[gego230]

ممكن اعرف الفرق وايهما افضل في الاثنين

[amrlion]

الاولى بترتيب العنوان

الانفرتو الحديد الفلانج المخصصه للاطباق الكبيره

قطعه فاشله بكل ماتحمل الكلمه من معنى

الثانيه الانفرتو البلاك التر البلاستيك
قطعه مخصصه لاطباق الصغيره ويتم تعديلها بفيد فوجى ويقول بعض الاخوه انها تعطى نتائج ممتازه بعد التعديل

[الحاج شريف]

المشاركة الأصلية كتبت بواسطة gego230

ممكن اعرف الفرق وايهما افضل في الاثنين

الفرق أخى الكريم فى الإستخدام



Single Flange Black Ultra ULN
تستخدم فى الأطباق الكبيره prime focus

أما


Black Ultra Single HGLN
فتستخدم للأطباق البيضاويه الأوفست الصغيره

[الحاج شريف]

المشاركة الأصلية كتبت بواسطة amrlion

الاولى بترتيب العنوان

الانفرتو الحديد الفلانج المخصصه للاطباق الكبيره

الثانيه الانفرتو البلاك التر البلاستيك
قطعه مخصصه لاطباق الصغيره ويتم تعديلها بفيد فوجى ويقول بعض الاخوه انها تعطى نتائج ممتازه بعد التعديل

تمام أخى عمر " فرق توقيت "
مع تحياتى

[gego230]

الثانية الافضل وهل تعطي نتائج جيدة مع الطبق 180
الانفرتو البلاك التر البلاستيك

[gego230]

لو هشتري لطبق 180 متحرك الاحسن بناءا علي التجارب

[hamadasat96]

كانت عندي من 3 سنين اشارتها اعلي حاجات بسيطة علي الاطباق المتر
يعني درجات بسيطة مش الوهم ال بنتخيله ودورت لك علي صورها مش لاقيها لكن قريب ممكن اعمل صيانة للطبق هصورهالك بفرق الاشارة بينها وبين اي قطعة تانية
والاعلي منها اشارة قطع ستاربورت القديمة دي علي الاطباق ال ecc متر بالاخص
اشارتها بجد تحفة

[شعوان الحربى]

موجوده عندى من حوالى 5 سنين و اشارتها اقل من العدسات التانيه بحوالى 5 سنين تقريبا

[شعوان الحربى]

و دى جربتها من 4 سنين فالرياض على هنتر 195 و اشاره نايلسات عليها كانت ضعيفه

[gego230]

يعني قطعتين فاشلين

[ahmed hassn2012]

الافضل لطبق متحرك السانتك الكورى او ستار جولد فوجى بلاستيك او القطعة الثانيه لكن مع التعديل

[شعوان الحربى]

المشاركة الأصلية كتبت بواسطة gego230

يعني قطعتين فاشلين

و الله يا استاذى موضوع العدسه - السوبر ؟ - خد زياده عن حقه اوى كانو مصباح علاء الدين السحرى

مفيش حجه اسمها عدسه سوبر تقلب الموازين

انا شايف تعبيرات غريبه زى عدسه وهم و عدسه فاشله

قلت انا كمان اكتب من غير نظام اشوف الناس هترد تقول ايه

اللى بيخلينا نحس بفرق لما نركب عدسه جايه من بره ان العدسات اللى بيشتريها معظم الناس فمصر تعبانه اوى

لو كنت فى دوله خليجيه هتلاقى الفرق بين العدسات تافه و صغير اوى

و حتى هنا فمصر فتلاقى الفرق بين العسات القديمه زى فوجى او اللى بتعدلها زى اريون و بين العسات اللى بتجبها من بره مصر فرق صغير

مفيش عدسه ترفع الاشاره 10 درجات و لا حتى 5 درجات

كون ان انت مش عارف تظبط العدسه على طبقك دى قصه تانيه ليها ناسها

و الغريبه ان كل الناس عرفه كده و مع ذلك تلاقى ميت سؤال عن احسن عدسه

و لو جيت سالت اى واحد هنا فالمنتدى سؤال صغير

هات طبق 150 و ركب عليه احسن عدسه سوبر

و هات طبق 180 و ركب عليه اقل عدسه صينى

مين هيجيب اشاره اعلى ؟؟

هيقولك الطبق 180

طب يابن الحلال لما انتا عارف الحكايه و اللى فيها امال تاعب نفسك من غير لازمه

يعنى انا بقالى 25 بركب اطباق و لا كنت بعمل حجه تنيه

مسمعناش عن عدسه سوبر تخرب الدنيا و تجيب المستخبى

بص يا استاذ هى 1 2 3 زى الحساب

نمره واحد عرض الطبق كل مكان عرضو اكبر تبقى الاشره اعلى

و اللى جرب عارف انو طبق 240 ممكن يديلك اشره 25 درجه اعلى طبق 180 و هكذا و انت ماشى

نمره اتنين نوع الطبق يعنى 240 امريكانى يديك اشره 7 او 8 درجات اعلى من 240 مصرى

نمره 3 نضافه الحله يعنى لو طبق 240 امريكانى زيرو يديك اشره احسن من 240 مفتول

و بعدهم نمره 4 السلك النضيف اللى ميهربش اشره

السلك مبيزودش اشره لكن لو تعبان او فيه قطع او طويل اوى ممكن يهرب اشره

نمره 5 العدسه و لو انت فى بلد بتستورد حجات نضيفه مش هتلاقى فرق كبير

يعنى درجتين 3 او 4 درجات بالكتير اوى بين احسن عدسه و بين العدسه العديه

نمره 6 التيونر و ممكن يعمل فرق صغير

يعنى جهاز زى كيوماكس H6 اللى لسه نازل ف 2016 مش هيقرا أكتر من 3 او 4 درجات اكتر من هيوماكس 5400 اللى نزل فى اخر تسعنات

هتقولى طب اجيب الدريم الالمانى يبقى احسن هتلاقيه مش هيجيب تردد واحد زياده عن الكيومكس

ادى الحسبه كلها و هى مش حجه وحده لكن كذا حجه لما بتجمعهم تلاقى فرق كبير

يعنى اتنين سكنين جنب بعض

واحد عنده طبق 240 امركانى زيرو و سلك امركانى نضيف و عدسه جايه من بره و ريسيفر مودل حديث

و التانى عندو 240 مصرى و سلك ضعيف شويه و عدسه صينى و ريسيفر قديم شويه زى جولد القديم

الطبق يعمل مثلا 7 درجات فرق و السلك درجتين تلاته و العدسه برضو درجتين تلاته و الريسيفر برضو درجتين تلاته

تيجى تجمع تلاقيه جايب اشره احسن من جاره 15 درجه فرق

يعنى مالاخر اهم حجه عرض الطبق و نوعه و نضافه الحله

و لو انت جبت اعلى حجه متوفره زى 240 امركانى و مفيش فرصه تجيب اكبر منو


و جبت عدسه معقوله متعدله جاهز زى الفوجى او انت عدلتها و ضبطتها تمام و السلك عندك حالته معقوله

يبقى انت وصلت لاخر الطريق

و حكايه انك تجيب اشره 10 درجت او 15 درجات اعلى مع عدسه جديده او ريسيفر جديد ده خيال ملوش اساس

[فني تركيبات]

المشاركة الأصلية كتبت بواسطة شعوان الحربى

و حكايه انك تجيب اشره 10 درجت او 15 درجات اعلى مع عدسه جديده او ريسيفر جديد ده خيال ملوش اساس

ده اللى اقدر اقوله لك

[gego230]

انا عندي التورمان 2مخرج اشارتها ممتازة كان عندي نوكيا قديمة كانت معقولة ولكن اشتريت قطعة تورمان 2مخرج الاشارة علية معاية من 70الي 88 % ومكنتش بعرف استقبل قناة ادمن علي قمر 46 وبعد تركيب التورمان اصبحت اقمار الشرق مساوية بنسبة كبيرة لاقمار الغرب وكان عندي الهسباسات شبة معدومه والاهم جودة المنتج

[ahmed hassn2012]

العدسات تفرق لكن الاهم يكون الطبق مضبوط وحلته سليمة خاليه من الفتل والعيوب
ومكان مناسب للاستقبال وللتغطيه . والتعديل المناسب للقطعة والطبق يترتب عليه ارتفاع اشارة الترددات الضعيفة
مثلا اخى شعوان انا جربت بعض العدسات بدون تعديل على الطبق 180 ecc على تردد ضعيف على استرا 19 وهو 11597 عمودى 22000
قطعة كامكس عادية وقطعة TRIAX وقطعة بريفكس A1
الاشارة بتوصل الى 57 على نفس التردد و52 على تردد 12227 عدا البريفكس ممكن توصل الى 64 للتردد الاول و57 للتردد الثانى
ومع القطع المعدله الترومان اتنين مخرج تصل الاشارة الى 91 % للتردد الاول
والثانى الى 76 %على رسيفر كيوماكس اتش 6 واستقبال تردد 12032 باشارة 52 % الى 57 % مع اختفاءها ليلا
اما الاريون المعدله تصل الاشارة للتردد الاول 91 % والثانى تصل الى 84 %
واستقبال تردد 12032 باشارة 57 الى 64 وتعمل ليل نهار
فى النهاية لابد وان يكون الطبق مهيأ للاستقبال المثالى من خلال قطر مناسب وخامة وتصنيع وقطعة متوافقة مع الطبق ومكان الاستقبال وضبط فنى لتوجيه الطبق الى مدار الاقمار بدقة وكلها امور معقدة يصعب تحققها الا نادرا وبعد جهد وضبط اكثر من مرة