[Hosam44244]

السلام عليكم ورحمة الله و بركاته
كل عام وانتم بخير اعضاء المنتدي الكرام

عندي طبق 180 متحرك و كنت وصيت واحد حبيبي انه يجيبلي قطعه قديمه اركبها علي الطبق و ربنا فتح من واسع و جابلي كذا قطعه اجرب و اختار منهم و عشان هما كتير مش هعرف اجربهم كلهم فعايز رايكم اركز علي ايه ولو فيه قطعه تتعدل ع التانيه قولولي بردو

القطع
فورس سوبر تايواني 1


فورس سوبر تايواني 2


سامسونج


مش عارف نوعها كوري


زيها بالظبط


يتبع ....

[amrlion]

اعتقد السوبر فورس افضلهم

وفى النهايه التجربه خير برهان

[Hosam44244]

سوبر بي سات كوري


ستار بورت


و اخيرا العملاقه فوجي 4 حلقات


فوجي شكل اخر 3 حلقات


ايه رايكم ايه الافضل ؟؟؟؟

[gamal_317_ 20]

بص علشان تستفيد ذى ما انتا شايف انهم قدام جدا وممكن يكون اغلبه الى ضعف والى مش شغال الافضل التجريب لاثبات الى شغال من مش شغال وبعد كدا تفاضل بين الى شغالين يعنى ابدا بالفوجى

[ahmed hassn2012]

الثلاث قطع اللى ينفع يركبوا على المتحرك 180 بدون تعديل هما على الترتيب والاهميه الفوجى ثم aft (القطعة الاخيرة ) واخير سوبر فورس شرط التجربة واهميه القطعة الاولى والثالثة فى استخدام الفيد فى التعديل اذا كانوا غير صالحين للتركيب او قطع ضعيفة وبالنسبة للقطع الاخرى يلزمك التعديل بنفسك والتجربة لان اغلب القطع غير معروف

[محمد راضي 2]

موضوع رائع

[فني تركيبات]

ايه ده كله ياغالى
صاحبك جايبلك قطع من الزمن الجميل
من التسعينات
ولكن للاسف
سوف تستفاد بــــ 2 فقط

1 - الفوجى
2 - aft

[خالد الغمراوى]

القطع بالفعل من الانواع القديمة اللي جار عليها الزمن وبيان علي حالتهم والفوجي اهمم علي الاطلاق

[Hosam44244]

Amrlion
Gamal_317_20
Ahmed hassn2012
محمد راضي 2
ابوافنان
خالد الغمراوي

اشكركم جميعا على طيب المشاركه و النصيحه
و بالفعل قمت بالتجربة بناءا على نصائحكم و كانت النتيجه
قطعه الفوجي اشتغلت ولكن ضعيفه في الاستقبال
قطعه fte لم تعمل مطلقا
أفضل القطع كانت سوبر بي سات و استطعت استقبال قنوات جديده على الاسترا 19 ليصل عدد القنوات إلى 250 بعد أن كانت في حدود 150

ولكن يظل هذا العدد قليل و اتطلع للأفضل حيث الطبق 180 سم و المكان كفر الشيخ

ولذلك سأقوم بالتعديل فما هي نصيحتكم للأفضل؟ علما بأني امتلك قطعه كيوماكس لبنى و قطعه ستار بورت مذكوره في البوست و الفيد هل سيكون من الفوجي ام fte ام السوبر فورس؟؟

جزيتم الجنة ويتم سالمين.

[Hosam44244]

جزيتم الجنة و دمتم سالمين **

[ahmed hassn2012]

انت تقصد بريفكس لبنى ولا كيوماكس لبنى ؟؟
طالما القطعة البى سات هى الافضل فيهم من ناحية الكفاءة والقوة فهى الاولى بالتعديل
ويمكنك التعديل على طولها بفيد الفوجى بعد قطعه وتنظيفه بالسنفرة والفيد الذى يمكن استخدامه ايضا فيد السوبر فورس وبالنسبة للقطعة aft الفيد مش عملى فى التعديل

[zeiin]

السوبر بي سات بالطبع افضل وعن تجربة ال0.4 db وان كانت عدسة ثقيلة ولكن تمتاز بقوة الخامة ونوعيتها ولكن الفيد الملصوق على الغلاف البلاستيك ليس قطعة واحدة مع الفيد وايضا ملصوق بلصق ..تمتاز هذه العدسة ايضا ان اخر الفيد بعد الابر به تدريج بيساعد على انعكاس الاشارة المستقبلة بشكل تام وكلى للابر ...ويمكنك تحسين قوتها باضافة فيد فوجي بنفس الطول..بالتوفيق

[Hosam44244]

المشاركة الأصلية كتبت بواسطة ahmed hassn2012

انت تقصد بريفكس لبنى ولا كيوماكس لبنى ؟؟
طالما القطعة البى سات هى الافضل فيهم من ناحية الكفاءة والقوة فهى الاولى بالتعديل
ويمكنك التعديل على طولها بفيد الفوجى بعد قطعه وتنظيفه بالسنفرة والفيد الذى يمكن استخدامه ايضا فيد السوبر فورس وبالنسبة للقطعة aft الفيد مش عملى فى التعديل

اذن رأي حضرتك تعديل البي سات أفضل من البريفكس اللبني و الستار بورت. طيب عندي سؤال كيف الحم الفيد بالقطعه؟ ؟ سمعت انه بلزق الأمير طيب كدا مش هياثر على الاستقبال؟؟

[Hosam44244]

المشاركة الأصلية كتبت بواسطة zeiin

السوبر بي سات بالطبع افضل وعن تجربة ال0.4 db وان كانت عدسة ثقيلة ولكن تمتاز بقوة الخامة ونوعيتها ولكن الفيد الملصوق على الغلاف البلاستيك ليس قطعة واحدة مع الفيد وايضا ملصوق بلصق ..تمتاز هذه العدسة ايضا ان اخر الفيد بعد الابر به تدريج بيساعد على انعكاس الاشارة المستقبلة بشكل تام وكلى للابر ...ويمكنك تحسين قوتها باضافة فيد فوجي بنفس الطول..بالتوفيق

حضرتك كدا تقصد اعدلها على نفس طولها بقطع رأسها وأضافه حلقات الفوجي؟

[ahmed hassn2012]

المشاركة الأصلية كتبت بواسطة Hosam44244

[/COLOR][/SIZE]

اذن رأي حضرتك تعديل البي سات أفضل من البريفكس اللبني و الستار بورت. طيب عندي سؤال كيف الحم الفيد بالقطعه؟ ؟ سمعت انه بلزق الأمير طيب كدا مش هياثر على الاستقبال؟؟

انت لو عندك البريفكس اللبنى ( A1 ) عدلها اما لو كانت العادية فلا
وبالنسبة للحام بعد قطع الفيد وراس القطعة تقوم بتنعيم وتسويه مكان القطع بالمبرد الحدادى بحيث يكون مكان اللحام متساوى ولا يكون الفيد مائلا وتضع الامير على الفيد على الدوران الحلقى وتضم القطعة اليها الى ان يحدث تماسك جيدا ويمكن بعد ذلك لف خيط على مكان اللحام واعادة تغطيته بالامير ليكون هناك تماسك بين الفيد والقطعة