[aiman noor eldein]

المشهـــــــــد الأول : أمام بوابة النادى

رجل الأمن : الووووو .. بلغ سيادة المستشار ، واحد عايز يقابله بيقول إنه جى من اتحاد الكوره .

السكرتير : شوفوا عايز إيه ، سيادة المستشار مش فاضى يقابل حد .!!

رجل الأمن : سيادة المستشار في اجتماع دلوقتى ومش هيقدر يقابلك ، تحب نبلغه حاجه ؟

موظف اتحاد الكوره : ايوه انا جى بخطاب رسمي علشان استلم درع الدورى ، علشان نسلمه للنادى الاهلى يوم الحد اللى جاى بعد انتهاء ماتشه مع الإتحاد .

فجأأأأأأأأه ..... يتدخل سيادته في الحوار ، وبلسانه المعهود : درع ايه يابن العبيطه اللى جاى تاخده ، قول لسويلم يلم الدور ، احسن ورحمه امى اشيلوه من اتحاد الكورة اللا دى .!

- موظف الإتحاد : ماشى سعادتك .!

- المشهد الثااااااانى : داخل اتحاد الكرة بالحبلايه

- سويلم : فين يابنى الدرع ؟ ما جبتوش ليه ؟؟

- موظف الإتحاد : قالولى سيادة المستشار في اجتماع مهم و بيعتذر لسيادتك ، مش هيقدر يقابل سيادتك دلوقتى ..!!!!!

- يعنى ايه مش هيقدر يقابلك ، قلت له انى انا اللى باعتك، هات لى يابنى مرتضى منصور على الخط .!

- سويلم : سيادة المستشار ، حبيب قلبى أحلى إصطباحيه في الكون .!

- جنابه : مين معايا ؟؟؟

- سويلم : نسيت صوتى يا باشا ، انا سويلم رئيس اتحــــــ ( مقاطعه )

- جنابه : درع ايه اللى باعت تاخده يا سويلم ؟ انت اتجننت ولا ايه ؟ الدرع مش هيطلع من نادى الزمالك لغاية ما لجنة الفساد في الفيفا تبت في الشكوى بتاعتنا ، انت مش الحكام المعر ..... ين بتوعك ادو الدورى للأهلى ، طيب ابأه خليهم بأه ينفعوك ..!!!

- وقول لمحمود طاهر لو دكر صحيح ييجى بنفسه ياخد الدرع .!!

( ينقطع الإتصال فجأه .. يبدو أن جنابه رزع السماعه في وشه )

المشهد الثـــــــالث : اجتماع طارئ داخل اتحاد الكرة المؤقت

- وبعدين في الحوسه دى هنعمل ايه دلوقتى ؟

- بسيطه يا حاج ، نعمل درع تانى ونديه للأهلى ، وخليه يشبعبه ..!!!

- والله فكره ، بس لو محمود طاهر مرضيش وقال ماليش دعوه انا عايز الدرع الأولانى .!

- قل له الدرع الأولانى بأه قديم ، وحجمه زى التهمه ، هنعملك واحد آخر ألاجه يليق باسم النادى الأهلى .!!

- طيب هنلحق نعمله ؟ الوقت ضيق فاضل تلات تيام على ماتش الإتحاد .!!

- سيب الحكايه دى عليه ، خلال يومين الدرع الجديد هيكون عندك .

- المشهد الرابـــــــــع : احدى محلات الأنتيكات القديمه - شارع الصاغة - وسط قاهرة المعز .

- موظف الاتحاد : وحياة ابوك عايزينك تعملنا درع دورى يكون حاجه على مزاجك كده .!

- صاحب المحل : عنيه ادينى المقاسات وعربنى ولا شهر بكتيره هيكون عندك ، بس سيب لى رقم الموبايل ولو فيه أرضى يبأه أفضل .!!

- شهر مين ، ده كتير قوى ، احنا عايزينه بكره او بعده بكتيره .!!

- بكره و بعده ايه.!! دى صعبه أوى ، انت عارف احنا في زنقة عيد دلوقتى ، على العموم سيب لى المقاسات وعربنى ، وانا هخلى العيال يسهروا ويخلصهولك ، بس العمليه دى هتكلفك .!

- ميهمكش حاجه خد الفين جنيه تحت الحساب ، وبعد ما تخلص خد باقى حسابك .

- الفين جنيه ايه يا باشا ، دى ما تجبش حتى تمن الخامات ، أسعار الخامات بقت نار، انت عارف الدولار بأه بكام النهارده ..ألخ ..!!!

- شد حيلك بس واللى تقول عليه هتاخده .!

المشهد الخامس : داخل محل الأنتيكات اياه

- الصبى : يا معلم الراجل دi باين عليه نصاب قوى وهياكل علينا باقى الحساب .

- صاحب المحل : حساب ايه يابنى ده باين عليه عبيط ، في درع في الدنيا يتعمل في يومين اتنين، خد يا بنى الالفين جنيه واخطف رجلك لبولاق هتلنا شوية فسيخ من عمك محمود الفسخانى نعيد بيهم ، وديهم لخالتك الحاجه فى البيت ‘ وقولها المعلم هيصلى العصر في الحسين قبل ما يروح .

- المعلم ، حسين يا حسين ما تنساش قبل ما تقفل ابأه اكتب على ورقه ( مغلق لوفاه الحاجه زوجة صاحب المحل ) والصقها على باب المحل .!!

- ومن يومها وبعد أن أعلن الإتحاد المصرى لكرة القدم إنه سيسلم درع الدورى للنادى الأهلى عقب مبارة الإتحاد عاد ليؤجلها الى مبارة الزمالك ثم عاد ليعلن انه تم التأجيل حتى اشعار آخر .!!! وبالهناااا و الشفاااا الفسيخ ( المعفن ) يا معلم ..!!

وكل عام وحضراتكم بألف خير ..!!

[نور المصطفى]

ههههههههههههه جميلة سلمت يداااك
اصل الحرمان وحش .

[الامبراطور محمد]

المستشار مرتضى منصور فوق الجميع

[aiman noor eldein]

اكيد يكفي أدبه و اخلاقه

[ياسر انور]

طيب ليه التأجيل ما الراجل بيتكلم صح

[السيدعبدالعزيز]

هههههههه
تسلم ايد كاتبنا الساخر ايمن نور الدين .

[ياسر عرفة 2000]

المستشار مرتضى منصور فوق الجميع

[mrshaban]

المشاركة الأصلية كتبت بواسطة ياسر عرفة 2000

المستشار مرتضى منصور فوق الجميع

[mrshaban]

المشاركة الأصلية كتبت بواسطة الامبراطور محمد

المستشار مرتضى منصور فوق الجميع

[مـنـعـم امـبـابـى]

المشاركة الأصلية كتبت بواسطة الامبراطور محمد

المستشار مرتضى منصور فوق الجميع

وراء كل مصائب الزمالك مدرسة الفن والهندسه