[محمود85]

هو لو الواحد اشترك فى نظام 100جيجا 95 جنية هل 100جيجا بيكون تحميل وتصفح ولا تحميل بس ولا بيكون نظامة اية اصل بفكر اشترك

[medo_31]

تحميل وتصفح وكله , وعندك صفحة حسابك على تي داتا بتقدر تتابع باقي ليك كام

[yehyazizo]

كويس جدا لو استعمالك متوسط

[hamoudy14]

بالنسبة للأتصالات و فودافون بتقدر تعرف استهلاكك من على الموقع ؟؟؟؟؟

[محمود85]

يبقى كدة 100 جيجا مش هتكفى فى الشهر على حسب كلامكو انها تحميل وتصفح كدة الواحد يشوف 4 افراد ويشترك فى 1جيجا 140 افضل ولا اية رائيكم

[ابو محمد 2005]

اخى الكريم 1 ميجا سرعة و100 جيجا دولود 95 جنيه و2 ميجا و150 جيجا داولود 140 جنيه وطبعا ال100 جيجا او 150 جيجا دولود وتصفح ويوتيوب وكله منهم لكن للعلم لولوحدك او معاك واحد تانى بس ال1 ميجا حلوة ومتستهونش ب100 جيجا دول كتير وممكن يزيد منهم كتير ما تستخدمهوش جرب شهر او شهرين واستعلم عن الجيجابيت المستخدمة قبل نهاية الشهر وهتعرف انتا بتسخدم قد ايه انا بكلمك عن تجربه وليس من فراغ وبالتوفيق اخى الكريم

[ali heiba]

لا يمكن تخلصهم

[محمود85]

يعنى معقول 100 جيجا تكفينى انا لوحدى او واحد معايا دنا بقعد على الجهاز حوالى 6 ساعات او اكتر تقريبا بس مش متواصلين على فترات وازاى اعرف استهلاكى علشان اعرف لو كفتنى يبقى استمر فيها مع العلم انى لسة مشتركتش انا عايز اعرف منكو مين جرب 100 جيجا دى 95 جنية

[عطيه مرجان]

اخي الكريم انا جربتها ومعايا 3 كمان غيري موصلين + ان فيه اقريبا 3 او 4 موبايلات شاغلين منها واي فاي وباسمع افلام اونلاين و تحميل افلام و وماتشات اون لاين وباخلص الشهر على تقريبا 75 او 80 جيجا
100 جيجا كتيييييييييييييييييييييييير متستهونش بيهم
اتكل على الله

[Ahmed Elazab]

100 جيجا أكتر من مناسب لو لوحدك ؛ مش هيخلصوا اتكل على الله

[mettoo]

انا 2 ميجا 150 جيجا ومعايا 5 ومبعديش ال 120 جيجا
اتكل ع الله
بالتوفيق

[محمود85]

خلاص ادام انتو مجربين هجربها برضة شهر او شهرين واشوفها هتكفينى ولا لا

[محمد كنج]

تحميل وتصفح وكله اغانى وافلام وكل شئى يعنى 100 فول انا مشترك فية

[محمود85]

بس يا جماعة انا بقعد كتير على النت خايف ليخلصو منى فى 10 او 20 يوم طيب اكتر واحد بيقعد على النت حوالى كام ساعة وبتكفية

[م/محمدزيان]

بص ياغالى
انا لسة محول الشهر دا على 1 ميجا بداونلود 100 جيجا
وانا واخواتى الاتنين على الشبكة بالموبايلات كمان
وبعمل تصفح رهيب وداونلود كما يحلوا لك
وباقى من الشهر حوالى 5 ايام وما استخدمتش الا حوالى اقل من 15 جيجا
صدقنى الباقة رهيبة فى السرعو وكمان فى التحميل
وحتى لو البراوزر معاك عالى يعنى بتفتح اليوتيوب وخلافة مش حتخلص لو ليل نهار
صدقنى جميلة جدا جدا
وانصحك بيها ونسيت اقولكم الريسيفرات كمان شغالة عليها وكمان ******* ال **** شغالة على الباقة
وكنت خايف زيك كدا لحد ما صاحبى ال واخد توكيل تى اى داتا قالى والله مش حتندم
فانا انصحك بيها
وكمان ممكن تعرف استخدامك كام لو حبيت عن طريق الصفحة دى
https://mytedata.net/wps/myportal/ssp/Home/

وجرب ولو معجبتكش ممكن ترجع للنظام ال كنت علية حتى ولو غير محدود
وانا قبل ما احول كنت غير محدود وصاحبى قالى لو عايز تحول وترجع تانى وانت بتدفع الفاتورة ال بعدها حول عادى وارجع
ودى صورة التحميل عندى والمتبقى من الباقة زى ما قولتلك