[richard2006]

تحياتي مجددا أخوتي ف الله وأحترامي وتقديري لمجهوداتكم وأختص بالذكر الدكتور حازم والمهندس محمد. وكل عام وحضراتكم بألف خير
مبدئيا ومن عنوان الموضوع أن محدش نظر الي طلبي ف القسم.
وأنا التزمت بنصوص وقوانين المنتدى ولم أنادي على شخص بأسمه ف عنوان المشاركه.
+ أني من نفسي بلتمس العذر لأخواني المشرفين الكرام وبقول الله أعلم بظروفهم وبلتزم الصبر
ولكن لما الاقي أحد المشرفين الأفاضل مشارك في أحد المواضيع الاخرى ومعلق عليها ف بالبلدي كده (دي حاجه تضايق) أنه تم تجاهل طلبي أو موضوعي مع إني مش عايز أستخدم الكلمه دي الصراحه.
عموما رابط الموضوع اهو وأرجو الاهتمام والرد بالسلب أو بالإيجاب. وفي الاخير تحياتي لكم
http://www.masrawysat.com/vb/showthread.php?t=2253826

[Dr. Hazem Tamim]

اخي العزيز Richard 2006
شكرًا لصبرك وتكرار المشاركة اولا
لكن لم يتم تجاهل الموضوع اولا انا عندي مشكلة في اللاب توب بتاعي من فتره وكنت بصلحه اليومين اللي فاتوا ولما كنت برد كنت بكتب من الايباد بتاعي وكنت عايز ارفع صورة في المشاركة لك وللاسف دا مش بينفع من الايباد ،،
اقتراح حضرتك محترم جدا لكن بصراحة موضوع اننا نتابع الموضوع ده دا بيبقي موضوع صعب جدا لان الهدف الأساسي هو حل مشاكل الاعضاء في القسم واعتقد أني مش بقصر مع حد علي الإطلاق لكن انا كنت مدي نفسي فرصة علشان لو هعمل الموضوع هلتزم بيه وبعد كده ملفات السوفت كام كتيرة وموقع نجم سات بتقدر تشوف ******* وتعدلها في الملف بإيدك وبعدين نزلها للجهاز ذي البلاجن ودي حاجة بسيطة ممكن نعملها مع بعض تقبل اعتذاري الشخصي ونحلها مع بعض ان شاء الله
وما تزعلش كده وتتنرفذ علينا علشان احنا مش قد زعل الاعضاء بتوعنا،،، وكل سنه وأنتو طيبين

[sreen]

و الله انكم يا مشرفين رائعين و كذلك الاخوة المشاركين في هذا المنتدى الرائع،، تؤثر فينى اخلاقكم بقدر اكبر من حاجتي للتحديثات وغيره ،، الله يوفقكم ويحقق امانيكم

[Dr. Hazem Tamim]

بارك الله فيك اخى الكريم

[م/محمدزيان]

تم الرد فى موضوعك اخى العزيز
ونأسف جدا على عدم رؤية الموضوع
وسيتم عمل اللازم

[richard2006]

ف الواقع يا دكتور حازم



أولاً أنا طبعاً أكدت ف كلامي أن فعلاً ملتمس لحضراتكم العذر وحتى بدون ما أعرف الأسباب.
وثانياً أنا نوهت ف مشاركتي أني مش حابب أستخدم كلمة (تجاهل) لأني عارف أن الحكايه مش كدا.
ولكن أتمنى أن حضرتك تعذرني بردو لأني لم أجد أجابه ولا رد ف طلبي أو موضوعي.
وثالثا بالنسبه لنقطة أن حضرتك أو الباش مهندس زيان تتابعوا تغيير أي **** دا بيكون على الاقل كل شهر أو شهر ونص مره. يعني مش بشكل يومي
ورابعاً ودا الاهم بالنسبالي أنا على يقين وتأكد مليون % أن حضرتك مبتقصرش مع أي عضو ولا مع أي مشكله بتتعرض على حضراتكم على الاطلاق ودي حاجة لازم جميعا نشكرك عليها. وانا فاكر أني كنت دايما بشوف مشاركاتك ف القسم وحتى قبل ما أفكر أدخل معاكم ف أي مشاركه وأي نقاش.
وخامساً لو حضرتك تفتكر كنت سألتني على أخر بلاجن فاتح معايا إيدمان وكنت أرفقتهولك من فتره. فياريت لو حضرتك تعلمني أزاي أقدر أغير أو أعدل أو أضيف ******* داخل الملف. هيبقى جميل كبير أوي بالنسبالي
وسادساً مفيش داعي أن حضرتك تعتزرلي ف أنا أصغر منك سناً وأنت أكبر مني مقاما وكفايه عندي ذوقك والله أني أحبك ف الله. ومعلش أعذرني أنت علشان أنا عصبي شوية بس قلبي أبيض
وفي الاخير تحياتي وتقديري وأحترامي لك أخي الكبير دكتور حازم وكل عام وحضرتك بخير

[richard2006]

المشاركة الأصلية كتبت بواسطة م/محمدزيان

تم الرد فى موضوعك اخى العزيز
ونأسف جدا على عدم رؤية الموضوع
وسيتم عمل اللازم

حبيبي يا هندسه متحرمش منك ولا من الدكتور حازم.
وحصل خير ولا داعي لأي أعتذار منكم. وأعانكم الله على مشاغلكم
وكل عام وحضراتكم طيبين وبكل خير. وتحياتي وأمتناني لكم وتقديري على ذوقكم وكلامكم الطيب

[Dr. Hazem Tamim]

حبيبي ولا يهمك بس والله كان الموضوع خارج عن ايدى
امبارح بالليل انا كنت فاكك اللاب توب وكنت فارش بيه الصالة كلها بناتى وقعوه دشدشوه جبتله قطعة من امريكا وعمود الشاشة من الصين وجبت الفيديو على اليوتيوب ومفك كهربا عندى دا غير ان كل الفتحات بما فيهم فتحة الشحن لتحركت من مكانها وفتحة esata دخلت جوه واتكسرت وكنت شغال بيه مفتوح لا بيتقفل شاشته ولا عارف ادخل فيه فلاشة بس بفضل الله رجع تمام وان شاء الله مفيش زعل عموما الملف اللى شغال عندك انا هاوريك تعدل عليه ازاى بس ارفغلى اخر واحد كان شغال عندك

[richard2006]

يبقى علشان كده حضرتك مكنتش متواجد ف المنتدا وكان دخولك قليل
وكان الله ف عونك في مرحلة أعادة تصليح أو (تصنيع) اللاب اللي أتدشدش ده.
وأنا بعمل كده ف الكمبيوتر بتاعي أفكه 100 حته وأنضفه وأقعد بقى أركبه تاني. بس حاجه مرار
ومعلش ع التعب ده وربنا يخليلك بناتك ويحفظهم ويخليك ليهم ويجازيك عنهم كل خير.
وبالنسبه لسؤالك عن أخر ملف كان فاتح معايا أهووووو

[Dr. Hazem Tamim]

انت هتفتح الملف من جوه البلاجن ذى الصورة كده softca,.key بالورد باد
وهتجيب امر find اللى هو ذى المنظار وهتكتب اسم القناه اللى انت عايزها وليكن idman هتجيلك كل الاسماء ومكان ****** والملف ده مترتب بنوعية ****** بس انت دور عليها وعدل فى ****** مكان الارقام بعد ما تجيب ****** الحديثة من الموقع ده http://najmsat2018.com/
واعمل كده مع كل القنوات اللى انت عايزها واحفظ الفايل مكانه وخد البلاجن على فلاشة ونزله

[richard2006]

تحياتي لحضرتك مجدداً يا دكتور حازم وأشكرك لشرح التعديل وتعليمي الطريقه
وبالنسبه لشفرة إيدمان بالأخص أنا شايفها ف ملف ******* 3453450034534500
وهيا بنفس الارقام ف أغلب المواقع ومع ذلك القناه بتشفر وقت أذاعة الماتشات.
وحتى من على البيدج بتاعتهم نفس ******



ولي أستفسار أخر بالنسبه لشفرة أي قناة ف الملف ساعات بلاقيها سطرين أو 4 زي كده



فأي سطر الصحيح فيهم لتعديله ؟

[Dr. Hazem Tamim]

بالنسبة ل idman فعلا كلامك مظبوط وغالبا دا اتفاق بينهم وبين الشبكات العالمية انهم بيغيروا ****** وقت الماتش يا اما بيغيروا ****** او انهم بيغيروا طريقة التشفير ودا من فترة طويله بس هي بتبقي شغالة علي الشيرينج حتي وقت الماتش

وبالنسبة للشفرة بتلاقيها دائماً بتتكون 00 ,,,01
احيانا بيكونوا متشابهين وأحيانا في بعض ******* لا لو هما كلهم biss والارقام متشابهة غير 2 منهم بس وليكن الأولانيين وشوف هتشتغل ولا لا لان غالبا بيحطوا اكتر من سط واكتر من **** لو ان القناة معروف انها بتغير شفرتين مثلا ذي idman
بيحطوا ****** الأصلية في سطرين وشفرة الماتش في الاتنين التانيين

[richard2006]

تمااام يا دكتور وتسلم على المعلومات والتصحيح وهحاول أبقى العب ف ******* كده وأشوف النتيجه