[james_love_3]

السلام عليكم
من منطلق فكرة البحث والتطوير والافاده اعرض على حضراتكم فكرة لهواة التجربة ومعرفه كل ما هو جديد
مبدأيا ورد لي جهاز ترومان بريمير 1+ من صديق يحتوي الجهاز على usb امامي خلف الباب واول مرة اشوفه بصراحه (الشكل ده او الاصدار) وعند العمل على الفلاشه الخارجيه يظل الباب مفتوح والفلاشه فى الامام عرضه لأي ازايه من اي احد والريسيفر يعمل لذلك قلت ليه ميبقاش الريسيفر ب 2 usb ازود كمان واحد فى الخلف وكان فيه مشكله فتحة الصاج عشان مكان ال usb وحفاظا على الشكل العام قررت ان الغي مخرج ال Rs232 الخاص بكابل السوفت طبعا موجود لو احتاجه للضرورة لكن لابد من فك وش الريسيفر لكن من الخارج استبدلته بال usb الثاني وتم عمل وصله من على البورده الخاصه بال usb الاول والان يعمل ال 2 usb بأمتياز معا
الموضوع كله اجتهاد شخصي ولله الحمد وحبيت اعرض التجربه لعلها تفيد احد فقط لا غير

[elmohamy]

بارك الله فيك اخى الكريم
وياريت لو تكمل جميلك بصور تظهر لنا اماكن لحام الاسلاك الخاصة بـ usb2
وشكرا لك

[new_man2010]

فكرة ممتازة

نتمنى منك لو ينفع تعملنا فيديو توضح فيه الخطوات وايه الادوات اللى استخدمتها

[Dr. Hazem Tamim]

ممتاز
ولكن ياريت الشكل الداخلى للتوصيلات
لان النسخة دى هى النسخة الحديثة اللى مع كل الناس حاليا تقريبا ودايما باب الرسيفر بيتكسر

[ABOZIAD@AHMAD]

الفكرة ممتازة وهى انك تغير مخرج كابل السوفت وتركب مكانه قطعة usb

[mohasoli]

الحقنا بالتفاصيل

[james_love_3]

بارك الله فيكم جميعا اخواني
للاسف الجهاز ليس عندي الان لأصوره
لكن شرح للفكره ال USB
يكون 4 طرف
1- يكون كهرباء 5 فولت
2 - يكون ارضي
3 و 4 بيكونوا مسؤولين عن الداتا والبيانات
ويجب التوصيل الصحيح لأن اي غلطه فى ترتيب الاطراف يؤدي الى حرق الفلاشه فورا
واي تلامس بين الاطراف يؤدي الى مشكله فى الريسيفر نفسه لذلك يجب الحرص وان شاء الله هيتم عمل الصور اللازمه من على البورده في حال توفر اي ريسيفر اخر للتعديل عليه ان شاء الله

[scre3m]

مجهود ممتاز وفكره عبقريه
بس فى استفسار
هل ممكن ان تتغير USB دى بواحده USB 3 مثلا عشان سرعة الفلاشه

[james_love_3]

المشاركة الأصلية كتبت بواسطة scre3m

مجهود ممتاز وفكره عبقريه
بس فى استفسار
هل ممكن ان تتغير USB دى بواحده USB 3 مثلا عشان سرعة الفلاشه

للاسف صعب عشان امكاانيات الجهاز لكن في نفس الوقت مش محتاج سرعة ال 3 فى حاجه خصوصا ان سرعة ال 2 ممتازة سواء لشتغيل حاجه من على الفلاشه او تسطيب النسخ على الفلاشه الخارجية