[mahdysat56]

عندى طبق القياس الداخلى 230 والعمق 45 وقرات كثيرا للاستاذ ابو فنان والاستاذ عادل عامر عن طول الاذرع بالثنيات وبدون الثنيات مرة الثنيات بالطول82 وبدون الثنيات 74 دة راى الاستاذ ابو فنان ومرة الطول بالثنيات 80 ودة راى الاستاذ عادل افيدونى الاخوة الكرام عن الطول الحقيقى للاذرع بالثنيات وبدون لانى اشتريت اذرع من النحاس نفس تخانتة الاذرع العادية وعاوز افصلهم مع العلم قياس البعد البؤرى من زور القطعة او من الحلقات عندى قطعة ستار جولد فوجى وارد السعودية وريسيفر دريك 7500 وموتور 36 للزاوية الافقية وموتور 24 للزاوية الراسية افيدونى علشان عاوز انافس الاستاذ عادل فى الترددات السوبر ولكم كل الشكر وكل عام ومنتدانا مصراوى والمشرفين والاعضاء بخير

[عادل عامر]

اهلا بيك يا غالى عملاق جديد فى ساحة الترددات السوبر

حبيبى ابعاد طبقك زى ابعاد طبقى بالظبط

يعنى انا لما رديت عليك كنت بقولك على طول الازرع عندى بدون تنيات 80 وبالتنيات 88 سم

تقبل تحياتى

[mahdysat56]

سالتك اخى عادل عن قياس البعد البؤرى من زور القطعة ام من الحلقات ولك جزيل شكرى وتقديرى

[عادل عامر]

القياس من بوز الفيد يا غالى الى بؤرة الطبق وهو 73.5

[نديم11]

متابعه ممتازه استاذ عادل
بارك الله فيك

[mahdysat56]

معلش اخى استاذ عادل سؤال اخير ربط فلنشة القطعة الاذرع فوق الفلنشة او تحت الفلنشة واحب اقول لك بفضل مواضيعك الحلوة قدرت استقبل 288 قناة من قمر ثور وقنوات التردد 11133 من قمر 24 غرب ولك تحياتى وتقديرى اخى عادل

[عادل عامر]

اولا اشكر اخى نديم

والازرع فوق الفلانشة او تحتها مش هتفرق الا لو كانت الفلانشة فيها مجرى تقدر تسكن فيها الحتة المتنية من الدراع يكون افضل ودى بتبقى لفوق

والدراع فى الحالة دى يركب فوق افضل لتفادى لفت الازرع

تقبل احترامى يا غالى

[mahdysat56]

شكرا جزيلا اخى عادل وسوف اوافيك بالنتائج فور الانتهاء من تصنيع الازرع النحاسية حسب المقاسات اللى تكرمت علينا بيها ولم تعلق على استقبالى للترددات التى ذكرتها لك مع العلم بانى من الهواة لك تقديرى واحترامى مع العلم بان الفلانشة اللى راكبة عليها القطعة هى بتاعت الفوجى القديمة