[ابوياسين1]

بسم الله الرحمن الرحيم
سلام من الله عليكم ورحمته وبركاته علي مه ت وير هو البرنامج المشغل للجهاز أو بمعني أصح هو نسخه الجهاز
طيب هل هو مرحله واحده
لا هو من 5 إلي 8 مراحل بإختلاف نوع الجهاز وتقنيه الشركه في حمايه الجهاز من العبث
طيب إزاي بأديه للجهاز
عن طريق برنامج مخصص لكل جهاز تقوم الشركه المنتجه للجهاز بتصميمه علي أيقونات السوفت التالي زكرها فيما بعد وتقوم بطرحه علي الموقع الرسمي لها ** يتثني لكل مستخدميه من الحصول علي التحديثات له بمعني أدق أبديت لنسخه الرسيفر بدون نت
طيب إيه هي مراحل السوفت
أول مرحله هي البوت بتاعه الجهاز ولا مساس بها مطلقا لأنها القاعده الأساسيه بتاعه الجهاز والدليل علي ذلك إنه ببعض الأجهزه عند إعطائها سوفت خطا ضروري تبوت الجهاز أي تضعه علي قاعده البيانات الأساسيه المحمله بالفلاشه من قبل الشركه المنتجه
ثانيا مرحله نسخ الملفات الموقته للسوفت علي الفلاشه وهي بمثابه تمهيد لإدخال السوفت
ثالثا مرحله مسح السوفت القديم عدا البوت والملفات الموقته
طيب أنا كده أديت الجهاز السوفت
لا
ليه
علشان المسح ده بيكون جزئي أي بضع السوفت القديم بما به من بيانات بقاعده الفلاشه الأساسيه بمعني أن الجهاز مش بيشيل القديم إلا لو لقي جديد ثابت والدليل علي كده إن حضرتك تقدر تلغي الأمر من الكمبيوتر أو

تفصل الكهرباء عنه دون أي تأثير علي الجهاز وكأن لم يكن
تيجي أهم وأخطر مرحلتين وهم مسح الفلاشه القديمه ونسخ الفلاشه الجديده
وهي بتبان بمعظم اللوادر بالمرحله الثانيه من التحميل وغالبا هتلاقي تحذير من البرنامج بعدم إغلاق الكهرباء من الرسيفر لعدم فقد الجهاز
طبعا دي مش كل الحكايه السوفت أعقد من كده بكتير بس إحنا بنحاول نبسطها لأخوتي الفنيين الجدد علشان يعرفوا المبادء بتاعه السوفت






إهداء لأخي الأكبر ورفيق دربي صلاح سالم

[نصر حبشى]

الف الف شكر معلومات قيمه

[ahmeddija]

تسلم يا ابو ياسين

[احمد سمير]

شكرا لك ابو ياسين

[م سالم نصر]

الله عليك يابوياسين

[ابوياسين1]

مراقب عام الاقسام الفضائية
بيقوللي تسلم يا ابوياسين
والله أخجلتم تواضعنا
خدااااام

[م \ محمد حمادة]

تسلم بجد حبيبى

[محمد الجندي 82]

تسلم يا باشا
وحشني والله يابو ياسين فينك ياعم

[ابوياسين1]

تحييه طيبه إلي محمد الجندي من السلوم رأسا لطه شبرا

[aabbccddeeffgg]

هذا الموضوع شيق جداً وجزاكم الله خيراً
ولي سؤال لو سمحت:-
كيف تبوت الجهاز أي تضعه علي قاعده البيانات الأساسيه المحمله بالفلاشه من قبل الشركه المنتجه ؟

[aabbccddeeffgg]

السلام عليكم يا عمنا :-
احمد سمير
المشرف المميزلقسم الكيوماكس والفيجا وقسم الصيانة

رابطة مشجعى نادى الزمالك
ممكن سؤال لحضرتك :-
الكيوماس البرتقالي القديم ليس له سوفت لعام 2009 أو 2010 أو 2011 أو .... ؟

[EMADALZOUK]

عايز شرح لطريقة عمل اللودر يمكن انا بعمل حاجة غلط

لانى بعمل زى اغلب الشروحات بفتح اللودر واظبط الاعداد و اختار ملف الفلاشة وبعدين اعمل دون لود واقفل الرسيفر من الزرار واللى وراء وافتحه يقوم يشتغل البرنامج تحميل الفلاشة لحد ما يخلص وفى الاخر ملقيش اى حاجة اتغير فى الرسيفر

هل فى حاجة ناقصة اعملها كدة ولا ايه

بارك الله فيكم

[russia199]

المشاركة الأصلية كتبت بواسطة EMADALZOUK

عايز شرح لطريقة عمل اللودر يمكن انا بعمل حاجة غلط

لانى بعمل زى اغلب الشروحات بفتح اللودر واظبط الاعداد و اختار ملف الفلاشة وبعدين اعمل دون لود واقفل الرسيفر من الزرار واللى وراء وافتحه يقوم يشتغل البرنامج تحميل الفلاشة لحد ما يخلص وفى الاخر ملقيش اى حاجة اتغير فى الرسيفر

هل فى حاجة ناقصة اعملها كدة ولا ايه

بارك الله فيكم

أولا قم بعمل موضوع مستقل لطلبك
فى القسم المخصص له
مع ذكر نوع الرسيفر الذى تريد عمل سوفت له

اهم الموضوعات و الشروحات المصورة بقسم الكيوماكس999

[EMADALZOUK]

المشاركة الأصلية كتبت بواسطة russia199

أولا قم بعمل موضوع مستقل لطلبك
فى القسم المخصص له
مع ذكر نوع الرسيفر الذى تريد عمل سوفت له

اهم الموضوعات و الشروحات المصورة بقسم الكيوماكس999

عملت يا غالى موضوع قبل ما اضع ردى ده ومحدش رد عليا
http://www.masrawysat.com/vb/showthr...78#post3570678

[ابوياسين1]

aabbccddeeffgg
تبوت الجهاز إزاي
تغلق الجهاز من الباور الخلفي وتضع أيدك علي الأستاندباي وتفتح الباور من الخلف وانت واضع أيدك علي الأستاندباي الأمامي هيكتب بوت وهيقف عليها تبقي حضرتك بوت الجهاز