[hany yasser]

دلوقتي مجموعة Bein طلبت من فترة من CNE (وهي الشركة المسئولة عن الإشتراك في القنوات المشفرة في مصر) نقل بث جميع قنواتها إلي قمر سهيل سات المملوك لقطر والإشتراك في قنواته داخل مصر من خلال CNE

لكن CNE رفضت عشان يحافظوا علي نسبة المشاهدة للقمر المصري بما انها شركة مصرية وتعمل داخل مصر وأصروا ان تكون القنوات مستمرة علي النايل سات فقامت قنوات Bein بسحب 3 نطاقات ترددية من النايل سات واكتفت بالعشر قنوات العربية يتم الإشتراك فيهم من خلال CNE ولو حد عايز يشترك في الـ 17 قناة ممكن يشوفهم علي سهيل سات ووافقت شركة CNE علي الكلام ده

ومن فترة أعلنت قنوات Bein انها هتقدم باقات جديدة ترفيهية وعائلية وأفلام ولكن هتكون علي سهيل سات فقط وطلبت من CNE ان يتم الإشتراك فيها داخل مصر علي قمر سهيل سات ورفضت ان تكون علي قمر نايل سات
لكن شركة CNE رفضت ان يتم الإشتراك داخل مصر علي قمر سهيل سات حفاظا علي نسبة المشاهدة للقمر المصري وعدم تحويل المشاهدين المصريين لسهيل سات (وليس حماية لقنوات --- كما قيل في المواقع)

وبناء عليه أرسلت قنوات Bein خطاب في 18 أبريل لشركة CNE تطلب منهم رد نهائي عليهم وأعطتهم مهلة حتي 25 أبريل وإلا قد يتم وقف القنوات عن طريق الساتلايت بالكامل داخل مصر
فشركة CNE قالت انهم لسه بيتفاوضوا معاهم لكن لو موصلوش لإتفاق وتم وقف الخدمة سيتم رد مبالغ الإشتراكات للفترة المتبقية للمشتركين لإنهم كل شهر بيرسلوا قيمة اشتراك شهر واحد لشركة Bein
ولو وصلوا لإتفاق سيتم اضافة باقة يورو 2016 مع الإِشتراك العادي ليرتفع سعر الإشتراك بما يقارب 60% من قيمة الإشتراك الحالي

يعني دلوقتي المشتركين في الساتلايت قدامهم حلين
اما ان يتم قطع الخدمة ويستردوا فلوس الإشتراك ويبقوا جابوا الجهاز علي الفاضي لإنه مش هيرجع وسيكون متاح داخل مصر اشتراك الإنترنت فقط
أو الطرفين يتوصلوا لإتفاق وسعر الإشتراك يرتفع لما يقارب 2000 جنية في السنة

في رأيي ان في الحالتين المشترك عن طريق الساتلايت خسران والمشاهدة علي النت موجودة دايما ان شاء الله

[كيميائي حسن]

الاشتراك عن طريق الانترنت ازاي

[hany yasser]

المشاركة الأصلية كتبت بواسطة كيميائي حسن

الاشتراك عن طريق الانترنت ازاي

علي موقع
Bein Connect
ممكن تشترك وتتفرج علي جميع القنوات وتدفع بالفيزا لكن بتعتمد علي سرعة النت عندك

[عــادل محمد]

شكرا للافادة
.....

[اسماعيل عمر]

توجد دهوك
القمر الافغانى
القمر الايرانى
القمر الازربيجانى
ياه سات 52
التركى 42
وسيرفرات
جيشار
سيسيكام
نيوكامد
والمزيد....

[ragee_asy]

فعلا الشيرنج افضل بكتيييييييييييييييييييييييييييييييييييييييير

[hassan hulk]

المشاركة الأصلية كتبت بواسطة اسماعيل عمر

توجد دهوك
القمر الافغانى
القمر الايرانى
القمر الازربيجانى
ياه سات 52
التركى 42
وسيرفرات
جيشار
سيسيكام
نيوكامد
والمزيد....

هع نسيت الفيدات ياريس امال احنا عايشين ع ايييييه

[karimbo]

والله اللي اعرفه ان cne بتهزر بصراحة
مدام cne عاوزة تشوف مصلحتها .. اي كان بقى عشان المشاهدة ع النايل سات ولا عشان باقات القنوات التانية متضرش فمن حق برضه bein رغم اني ضد الاحتكار بالاسعار دي لكن مدام ده بيشوف مصلحته يبقى من حق التاني يشوف مصلحته
وبعدين مش عارف cne خسرانة ايه؟!
في الاول والاخر محدش بياخد قرار الاشتراك في bein الا عشان الباقة الرياضية
ومعتقدش ان في ناس كتير هتكون مهمة اوي بالنسبالها الباقات الترفيهية
وحتى لو
في bein بصراحة كانت ذكية في القنوات المفتوحة اللي اخدتها ونقلتها على سهيل سات
قناة زي فتافيت من وجهة نظري ناس كتير اوي كانت متابعها وزعلت انها اتنقلت
طب حد مثلا فكر ليه رغم ان في تلت قنوات اكل مصرية المفروض انها منافسة؟!
ببساطة لإن مهنية قناة فتافيت والمحتوى من وجهة نظري افضل بكتير من المحتوى اللي يعتمد على اللت والعجن والسماجة اللي موجود في القنوات المصرية
مفيش كتير مننا اتمنى ان يبقى في فيدات للدوري المصري باستمرار عشان يخلص من سماجة الكثير من المعلقين المصريين وهو بيتفرج ع الدوري المصري؟!
بصراحة الاعلام والقنوات المصرية ومستواها في تناقص مستمر وبشكل كبير مقابل ان في قنوات كتير مش بتبقى مصرية محتواها ومضمونها بقى افضل بكتير
انا عن نفسي اكتر القنوات اللي بتابعتها افلام روتانا وام بي سي وقناة زي ناشونال جيوجرافيك وكويست .. كام قناه منهم مصرية؟!

[zezo prince]

المشكلة كلها عندى شركة cne وواضح جدا هما عايزين يعملو مشكلة مع bein ودور عند معاهم
اولا من حق bein يضيفو اى قنوات هما عايزينها اللى هى قنوات الافلام الجديدة لكن cne رافضة عشان --- متتضربش ع اساس انه هيبقى منافسة بين القناتين
ثانيا ايه علاقة cne بالاسعار ده عالية او لا افتكر ان cne شركة تسويق مش اكتر يعنى بتسوق القنوات ديه بالعربى كده واللى عايزو قادر ع تمنها بيشترك ودلوقتى فى مصر فى اكتر من 200 الف مشترك فى bein حسب كلام شركة cne
اخيرا بيقولك انهم بيعملو تفاوض مع bein عشان كاس الامم الاوروبية cne مش عايزة تبقى باقة لوحدها وانها تضاف مجانا للمشتركين وده هبل عمره ما هيحصل لان bein عاملة باقة اليورو 2016 فى كل الدول العربية مش مصر بس وبكده هيضيعو علينا فى مصر مشاهدة كاس الامم الاوروبية للاسف وهنلجا للاوروبى والاقمار ديه بلغات الواحد مش هيفهم حاجة منها رغم اننا مشتركين لكن كل المشاكل ديه من cne

[DmgRoxx]

الفكره يا جدعان ان BeIn عايزه تضيف الباقه الترفيهيه للباقه الرياضيه اجبارى واحنا كلنا عارفين ان 100% مش 99% بيشتركوا عشان الباقه الرياضيه ومش هتفرق معاهم حاجه فدى الفكره والعملتوا CNE هو ده الصح
المشكله ان لو حتى غادرت القمر ممكن يكون لاى باقه تانيه انها تحصل على الحقوق وسعتها هترجع ابو ظبى و OS N تانى يعنى مش هتفرق غير ان الباقات التانيه اسعارها خياليه

[abdol maher]

فى ستين داهية ياجماعة دهوك موجوده حتى لو نقل القنوات المريخ

[الموتيم]

هما يغورو واحنا نكلم دهوك تبث على النايل سات وتبقى فل ولما يتكلموا نقولهم انتوا اللى سبتوا القمر وغورتو فى داهية احنا قلنالكم امشوا

[MARWAN000028]

المشاركة الأصلية كتبت بواسطة اسماعيل عمر

توجد دهوك
القمر الافغانى
القمر الايرانى
القمر الازربيجانى
ياه سات 52
التركى 42
وسيرفرات
جيشار
سيسيكام
نيوكامد
والمزيد....

بس مش عربى لاتنسى ذلك ومافيش دورى ابطال افرقيا والكونفدرالية
صح

[طة فؤاد]

البين لا عايزه تضيف باقه ترفهيه ولاغيره
بدل منقعد نشتم فى شركه cneونشم
فى شركاتنا اللى هيه بلدنا
نعرف الاول ايه اللى بيحصل
البين عايزه تضيف قناتين طبخ
وقناتين اطفال وترفع الاشتراك
الى الفين جنيه
فى حين ان باقه البين كامله رياضه
وترفيه فى جميع الدول العربيه
اشتراك2000جنيه
ولكن على قمرهم سهيل سات
اللى البين بتعمله معانا سرقه
ولذلك رفضت cne الشروط التعجيزيه
من بين
ومن الاخر البين عملت كده علشان تسحب 10قنوات
اللى على قمرنا
سياسه صهاينه
والباقى ؟ اقول

[شعبان ابو هارون]

شغل كله بيخدم نفسه واحنا داخل المفرمه فى النص