[علم واتعلم]

اخوانى الاعزاء
تحية طيبة وبعد

كتير مننا بينزل ملف قنوات لبرنامج الدريم وبعد فترة بنلاقى فى قنوات قفلت ونزلت مكانها قنوات تانية .............كل ده مفيهوش مشكلة

المشكلة بقى لما تنزل قنوات جديدة ونحاول نعمل لها بحث ...... وبعد البحث بنشوف اسم القناة موجود فى البحث وبعد الحفظ بنروح للملف بس مش بنلاقى القناة والسبب فى كده انها بتبقى نزلت مكان قناة قفلت ........ وطبعا مش حندور على القناة دى وسط كل القنوات الموجوده
ايه الحل بقى

خليك معايا

اولا : حنروح لاى قناة موجودة فى ملف القنوات سواء كانت مقفولة او قناة شغالة بس انا بفضل انها تكون قناة مش شغالة ونضغط عليها ونختار خصائص القناة

ثانيا : من مربع خصائص القناة اللى ظهر امامنا هنبدا ندخل الاحداثيات التاالية sid - tid - nid - وتردد القناة ومعامل الصوت والفديو وغيرها كما هو موضح فى الصورة التالية




طب حتقولى ازاى اجيب الحاجات دى كلها ........... حقوللك حاجة بسيطة ادخل على الموقع ده
http://ar.kingofsat.net/satellites.php

واختار من قائمة الاقمار الموجودة النايل سات
وبعد ما تدخل على النايل سات اختار التردد اللى فيه القناة اللى انت عايز تنزلها وانت حتلاقى داخل هذه الصفحة كل اللى انت عايزة
كما هو موضح بالصورة



فمثلا لو انا حابب انزل قناة مسلسلات تيوب اللى هى موجودة على تردد 11179
H
27500

كل ما عليك هو اتباع الصورة التالية



وبعد ما عرفنا احداثيات القناة نروح بقى للقناة المقفولة اللى ذكرناها سابقا ونضغط كليك يمين على اسم القناة ونختار خصائص القناة ثم نبدأ فى ادخال احداثيات قناة مسلسلات تيوب وبعدين نضغط اوك سنجد القناة شغالة زى الفل ان شاء الله
ملحوظة .. اذا وجد مشكلة بالقناة بعد عمل كل ما سبق
نضغط مرة اخرى على اسم القناة ونختار خصائص القناة ثم تحديث الكل
ثم موافق
كما هو موضح بالصورة





يارب تكون الطريقة عجبتكم واتمنى ان اكون وضحت وارشدت
وشكرا لكم

[علم واتعلم]

معلهش يا جماعة انا اسف الصور دخلت فى بعضيها

دى الصورة الخاصة بقناة مسلسلات تيوب

[ABOZIAD@AHMAD]

تمام ياغالى مجهود مميز

واصل

[Amr E33aT]

بارك الله فيك ياغالى