[chemical79]

أساتذة التركيب ومهندسيه بمنتدانا الموقر ..لا أنكر أننى قمت بتركيب طبقى بمجهود شخصى بناءاً على متابعة شروحاتكم بالمنتدى فبدونكم لم أكن أستطيع فعل ذلك وللأمانه لمست الود والمساعده بإخلاص من الجميع دون إستثناء ...المشكله إنى شبه ظبطت المدار للطبق لكن هناك إشكاليه تبدوا بسيطه لكم وصعبه لى ..وهى ضعف إشارة الأقمار ياه سات 52 شرقوترك سات 42 شرق واكسبريس 53شرق( الاشاره بتروح وتيجى ومتذبذبه ) ..فى حين أنه تم الحصول على جميع الأقمار الباقيه بإشارة مستقره وعاليه بداية من الهسبا سات وإنتهاءاً ب إسترا 31.5 شرق تتعدى ال85% ..ويبدأ التذبذب فى الإشاره من عند الترك سات 42 شرق ..هل المفروض دلوقتى أرفع الطبق شويه بسيطه من مسمار الميزان أم أخفضه ؟؟ أم ماذا ؟ مع العلم قمر المنتصف لدى هو يوتلسات 33 شرق لتواجدى بشمال سيناء وتم تخمينه لعدم عثورى على إشارته عن طريق الضبط على الإسترا 31.5 شرق ومن ثم إزاحة البولار جهة الشرق مسافة بسيطه مع تعلية مسمار الميزان .. طبقى 180 الومنيوم قديم واللاقط مش عارف اسمه (ممسوح ) بس هو لاقط حديد بفيد رباعى الحلقات ...... فى إنتظار توضيح ما تم سرده بعاليه وتقبلوا خالص تقديرى وإحترامى لكم جميعاً ..متابع

[ahmed hassn2012]

اخى لا داعى لتكرار الموضوع
موضوعك هنا وانتظر الرد عليك ولا احد يبخل عليك بمعلومه

[ahmed hassn2012]

القطعة اللى راكبه فى الطبق شبه القطعة الاولى ولا الثانيه

[chemical79]

القطعه شبه دى وشكلها سترونج حديد والله أعلم لأن نفس العلامه محفوره على ظهر اللاقط وهو ما تبقى عليها بسبب القدم فلا علامات اخرى تدل عليها سوى هذه العلامه فقط

[chemical79]

المشاركة الأصلية كتبت بواسطة ahmed hassn2012

اخى لا داعى لتكرار الموضوع
موضوعك هنا وانتظر الرد عليك ولا احد يبخل عليك بمعلومه

أوك علم ياغالى ...لكن كان الداعى لذلك هو تغييرعنوان الموضوع ولم يتم فحدث التكرار .أكرر إعتذارى لتكرار الموضوع .. وتقبلوا سيادتكم وافر الإحترام والتقدير

[فني تركيبات]

بص ياغالى
علشان تعرف اذا كان الطبق محتاج رفعه او خفضه
عليك الوقوف على التركى مثلا وانت امام الطبق ارفع شفه الطبق للاعلى
اذا زادت الاشاره فهو محتاج رفعه من مسمار الميزان والعكس طبعا ممكن يكون محتاج ينزل سنه بسيطه
ولكنى اعتقد ان البولار محتاج سنه بسيطه للشرق

[asembadran]

البولار محتاج لفتة بسيطة اوى ناحية الشرق
وكل الاقمار هتتظبط تمام

[chemical79]

المشاركة الأصلية كتبت بواسطة ابوافنان

بص ياغالى
علشان تعرف اذا كان الطبق محتاج رفعه او خفضه
عليك الوقوف على التركى مثلا وانت امام الطبق ارفع شفه الطبق للاعلى
اذا زادت الاشاره فهو محتاج رفعه من مسمار الميزان والعكس طبعا ممكن يكون محتاج ينزل سنه بسيطه
ولكنى اعتقد ان البولار محتاج سنه بسيطه للشرق

أوك تمام ..سعدت بمروك أستاذنا ..سيتم تنفيذ ما تفضل شخصكم النبيل بتوضيحه ولكن بعد هدوء الرياح (رياح شديده الان فى شمال سيناء) ..ثم بعد ذلك توضيح ماتم سواء صعود ونزول أو تحريك للبولار كما تفضلت بالتوقع ........خالص الموده والتقدير والإحترام

[chemical79]

المشاركة الأصلية كتبت بواسطة asembadran

البولار محتاج لفتة بسيطة اوى ناحية الشرق
وكل الاقمار هتتظبط تمام

أوك كده تمام طالما متوافق فى الرأى مع أستاذنا أبو أفنان يبقى هيتم تنفيذ ذلك إن شاء الله

[chemical79]

المشاركة الأصلية كتبت بواسطة ahmed hassn2012

القطعة اللى راكبه فى الطبق شبه القطعة الاولى ولا الثانيه

للأسف ياغالى مش شبه هؤلاء ...القطعه شبيه لما رفعته بالمشاركه رقم 4 ...شكلها والله أعلم سترونج حديد ...خالص الموده والتقدير لشخصكم الفاضل للإهتمام وحسن الرد والتعقيب

[jok37]

القطعة الى انت مصورها سترونج حديد يا غالى و انصحك تقف على تردد 11823 الخاص بمجموعة mbc على الياه سات و اخفض الطبق من مسمار الميزان سنة بسيطة و شوف تاثير ذلك على اشارة التردد المذكور لو قلت الاشارة اعمل العكس يعنى ارجع للوضع الطبيعى و بعدين ارفع الطبق سنة بسيطة لو فى الحالتين ما فيش نتيجة يبقى حرك البولار سنة بسيطة لا تذكر ناحية الشرق يعنى يمين و انت امام الطبق قبل ما تعمل كل ده شوف مستوى اشارات الهسباسات لو مرضى يبقى تمام لو منخفض يبقى الطبق محتاج خفضه سنة و الله اعلى و اعلم

[chemical79]

المشاركة الأصلية كتبت بواسطة jok37

القطعة الى انت مصورها سترونج حديد يا غالى و انصحك تقف على تردد 11823 الخاص بمجموعة mbc على الياه سات و اخفض الطبق من مسمار الميزان سنة بسيطة و شوف تاثير ذلك على اشارة التردد المذكور لو قلت الاشارة اعمل العكس يعنى ارجع للوضع الطبيعى و بعدين ارفع الطبق سنة بسيطة لو فى الحالتين ما فيش نتيجة يبقى حرك البولار سنة بسيطة لا تذكر ناحية الشرق يعنى يمين و انت امام الطبق قبل ما تعمل كل ده شوف مستوى اشارات الهسباسات لو مرضى يبقى تمام لو منخفض يبقى الطبق محتاج خفضه سنة و الله اعلى و اعلم

أوك تمام . شاكر لشخصكم الفاضل المرور والتوضيح والمساعده ..لذا بعد هدوء الرياح سوف أستخدم كل الطرق والتوضيحات التى تم سردها منكم ومن الأخوه الأفاضل ...تقبل وافر التقدير والإحترام