[الكابتن حسن2]

الفرق بين الشاشات Lcd
وشاشات Led
ولا مفيش فرق وكلها شاشات
وان كان فى فرق ايه الاحسن نرجوا التوضيح وشكرااااااااا

[عماد رياض]

اخى الفاضل زاى ما فى رسيفر عادى ورسيفر اتش دى هناك ايضا شاشة Lcd وشاشة Led طبعا انا بضرب ليك مثال مع الفارق يعنى ملخص كلامى بدون فلسفة ان الشاشة Lcd الانارة بها على الجوانب فقط انما شاشات Led الانارة بها فى الشاشة كلها بتالى هتجد ان الشاشة اكثر وضوحا وطبعا كان يوجد شاشة اسمها بلازمة برغم من جودة صورتها انما مشكلتها ان البانل بتعها بيعكس صورة الاشخاص زاى المراية

يعنى بداية الشاشة بلازمة
ثم lcd
ثم led وطبعا الان يوجد حاجة اسمها فور كى ولكن غالية لحد ما ارجو ان اكون وصلت معلومة ولو بسيطة لجضرتك وعلشان تجيب شاشة عن تجربة لا تخرج عن ثلاث موديلات سامسونج او ال جى او سونى انما اى نوع اخر هيكون التلفزيون العادى افضل والسلام عليكم

[عرفه سوهاج]

اختلف معك اخى عماد فى الجزء الاخير من كلامك بخصوص انواع الشاشات الفروق بين جميع انواع الشاشات سواء المعروفه والمشهوره والغير معروفه فروق لاتكاد تذكر وربما تتفوق شاشه غير معروفه اطلاقا فى نقاء الصوره والصوت عن احد ال3 انواع المذكورين

[قصر الفرسان]

انا مع الاخ الفاضل احلى شاشه من حيث الوضوح اى نوع من الانواع اللى الاخ كاتبها باثتثناء سونى هى شاشه جميله بس اكمن غاليه الثمن فالمتاح ومتوسطه الثمن هى lgجميله

[عماد رياض]

المشاركة الأصلية كتبت بواسطة عرفه سوهاج

اختلف معك اخى عماد فى الجزء الاخير من كلامك بخصوص انواع الشاشات الفروق بين جميع انواع الشاشات سواء المعروفه والمشهوره والغير معروفه فروق لاتكاد تذكر وربما تتفوق شاشه غير معروفه اطلاقا فى نقاء الصوره والصوت عن احد ال3 انواع المذكورين

احب اعرف حضرتك وممكن تسال اى فنى ان اى بانل بتاع شاشة بيكون سامسونج ال هى الشاشة الخارجية وباقى المكونات بتكون هى ال بترخص الشاشة او تخلها غالية وعن تجربه مفيش افضل من تلت انواع دول

[الكابتن حسن2]

يعنى بيكون مكتوب على الشاشه
Lcd و Led
يعنى انا عايز اشترى شاشه LG
وتكون Led
حتكون كل واضح على الشاشه ومكتوب عليها

[ابو امير2]

يعنى بيكون مكتوب على الشاشه
Lcd و Led
يعنى انا عايز اشترى شاشه LG
وتكون Led
حتكون كل واضح على الشاشه ومكتوب عليها

[على محمد نور]

ياغالى كل الموجود بالاسواق الآن LED أما LCD فهى غير موجودة

[عماد رياض]

المشاركة الأصلية كتبت بواسطة ابو امير2

يعنى بيكون مكتوب على الشاشه
Lcd و Led
يعنى انا عايز اشترى شاشه LG
وتكون Led
حتكون كل واضح على الشاشه ومكتوب عليها

طبعا هيكون موضح على موديل الشاشة انها led بس مش هى دى القصة فى اختيارك للشاشة يعنى ممكن تكون led بس بدون الدخول على النت اقصد سمارت والفرق بينهم بيكون حوالى 200 او 300 ج بس لو عاوز نصحتى لعدم التغير مستقبلا تكون سمارت يعنى بها مدخل نت وطبعا هيكون بها واى فاى للاتصال ايضا مثل الوبايل لانك هتستمع ببرامج عليها من المتجر مثل برنامج شاهد وبرنامج يوتيوب الذى من خلاله ممكن تشوف مباريات من بين سبورت عند الدخول على كلمة مباشر من خلال تطبيق اليوتيوب او تشاهد فلم او فديو مثلها مثل الكمبيوتر مع العلم ان التطبيق على الشاشة سمارت بيكون اسرع واوضح واى حاجة انا معاك ولو عاوز توكل على الله وهات شاشة سامسونج او lg
ملاحظة هامة جدا جميع موديلات شاشات سامسونج مفهاش خاصية البث الرقمى للقنوات الارضية ( الدجتيال ) انما موجودة فى شاشات ال جى وتلك الخاصية تعتبر مهمة عند تشعيل القنوات الارضية المصرية بلاريال بتاع زمان فوق السطوح حتى تشاهد مباريات افرقيا التى تقام فى مصر

[saber2]

على فكره lcdتفوقledبكتير بس صعب تلاقيها دلوقتى

[FAIR]

الشاشة الـ LED استهلاكها من الكهرباء أقل من الـ LCD

[nilesat]

المشاركة الأصلية كتبت بواسطة عماد رياض

اخى الفاضل زاى ما فى رسيفر عادى ورسيفر اتش دى هناك ايضا شاشة Lcd وشاشة Led طبعا انا بضرب ليك مثال مع الفارق يعنى ملخص كلامى بدون فلسفة ان الشاشة Lcd الانارة بها على الجوانب فقط انما شاشات Led الانارة بها فى الشاشة كلها بتالى هتجد ان الشاشة اكثر وضوحا وطبعا كان يوجد شاشة اسمها بلازمة برغم من جودة صورتها انما مشكلتها ان البانل بتعها بيعكس صورة الاشخاص زاى المراية

يعنى بداية الشاشة بلازمة
ثم lcd
ثم led وطبعا الان يوجد حاجة اسمها فور كى ولكن غالية لحد ما ارجو ان اكون وصلت معلومة ولو بسيطة لجضرتك وعلشان تجيب شاشة عن تجربة لا تخرج عن ثلاث موديلات سامسونج او ال جى او سونى انما اى نوع اخر هيكون التلفزيون العادى افضل والسلام عليكم

بارك الله فيك اخى الحبيب

[afandyalex3]

الفرق بين الشاشتين كبير
اولا الشاشة الليد تكون اضائتها عبارة عن لمبات ليد صغيرة موزعة علي جوانب الشاشة اما ال سي دي تكون اضائتها لمبة فلورسنت لذلك الاولي اقل سمك بسبب صغر حجم اللمبات الليد ؛ ايضا تكون اضائتها اكثر وضوح وحدة بسبب القدرة علي توزيع اللمبات الليد بشكل يتيح التحكم اكثر في الاضاءة
كذلك اللمبات الليد اقل استهلاك للكهرباء واقل في الحرارة المنبعثة وبالتالي تقل حرارة الشاشة