جديد فى نفس موضوعك وخلى بالك الرد ده ما يكونش اكتر من مرة واحدة فى اليوم لرفع الموضوع ولتذكرة الناس بالرد عليك
سؤال بقى فى مواضيعك التانية بتقول ان عندك مشكلة فى الجهاز وبتقول ان عندك مشكلة فى اليو اس بى فممكن توضح مشكلتك يمكن اساعدك مع توضيح ازاى عرفت ان عندك مشكلة فى اليو اس بى
وانا على استعداد لتقديم النصيحة يا اخى

[م/علاء يحيي]

رد ممتاز وجاب من الاخ
بارك الله فيك حبيبى الغالى

[PRO WAEL]

مشكلة الجهاز اتحلت ياغالى وكمان مشكلة اليواس بى لان لان المشكله كانت من اليواس بى نفسها . وبالنسبه للجهاز كانت المشكله انى كنت بجربه وبشتغل عليه على شاشة كمبيبوتر بواسطة واصله hd وكونفيرت dvi to hd ومكنتش اعدادات الرزليوشن مظبوطه كان لازم اظبط الرسيفر على 720 p وانا طنت ظابطه على 1080 p علشان كده كانت ملخبطالى الدنيا كلها وعمال انزل فى سوفتات دون اى جدوى والجهاز كان بيقبلها وانا مش شايف اى صورة ولا عارف اى حاجه لان الجهاز كنت لسه جايبه من واحد زميلى خد منى h3 plus مخلص ***** مجانى واداهولى كنت بحسبه افضل ومش عارف انا غلطت ولا ايه ؟ بس انا حبيته علشان شغل شاشه الكمبيوتر لكن الاتش ٣ بلس مبيشغلهاش . وبالنسبه للمشاكل عندى دلوقتى كلها انحسرت فى تشغيل فلاشة النت وعاوز السوفتين ٢.٢٣ ، ٢.٣٢ التايجار . لان السوفت المرفوع فى المثبتات بايظ . والمشكله التانيه عاوز اعرف ادخل بيانات ***** مجانى من المنتدى اللى هى ********* اليوميه مش عارف انا عندى ********* من ا: ٤٠ ادخلها فين بالظبط ،،، وكمان عاوز اعرف افضل ***** مدفوع خاص بالمنتدى ايه علشان ممكن اشترك فيه ،، وكتر خيرك يا باشمهندس جدا جدا على تعبك وزوقك معايا .

[PRO WAEL]

وبخصوص السنه المجانيه انا سالت لانى شوفت مواضبع كتير على المنتديات وعلى مصراوى كمان لتقول انها انكسرت على بعض السوفتات فسالت اتاكد من حضراتكم

[dodyam]

كبر دماغك من موضوع السنة المجانية خالص زى ما قلتلك
بخصوص سوفت التايجر الموجود فى المثبت انت بتقول بايظ اعتقد انك تقصد انه اتعمله داونلود عادى لكن لما جيت تثبته على الجهاز اداك ايرور فهل انت ثبته بطريقة صح
المفروض اى سوفت علشان تنزله يكون داخل فولدر اسمه files على الرووت فى اليو اس بى
بفرض ان الفلاشة الدرايف بتاعها D يبقى مسار السوفت على الفلاشة هيكون كالتالى
D:\files\NxpRom.bin
وكمان من الافضل تعمل ظبط مصنع قبل السوفت و بعده
وتفصل الكهرباء عن الجهاز وتحط الفلاشة ثم تفتح الجهاز وتسيبه ينزل السوفت ولما يخلص تشيل الفلاشة
وخلى بالك لازم تكون منزل سوفت السوبر الأول 2.01 على الجهاز لانه سوفت كامل
وبعدين تنزل تايجر 2.23
وعلشان السرفر المجانى او المدفوع يشتغلوا
اولا لازم تفعل الباتش وده بيتم وانت واقف اى على قناة تضغط على F1+0000 هتلاقى كلمة ظهرت بشكل سريع service enabled
لو كانت disabled يبقى تكرر الامر تانى هيقولك enabled
وبعدين يفضل تدخل بيانات سرفر نوعه سيسيكام وده ميزته انه بيستخدم بورت واحد فقط لفتح جميع القنوات والباقات لكن لو سرفر نيوكامد بيبقى بورت لكل باقة يعنى ممكن تستخدم 15 سرفر من الموجودين فى جهازك
خد بيانات السرفر المجانى وحطها فى اى سرفر يعجبك من الـ 40

[المنعم الجندى]

شكرا لك وتمنياتى بلتوفيق والنجاح

[PRO WAEL]

الف شكر يا غالى والله حقيقى انت راجل محترم ،، شكرا لتقديرك ومعلوماتك القيمة .. لكن خصوص السوفت اللى فى المثبتات ياريت تجربه وتتاكد بنفسك انه فيه مشكله فعلا ..انا بعمل الخطوات صح .

[اسكندرانى]

حبيبى هذا سوفت هدية
اضغط عند التحميل على الايقونة الرصاصى فقط

من هنا
http://www.datafilehost.com/d/07b6dccc

[dodyam]

مش هينفع حاليا اغير السوفت بتاع جهازى وانا لسه رافعلك طازة سوفت التايجر 2.23 كنت عامله داونلود من هنا من المنتدى من فترة كبيرة
وده الرابط

https://drive.google.com/open?id=0B2...jFFaG1DQXBCVVU

[dodyam]

أظن الاسكندرانية عاملين معاك أحلى شغل اهو رفعنالك سوفتين تجربهم
يا ريت تبقى ترد علينا هنا بالايجاب او السلب
وحاجة تانية عاوزك تجرب الترددات اللى فى موضوعى هنا على جهازك شوفها بتعمل رستارت عندك ولا لا بس ابقى رد عليا فى موضوعى هناك مش هنا
وده رابط موضوعى

http://www.masrawysat.com/vb/showthr...98#post9653298

[PRO WAEL]

المشاركة الأصلية كتبت بواسطة اسكندرانى

حبيبى هذا سوفت هدية
اضغط عند التحميل على الايقونة الرصاصى فقط

من هنا
http://www.datafilehost.com/d/07b6dccc

الف مليون شكر يا جميل ،، هو ده الكلام الجميل

[PRO WAEL]

المشاركة الأصلية كتبت بواسطة dodyam

أظن الاسكندرانية عاملين معاك أحلى شغل اهو رفعنالك سوفتين تجربهم
يا ريت تبقى ترد علينا هنا بالايجاب او السلب
وحاجة تانية عاوزك تجرب الترددات اللى فى موضوعى هنا على جهازك شوفها بتعمل رستارت عندك ولا لا بس ابقى رد عليا فى موضوعى هناك مش هنا
وده رابط موضوعى

http://www.masrawysat.com/vb/showthread.php?p=9653298#post9653298

يا باشا انت طلباتك اوامر على راسى بس هستسمحك انا حاليا مسافر وهرجع الخميس القادم بإذن الله ممكن تتحملنى اجربلك الترددات يوم الخميس عند العوده للمنزل لانى خارج المحافظه واول مرجع هرد على حضرتك فى موضوعك ان شاء الله وفرصة سعيدة جدا يا محترم . وكان عندى استفسار بخصوص ********* وانا بضيف ******* باستخدام برنامج اضافة ********* للجوكر v1 او بالاضافة اليدويه بلاحظ ان بيانات ******* مبتتسيفش ( لا يتم حفظها ) بيبقى مثلا الصفحات الخاصة بالسيرفرات اللى هما 40 صفحة كلهم مكتوب فيهم بيانات قديمة بيبقى الهوست المكتوب مسبقا مثلا فى اى صفحة داخل الرسيفر على شكل نجوم ( مشفر ) بيكون مثلا عددهم 15 نجمه تمثل 15 حرف وبيبقى مثلا الهوست الجديد المراد كتابته 17 حرف بعد مخرج الاقى عدد النجوم 15 زى مهما معنى كده ان البيانات بتاعتى لم تحفظ ! ومقدرتش اشغل اى قناة مشفرة عليه حتى الان . ارجو الافاده عاوز اشغل المشفر علشان اشترك بعد كده فى ***** مدفوع واقدر ادخل بياناته وليكن cc cam

[PRO WAEL]

المشاركة الأصلية كتبت بواسطة PRO WAEL

الف مليون شكر يا جميل ،، هو ده الكلام الجميل

انا شفت السوفت يا باشا هو ممتاز بس هو السوفت ده اللى على جهازى حاليا 3.12 التايجر جميل بس مشكلته مبيتعرفش على مودم النت ( 3g ) علشان كده عاوز السوفت 2.23 و 2.32 تايجر . وبارك الله فيك .

[PRO WAEL]

المشاركة الأصلية كتبت بواسطة dodyam

أظن الاسكندرانية عاملين معاك أحلى شغل اهو رفعنالك سوفتين تجربهم
يا ريت تبقى ترد علينا هنا بالايجاب او السلب
وحاجة تانية عاوزك تجرب الترددات اللى فى موضوعى هنا على جهازك شوفها بتعمل رستارت عندك ولا لا بس ابقى رد عليا فى موضوعى هناك مش هنا
وده رابط موضوعى

http://www.masrawysat.com/vb/showthr...98#post9653298

الف شكر ياغالى على السوفت الرائع فعلا انا اتاكدت ان المشكله فى السوفت اللى بالمرفقات السوفت بتاعك حملته ونزلته للجهاز وشغل الفلاشة وممتاز جداً ربنا يباركلك يا باشا ولما انزل من السفر ده هجربلك الترددات بتاعتك واقولك النتيجة يا غالى ولو توفر معاك السوفت 2.32 فى اى وقت الله
يخليك متنسانيش وسبيبه هنا فى نفس الموضوع وبارك الله فيك يا غالى مش عارف اشكرك ازاى على اهتمامك بطلبى