[م.ربيع عيد]

اقدم اليكم اليوم مفهوم الشبكات اللاسلكيه ((WiFi))
في صوره سؤال وجواب


س: ما هو النت اللاسلكى؟
ج: النت اللاسلكى هو نفسه النت العادى لكن بدون اسلاك لمسافات تبدأ من 500 متر الى 40 كيلو !

س:هو النت اللاسلكى زيه زى نت الموبايل اقدر افتح اللاب او الموبايل فى اى مكان واشتغل نت؟
ج: هذا السؤال له اجابتان نعم ولا فى نفس الوقت
نعم لان باجهزه معينه وطريقه توزيع معينه للاجهزه وتكلفه عاليه (يستخدمها المنتجعات السياحيه والفنادق والشركات) تستطيع تصفح النت من الموبايل او اللاب
لا لان الاجهزه العاديه المنتشره بالاسواق تعتمد على نشر النت لمسافات فى الهواء وتكلفته قليله جدا ( 97% من الشبكات) وبتكسب كويس

س: فى حاله الاجهزه العاديه ما هى وسيله الاستقبال؟
ج: وسيله الاستقبال هى اكسس بوينت اعلى سطح العماره ومنه لسلك حتى جهازك بالاسفل وهى الطريقه الافضل لثبات الاشاره

س:يعنى مقدرش اشغل وايرلس اللاب والموبايل؟
ج: مين قال كده؟ تقدر طبعا لو انت جمب المحطه تقدر اوالطريقه الافضل بتركيب داخل شقتك اكسس بوينت صغير ورخيص (غالبا تى بى لينك) ليقوم بتغذيه الشقه كلها وايرلس وشغل اللابات والموبايلات لاسلكى

س:ما هى انوع الشبكات اللاسلكيه؟
ج: شبكات بث اشاره وشبكات point to point ( النقطه لنقطه).

س:ايه الفرق بين النوعين؟
ج:النوع الاول للبث الى العملاء والنوع الثانى لنقل النت من بلد الى بلد

س: اقدر احمل كام عميل على المحطه اللاسلكى؟
ج:لازم نفرق بين تحمل العملاء على المحطه وتحمل الاكسسات على المحطه لان المحطه بتفهم تحمل الاكسسات يعنى ممكن يكون عندى 5 اكسسات ب 5 عملاء على المحطه وممكن 5 اكسسات ب 25 عميل على المحطة.

س: ايه هى الترددات العامله فى الشبكات اللاسلكيه؟
ج:2.4 و 5.8

س:ايه الفرق بين الاثنيين؟
ج: النوع الاول للبث الى العملاء والنوع الثانى للبوينت تو بوينت (نقل النت) ويستخدم الان النوع الثانى للتوزيع الى العملاء ولكن استقباله مرتفع الثمن.

س:هل يوجد مشاكل امنيه للشبكات الاسلكيه؟
ج: لا لانها اولا واخيرا انترنت.

س:هل الشبكه بتكون مفتوحه اى شخص بيدخل؟
ج: بالطبع لا فللشبكه تأمين دخول بكلمه سر وصفحه دخول كامله اذا رغبت (روتر بورد مايكروتك)

س:مين بيحدد العميل ده ياخد سرعه كذا وده كذا؟
ج: انت اللى بتحدد من خلال روتر بورد مايكروتك.

س:العميل اللى مش بيدفع اعمل فيه ايه؟
ج:بتقفل عليه النت من عندك من خلال روتر بورد مايكروتك

س:اقدر ادمج اكثر من خط واحصل على السرعه كامله؟
ج:اه تقدر من خلال روتر بورد مايكروتك.

س:سامعك بتقول روتر بورد مايكروتك كل شويه؟
ج:الروتر بورد مايكروتك ايدك ورجلك فى الشبكه.

س:ايه مزايا النت الهوائى عن السلك؟
ج:اقدر اوصل لمسافات بعيده جدا السلك ميقدرش يوصل لها واقدر اوصل نت للمناطق المحرومه كانك انت السنترال بتاعهم.

س:هل الشبكه اللاسلكيه مربحه؟
ج: هديك مثال بسيط واحسب انت..... فى شبكات اشتراكها 25 جنيه وشبكات اشتراكها 100 جنيه حسب المكان وحسب فى نت فى السنترال ولا لأ هنقول متوسط 50 جنيه الاشتراك اضرب بقى كده 50 فى 50 عميل ب 2500 جنيه طيب فى 100 عميل ب 5000 جنيه طيب لو قولتلك 200 عميل ... 400 عميل..طيب من الاخر فى شبكات فيها 1000 عميل ؟؟ اسيبك انا تحسب.

س:ازاى اجمع العملاء ؟
ج:الدعايه ثم الدعايه ثم الدعايه

س:ايوه ايه هى طرق الدعايه؟
ج: اول دعايه لك هى شبكتك من خلال روتر بورد المايكروتك بتحط اسم شبكتك ورقم تليفونك فى صفحه اسمها هوت سبوت بتظهر عند العميل.

س:وايه كمان؟
ج:تطبع ورق...... زبون يجيب زبون تخفضله 10 جنيه (بيفرح اوى) واول دعايه لك هى التزامك بتقديم خدمه جيده جدا

[اسامه حامد]

وعليكم السلام

دائمآ تتحفنا في مواضيعك المميزه والمفيده يا صديقى الغالى

[م.ربيع عيد]

المشاركة الأصلية كتبت بواسطة اسامه حامد

وعليكم السلام

دائمآ تتحفنا في مواضيعك المميزه والمفيده يا صديقى الغالى

والله العظيم
استاذي واخي الغالي
موضوعي ذاد نور و اشراقا"
بمرورك الكريم

[ahmedmedooo]

بارك الله فيك اخى الغالى ربيع
وجزاك الله كل خير عن موضوعات الشيقة الجميله
وبالتوفيق فى موضوعات كثيرة قادمة ان شاء الله تعالى
تميز وابداع

[م.ربيع عيد]

تسلم اخي احمد
علي مرورك الكريم
بموضوعي المتواضع