[james_love_3]

السلام عليكم وصلني هذا الموتور من صديق لطبقه 120 متحرك لسه شاريه مستعمل واعطاني الموتور لتزيته وتشحيمه نظرا لتوقفه لفترة طويله عن العمل المهم وجدت الموتور اولا قصير جدا اول مرة اشوفه ثانيا خارج منه طرفين فقط محملين اعتقد كهرباء لكن لا اجد اي اطراف للسينسور فبرجاء الافادة من اهل الخبرة هل يتم توصيل الطرفين فى الكهرباء فقط ولا يتم تركيب سينسور له ومكان تركيب السينسور فين وشكرا

[اللمبى الاسوانى]

حبيبى المتور دى 12 بوصة وكان منزلوة ابو العزم برفكس

[فني تركيبات]

المشاركة الأصلية كتبت بواسطة اللمبى الاسوانى

حبيبى المتور دى 12 بوصة وكان منزلوة ابو العزم برفكس

[المهندس كرم ستالايت]

ماتور18 بوصة يصلح لطبق120سم ولا يصلح180سم

[القمارى]

ماتور18 بوصة ل180 يبقى كويس

[james_love_3]

هو الماتور اقل من 18 بوصه طول الماتور من الخارج والدراع جوة 27 سم بالظبط
ووصلت للاربع اسلاك الى خارجين منه 2 كهرباء و 2 سينسور بس المشكلة ان مفيش سينسور فى الداخل مش عارف هل هو على البوردة هما السلكين الاصفر والابيض دول الخاصين بالسينسور بس ملحومين فى البوردة البيضاء دي ولما جربت الماتور بيطلع تكه تكه مع ان سلك الكهرباء محمل 1 ملي يبقى المشكله فين ؟

[الحاج شريف]

المشاركة الأصلية كتبت بواسطة james_love_3

هو الماتور اقل من 18 بوصه طول الماتور من الخارج والدراع جوة 27 سم بالظبط
ووصلت للاربع اسلاك الى خارجين منه 2 كهرباء و 2 سينسور بس المشكلة ان مفيش سينسور فى الداخل مش عارف هل هو على البوردة هما السلكين الاصفر والابيض دول الخاصين بالسينسور بس ملحومين فى البوردة البيضاء دي ولما جربت الماتور بيطلع تكه تكه مع ان سلك الكهرباء محمل 1 ملي يبقى المشكله فين ؟

معنى كلام حضرتك أن الموتور 12 بوصه فقط كما قال المهندس وائل وأظن أن الدائره الحمراء هى دائرة المغنطيس الخاص بالسنسور
وطبيعى فى هذا الوضع بدون توصيل السنسور أن الموتور يطلع تكه تكه بصرف النظر عن تحميل السلك
لكى يتحرك الموتور بإنتظام يلزم وجود سنسور
والله أعلم

[james_love_3]

هي الدايرة الحمراء فعلا مغناطيس استاذي لكن مفيش حاجه تحتها للاسف



حتي البوردة من تحت مفيش اي ريحة سينسور خالص لو جيبت سينسور اركبه فين الحم طرفيه فى السلك الاصفر والابيض وخلاص واشوف ولا مكان تاني ؟

[james_love_3]

البوردة من تحت مفيش فيها غير زرارين الليمت فقط ومن فوق برضه مفيش عليها حاجه كما بالصورة

[الحاج شريف]

المشاركة الأصلية كتبت بواسطة james_love_3

هي الدايرة الحمراء فعلا مغناطيس استاذي لكن مفيش حاجه تحتها للاسف
حتي البوردة من تحت مفيش اي ريحة سينسور خالص لو جيبت سينسور اركبه فين الحم طرفيه فى السلك الاصفر والابيض وخلاص واشوف ولا مكان تاني ؟

إذا كان السلك الأصفر والأبيض حيوصلوا للبوزشنر فى أطراف السنسور يبقى تلحم فيهم سنسور وتثبته تحت المغنطيس مكان السهم الأسود .
لكن أنا فاهم من كلامك إنه مفيش غير سلكين بين الموتور والبوزشنر والا أنا فهمت غلط ؟؟
الدائره لكى تكتمل ويتحرك الموتور عادى يجب أن يكون هناك 4 أسلاك 2 للموتور 2 للسنسور يوصلوا بين البوزشنر والموتور

[james_love_3]

تمام يا استاذ اشرف كان فيه طرفين اصفر وابيض كمان بس كانوا مقطوعين مخدتش بالي منهم لما عريت الكابل شوية لقيتهم لأن الماتور معمول بالكابل كده مش توصيله على البوردة زى باقي المواتير هو الكابل منه فيه فكانوا مقطوعين ومش باينين فخدت بالي منهم ان شاء الله بكره اشتري سينسور والحموا فيهم واجرب ان شاء الله ونشوف

[GADGAD]

اسال صاحبك اللى خدته منه ده كام متوصل ازاى اكيد هيبقا عارف