قناة سكوب تحتفل بمبارك

ZIKA_BEBO · #1 2011/05/05, 02:01 AM

عاجل - قناة سكوب الكويتية الان تحتفل بعيدميلاد مبارك بالتورت والشموع

اشرف الجوكر · #2 2011/05/05, 02:15 AM

دي مدفوعه الاجر

مهيب الركن · #3 2011/05/05, 02:31 AM

طيب يخدوه يحكمهم وهما مش هيلاقوا حتى تمن التورته

ياسر عرفة 2000 · #4 2011/05/05, 02:47 AM

MOHA · #5 2011/05/06, 02:52 AM

سيدي الرئيس في عيد ميلادك الكام وثمانين

كل سنة وأنت طيب
واحنا مش طيبين
كل سنة وأنت مش حاكم
واحنا مش محكومين
واحنا مش مظلومين
واحنا مش متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - هاتفتكر مين وللا مين
في عيد ميلادك الكام وثمانين
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
و كل سنة و انت مش حاكم
و كل سنة و احنا أحرار مش مسجونين

ابو شادى · #6 2011/05/06, 03:30 AM

اقتباس:

المشاركة الأصلية كتبت بواسطة moha

سيدي الرئيس في عيد ميلادك الكام وثمانين

كل سنة وأنت طيب
واحنا مش طيبين
كل سنة وأنت مش حاكم
واحنا مش محكومين
واحنا مش مظلومين
واحنا مش متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - هاتفتكر مين وللا مين
في عيد ميلادك الكام وثمانين
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
و كل سنة و انت مش حاكم
و كل سنة و احنا أحرار مش مسجونين

دا شعر الشاعر احمد فؤاد نجم

اشرف حسين · #7 2011/05/06, 03:37 AM

من مفارقات التاريخ التى يجب الا تنسى
يوم ميلاد مبارك نفس يوم توقيع المصالحة مع فتح وحماس وزلك يوم ميلاد جديد لمصر
بعودتها لموقع الصدارة والرعاية فى العالم العربى

ahmedtarek2010 · #8 2011/05/06, 03:51 AM

روح منك لله ذلتنا والله عمرنا مامصر وتاريخها هتزعل عليك دا اليهود والملك فاروق مااعملوش فينا كدة منك لله منك لله منك لله 83مليون مرة عدد سكان مصر المحروسة من امثالك وامثال نظامك الفاسد

عمروالبرنس1 · #9 2011/05/06, 04:02 AM

كل سنة وانت فى ستين نصيبة
منك لله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عودة قناة سكوب موفيز من جديد	sunbeam	ترددات الأقمار الصناعية و القنوات الفضائية	15	2014/03/30 11:23 AM
قناة منوعات جديدة قناة سكوب موفيز	م \ رامى الاسناوى	ترددات الأقمار الصناعية و القنوات الفضائية	3	2014/03/14 09:04 PM
قناة سكوب موفيز جديد النايل سات	mostafa212	المنتدى الفضائى العام	2	2014/03/08 05:12 PM
قناة جديديدة (سكوب موف ) على النايل سات	ma_az	المنتدى الفضائى العام	2	2014/02/18 07:47 PM
خاص قناة mbc2 تحتفل بعيدها العاشر	امساعد	ترددات الأقمار الصناعية و القنوات الفضائية	1	2012/12/13 12:49 AM