[oteote2010]

السلام عليكم ورحمة الله وبركاته

خطرت علي بالي فكره جميله جدا وبس ناقصه جزء مهم جدا حبيت اطرحها يمكن حد يقدر يساعدني فيها
الفكره هاتسهل كتير جدااااااااا في تركيب اطباق الدش
المكونات تابلت او موبايل يدعم وصله otg


وصلة otg


الوصله دي للي مايعرفهاش بتقدر عن طريقها تشغل اي حاجه فيها usb
علي الاجهزه اللي طرحتها --
واهم جزء هو كارت الستالايت من نوع usb


النتيجه -- وصلنا كارت الستالايت بالجهاز عن طريق وصلة otg
لكن الناقص هنا هو برنامج تشغيل الكارت مثل dvb dream

الحلول برنامج يعمل علي نظام تشغيل اندرويد ---- مش لاقيه خالص
او يكون الموبايل او التابلت يعمل بنظام ويندوز -- ومش متاكد اذا كان هايتصطب البرنامج ولا لاء وهايدعم الوصله ولا لاء


ثالثا وحل اخر بسيط هو انك تستخدم لاب توب مع كارت الدش يو اس بي مباشرة واظبط يامعلم

بس ياريت لو في برنامج للتابلت يقدر يعمل كده حد يقوللي عليه مع اني اشك انه موجود اصلا :( لان معايا تابلت مش لاب

[م.احمد جمال الدين]

للأسف ياغالي لايوجد حتي الآن محاكي أنظمة ‏windows‏ للأندرويد ....
لكن ممكن حضرتك تركب الكارت في اللاب او الكمبيوتر وتشتغل عادي .
ولو حضرتك عايز تشوف القنوات عالتابلت ، ممكن تشوفهم عن طريق الstreaming‏ وفي مواقع كتير جدا بتقدم الخدمة دي زي ‏aflam4u‏ وغيره .
أتمني إني أكون أفدتك .

[وحيد فريد]

المشاركة الأصلية كتبت بواسطة احمد جمال سليمان

للأسف ياغالي لايوجد حتي الآن محاكي أنظمة ‏windows‏ للأندرويد ....
لكن ممكن حضرتك تركب الكارت في اللاب او الكمبيوتر وتشتغل عادي .
ولو حضرتك عايز تشوف القنوات عالتابلت ، ممكن تشوفهم عن طريق الstreaming‏ وفي مواقع كتير جدا بتقدم الخدمة دي زي ‏aflam4u‏ وغيره .
أتمني إني أكون أفدتك .

الاخ بيقولك فى تركيب الدش يعنى ظبط الاشارة
احييك اخى الكريم عالفكرة فكرة جميلة وانا هحاول اوصل واجرب
وان شاء الله نلاقى حل وياريت اللى عنده اى فكرة ينضم معانا

[kh_h70]

دا فكرة مكلفة جداااااااااا

[shehab1954]

كل الهيصه دى عسان تركب طبق والرسيفر قال ايه دا انت فاضى ياستاذ وريق بعد ده كله الزبون حيديلك كتيره 20 جنيه بلا هم

[shehab1954]

كل الهيصه دى عشان تركب طبق والرسيفر قال ايه دا انت فاضى يااستاذ ورايق بعد ده كله الزبون حيديلك كتيره 20 جنيه بلا هم

[غبور 7]

ده لو أدالك 20 جنيه كمان تبقى كرامه ههههههههههههههههههههههه

[mohsen22]

وحياتكم أصغر طبق بيتركب بـ 40 جنيه ومرة واحد ركب لى طبق ومن غير ضبط وطلع لى مطواة فى بيتى وهدد بقتلى ان لم يأخذ 40 ج حق التركيب ورميتهم له ودعيت عليه بخراب بيته لانه لم يؤدى عمله المطلوب

[a022n]

كارت الساتليت مش مناسب ل الضبط الطبق اشتغل على رسيفر احسن

[اسلام2010]

فى فكرة انا فكرت فيها ومش مكلفة تعتمد على الصوت والاشارة من شاشة الريسفر الصينى ممكن اخد ديرة صوت من صب الصغير ابو 25 جنية واخد الدايرة بتاعتو ودخلها عى خرج الصوت من داخل الجهاز والكهربه من الدخل وركب سماعة صغيرة فى الغلطا يبقى معاك صوت لو مش شايف ااشارة فى الضوء

[oteote2010]

علي فكره الموضوع ده للناس اللي دايما بتركب - القصد انها تبقي عده معاه علي طول وصغيره في ايده
وكمان انا يعتبر طرحت فكرتين في موضوع واحد -- والفكره السهله هي انك بلاب توب وكارت ستلايت usb تظبط ودي بسيطه جدا
وكمان موضوع التابلت والموبايل انتشروا جدا وحبيت استغلهم في فكره جديده
وانت لو شايف الموضوع معقد في جهاز اسمه ستلايت فيندر - الفكره بتبدء بسيطه وواحده واحده بتتحول لابتكار :)
وماحدش بدء كبير يا كبير ههههههههههه

[oteote2010]

المشاركة الأصلية كتبت بواسطة اسلام2010

فى فكرة انا فكرت فيها ومش مكلفة تعتمد على الصوت والاشارة من شاشة الريسفر الصينى ممكن اخد ديرة صوت من صب الصغير ابو 25 جنية واخد الدايرة بتاعتو ودخلها عى خرج الصوت من داخل الجهاز والكهربه من الدخل وركب سماعة صغيرة فى الغلطا يبقى معاك صوت لو مش شايف ااشارة فى الضوء

فكره كويسه جربها وقوللنا النتيجه -- انا فكرت في حاجه شبهه كده بس بطريقه مختلفه - هاحاول اظبطها وابقي اقولك :)

[hassan.shahen]

افكار جميله مع الوقت نتطور

[mohamed kamel mk]

بارك الله فيك

[os82002]

المشاركة الأصلية كتبت بواسطة اسلام2010

فى فكرة انا فكرت فيها ومش مكلفة تعتمد على الصوت والاشارة من شاشة الريسفر الصينى ممكن اخد ديرة صوت من صب الصغير ابو 25 جنية واخد الدايرة بتاعتو ودخلها عى خرج الصوت من داخل الجهاز والكهربه من الدخل وركب سماعة صغيرة فى الغلطا يبقى معاك صوت لو مش شايف ااشارة فى الضوء

المشاركة الأصلية كتبت بواسطة oteote2010

فكره كويسه جربها وقوللنا النتيجه -- انا فكرت في حاجه شبهه كده بس بطريقه مختلفه - هاحاول اظبطها وابقي اقولك :)

ايوه ياغالى انا عامك كده كان عندى صب ابو 60 جنيه ده وكل شويه السمعه تفصل والحمها قمت فكيته من العلبه الخشب بتعته وحطيطه جو الرسيفر محتوى الصب بالكامل يعنى البرده والمحول بتاعه والسمعات اكتفيت بوحده بس من 3 وخدت الكهربا بتعته من فيشه الرسيفر مباشر وكله تمام بالنسبه لتوصيل الصوت للرسبفر بتوطل مدخل الصوت بتاعه بالبوده من اسفل طرف الاديو ببوده الرسيفر وعملت واحد لواحد صحبى بصب من ابو 25 بس خالى بالك لازم يكون الصب من ابو فيشه لسهوله تركيب الكهرباء ليه لانه ابو يو اس بى تقريبا مفهوش محول كهرباء فكده طريقه توصيل الكهرباء هيختلف