عندى شبكة صغيرة ومحتار فى نظام التوزيع

الحمادوى · #1 2016/02/03, 11:20 AM

اخوانى الكرام
معايا راوتر بورد وعندى شبكة مع جيرانى ومليش سابق تجربة
كل معلوماتى من الشروحات ومتابعة الفيديوهات
وبعد متابعة لفترة طويلة احترت
ملاحظ ان البرود باند ده نظام عقيم شوية عن الباقى

هل اشتغل هوت سبوت رغم عيوبه وقفلاته
ام اشتغل برود باند + DHCP
واخير
شوفت شرح لتشغيل المشتركين DHCP فقط

وهل ال 3 طرق ممكن اطبق معاهم السرعة المتغيرة
بمعنى المشترك ياخد سرعة عالية للتصفح ولو حاول يحمل حاجة السرعة تنزل

وهل مع ال DHCP ممكن احدد كمية تحميل للمشترك ولا صعب ؟؟

ahmedmedooo · #2 2016/02/03, 02:56 PM

اهلا بيك اخى الكريم / الحمادوى
نورت قسم المايكروتك
وحشنى والله من ايام الدونجل والهوريشيما والبراكلبس
تقبل تحياتى اخى الغالى

بالنسبة لاستفسارك اخى وحبيبى
أولا : اخى الفاضل إبدا السلم من أوله افضل شىء لكى تكون محترفا فى كل الانظمة
وحضرتك الوحيد اللى تقدر تميز بين كل نظام عيوبه ومميزاته

ثانيا : ابدا هوت سبوت وان شاء الله احنا مع بعض وسوف تجد جميع الحلول
للقفلة والمثلث الاصفر واى شىء يعوق الشبكة ان شاء الله تعالى
وهذا النظام سهل جدا التعامل معاه وتقدر تعمل اعلاناتك لجميع الناس وخصوصا فى الفترة الاولى من اقلاع شبكتك الجديده

ثالثا : بعد احترافك فى الهوت اسبوت عايز تجرب البرود باند بعدها او اى شىء خلاف ذالك حيكون سهل جدا معاك

نصيحة منى ابدا بالهوت سبوت والمعادلات اليدوى لشبكتك تبدا سريعا ثم تنخفض بعد وقت معين تحدده انت

وحضرتك شوفت جميع الشروحات على اليوت يوب وعندك فكرة كويسه

قرر نظامك واحنا متابعين معاك ان شاء الله تعالى

م.ربيع عيد · #3 2016/02/03, 03:05 PM

متابعه ممتازه اخي احمد
تسلم ايدك
وبالتوفيق
للاخ /الحمادوي

ahmedmedooo · #4 2016/02/03, 04:55 PM

مرور عطر وكريم منك اخى ربيع
ومتابعين معاك اخى الحمادوى ان شاء الله تعالى

الحمادوى · #5 2016/02/03, 06:01 PM

متشكر جدا على ردوكم الجميلة والمشجعة
هو الموضوع حاليا شبكة محدودة مع الجيران

ومش محتاج لدعاية
الموضوع مع عدد محدود وموصلين مع بعض من خلال راوتر عادى
وحاليا غيرت الاشتراك لباقة محدودة 2 ميجا 150 جيجا
الهدف الاول والاخير
انظم السرعة واقسم حجم الباقة على عدد المشتركين
وفعلا شايف انسب نظام هو الهوت سبوت
لكن
معرفش اول حاجة قرفتنى لما بنزل صفحة هوت سبوت جاهزة فيه صفحة لا تظهر وتعطى خطأ 404
وصفحة تظهر وعند ادخال المستخدم والرقم السرى لا يقبل
وممكن صفحة تظهر كمبيوتر ولا تظهر على الموبايل
مع العلم انا شغال على النسخة 6.25

تشغيل المشتركين DHCP فقط
شوفت فيه تقسيم السرعة تكون عالية فى حالة التصفح وتتخفض فى حالة اللتحميل
ودى محتاجها
بس
هل ممكن احدد كمية تحميل للمشترك على DHCP
زى ما بيحصل فى الهوت سبوت مع تنظيم السرعة ولا لأ ؟؟؟

م.ربيع عيد · #6 2016/02/03, 06:46 PM

طيب في البدايه اخي
ممكن توضحلي انت شغال علي كيسه ***** ام vmware
ام روتر بورد؟؟؟؟؟؟؟؟؟
ثانيا"
نظام الهوت سبوت
عدم ظهور صفحه الهوت سبوت عند العملاء
دا ممكن علشان مش مضبط اعدادات ******* كويس
وانصحك بمشاهده الفيديو دا وتعمل مثل ما في الشرح دا لوانت عاوز تشتغل علي نظام الهوت سبوت
[YOUTUBE]AGZsZNlH6io[/YOUTUBE]
اما بخصوص dhcpانت قصدك نظام البرودباندpppoe؟؟؟؟؟؟؟؟؟
متابع معاك للتوضيح

ahmedmedooo · #7 2016/02/03, 11:03 PM

الله ينور اخى ربيع

وللاضافة البسيطه
غلق dhcp فى اى اكسس او روتر مشغله اكسس على الشبكة
وتغيير الاى بى باى بى مختلف عنه
لانه بيتسبب فى المثلث الاصفر وفصل النت
واهم شىء صفحة هوت سبوت تدعم اللغة العربية
لكى تعمل معاك بدون اى مشاكل فى الدخول للنت سواء الاسماء برقم او عربى او انجليزى
واختار مايناسبك من هنــــــــــا
ومتابعين معاك ان شاء الله تعالى

الحمادوى · #8 2016/02/04, 02:10 AM

الاخ ربيع
انا جربت البرود باند وشغلته ع الكمبيوتر+ تسطيب DHCP للموبايل
واشتغل معايا بدون اى مشكل
لكن معرفش ازاى اتحكم فى حجم التحميل للمشتركين وحساب حجم التحميل
انا بستخدم راوتر بورد 941
على النسخة 6.25
وعدد الاجهزة مابين 15 الى 20
مابين موبايل وكمبيوتر يعنى الاكتف مش هيبقى كتير ع الراوتر الضعيف ده

والفيديو ده اللى اقصد بيه تسطيب
DHCP
فقط

عنوانه على اليوتوب
درس تعليم اقوى طريقة توزيع ميكروتيك بدون نت كت بدون اى رولات

م.ربيع عيد · #9 2016/02/04, 09:02 AM

قصدك علي الفيديو دا
[YOUTUBE]dDPZT-E06PY[/YOUTUBE]

الحمادوى · #10 2016/02/04, 11:40 PM

تمام هو ده
الراجل سطب DHCP

وحدد السرعة من الكيوز ورابط كل واحد بالماك والايبى
لكن
ما وضحش تحديد كمية التحميل
وهل ينغفع ولا لأ؟

م.ربيع عيد · #11 2016/02/05, 01:21 AM

فعلا" اخي هو موضحش هل ممكن علي النظام دا
ممكن تحدد كميه التحميل للعميل كل شهر
وبحث عن الموضوع دا ولكن دون جدوي علي الرغم من ان نظام dhcp
كويس جدا" ولكن
عيوبه كتيره
1/عدم اظهار اعلانات للعملاء تنبه بوجود مشكله مثلا" في انقطاع النت بسبب السنترال
2/عدم اظهار صفحه الهوت سبوت وما لها من اهميه في اشهار الشبكه
3/ عدم ذكر استخدام الرولات في نظامdhcpمثلا" رول حجب المواقع الاباحيه
4/عدم ذكر تحديد كميه التحميل لكل عميل في الشهر

الحمادوى · #12 2016/02/05, 01:14 PM

بالنسبة للمواقع الاباحية ممكن من الدى ان اس
لكن سؤال هنا
هل الرول افضل منه للمواقع الاباحية ؟؟
علشان النت يكون سريع لانى بلاقى ناس تشتكى من البطئ بسب الدى ان اس
وبخصوص استخدام الكيوز للسرعة المتغيرة فى الهوت سبوت
عاوز اعرف الطريقه لو ممكنه
وهل كدة لازم العميل يتربط بالماك والاى بى

م.ربيع عيد · #13 2016/02/05, 03:08 PM

طيب بالنسبه للرول او dnsعادي مش هتفرق كتير في قفل المواقع الاباحيه
واتفضل اقوي دي ان اس
180.131.144.144
180.131.145.145
وبخصوص استخدام الكيوز للسرعة المتغيرة فى الهوت سبوت
اتفضل شاهد نفس الفيديو بس في الدقيقه9:50
[YOUTUBE]dDPZT-E06PY?t=9m50s[/YOUTUBE]

الحمادوى · #14 2016/02/07, 02:53 AM

حاليا انا شغلت صفحة بعداد للجيجا والوقت المتبقى
عاوز اعرف
طريقة اظهار الوقت المتبقى للمشتركين على صفحة الدخول

م.ربيع عيد · #15 2016/02/07, 09:44 AM

اقتباس:

المشاركة الأصلية كتبت بواسطة الحمادوى

حاليا انا شغلت صفحة بعداد للجيجا والوقت المتبقى
عاوز اعرف
طريقة اظهار الوقت المتبقى للمشتركين على صفحة الدخول

اتفضل اخي صفحه
alogin
بتظهر الوقت الباقي للمشركين في *******
واتفضل شاهد فيديو الشرح
[YOUTUBE]mCdKq7rGfII[/YOUTUBE]
وكمان حمل الصفحه من المرفقات
بالتوفيق

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عندي شبكة نت صغيرة بنظام Arp وسيرفر ميكروتيك وبربط الاكسس بويونت بنظام clint مش بيستقبل نت	أحمدشكر	المايكـــروتيـــك	3	2018/05/25 08:22 PM
إستفسار عندي 8 مشتركين علي شبكة نت صغيرة سلك وعندي روتر بورد عاوز اعرف اي الخطوط النت افضل	أحمدشكر	المايكـــروتيـــك	8	2017/07/16 09:59 AM
ما المطلوب شبكة صغيرة بجهازال الجزيرة الرياضية	dream26	تركيبات الدش و الدش المركزي	9	2016/04/20 11:53 PM
استفسار بخصوص شبكة صغيرة	tamermido2010	تركيبات الدش و الدش المركزي	7	2014/06/15 06:43 AM