[الجــنــتــل حـــسـن عــثـمـان]

انا رايح اعمل دراعات جديده للطبق
وعاوز اعرف اعملها كام بالتنيات
حجم الطبق 161 وعمق الطبق 23
الناتج بدون التنيات 70.4375
ازود كام عليهم علشان اقدر اطلع وانزل بالقطعه

[جوهركامل]

فى ألطبق أل180 زود6سم فى كل دراع
فى ألطبق أل240زود8سم فى كل دراع
ألمهم بيكون فى براح للقطعه للطلوع وألنزول

[الجــنــتــل حـــسـن عــثـمـان]

يعني ازود 6 سم علي 70.4375 = 76.4375
طيب كده بالتنيات ولا بدون التنيات

[جوهركامل]

حضرتك حسبت طول ألدراع70.4375صح
ألمفروض تزودحوالى6سم كمان علشان ألتنيات
ويفضل كمان تخليهم77سم بدل 76.4375
وصلت أستاذحسن

[شعوان الحربى]

المشاركة الأصلية كتبت بواسطة جوهركامل

حضرتك حسبت طول ألدراع70.4375صح
ألمفروض تزودحوالى6سم كمان علشان ألتنيات
ويفضل كمان تخليهم77سم بدل 76.4375
وصلت أستاذحسن

مرحبا استاذ جوهر و كل سنه و حضرتك طيب

الظاهر حضرتك رديت من غير متحسب الارقام اللى حطها الاستاذ حسن

انا جربت احسب عالبرنامج و بعدين الاله الحسبه لقيت الرقم دا هو بؤره الطبق

هو كدا حسب البؤره بتاعت الطبق انها على 70 سنتى و كسور

يبقى نقصه يزود كام سنتى للعدسه تطلع و تنزل و كام سنتى تنين للتنيات

[جوهركامل]

حبيبى أستاذشعوان كل سنه وحضرتك طيب
لايوجدمشكله فى أللى أناقلته هوهوكلامناواحدصديقى ألعزيز
يعنى بدل ماتبقى 76سم وكسوريخليها77سم(كله بالتنيات)

[شعوان الحربى]

المشاركة الأصلية كتبت بواسطة جوهركامل

حبيبى أستاذشعوان كل سنه وحضرتك طيب
لايوجدمشكله فى أللى أناقلته هوهوكلامناواحدصديقى ألعزيز
يعنى بدل ماتبقى 76سم وكسوريخليها77سم(كله بالتنيات)

ربنا يكرمك و يحفظك استاذ جوهر

الظاهر فى حجه مهمه شاغلك النهارده ربنا يعينك و يقويك

انا قصدى ان 70 سنتى و كسور دا بؤره الطبق يبقى يزود عليهم كمان 5 سنتى عشن الدرعات ميله شويه و يبقى في مساحه للعدسه تطلع و تنزل

و بعدين يزود كمان 6 سنتى او 7 سنتى للتنيات فوق و تحت

يعنى الدراع هيبقى حولى 81 او 82 بالتنيات و هيبقى حولى 75 صافى من غير تنيات

و لو هيعمل عدسه معدله طويله 10 سنتى او 11 سنتى يبقى الاحسن يطول سنتى او اتنين كمان

واضح ان الطبق دا مفلطح اوى لان البؤره بتعته بعيده عشن كدا هتكون اشرته كويسه زى حضرتك مقولت قبل كده

[الحاج شريف]

هى حسبة الدراع بتلخبطنا كلنا لأنها حسبه تقديريه حسب الخبره
لكن تعالوا المره دى نحسبها حسب الكتاب
صحيح فيها شوية فذلكه رياضيه لكن علشان نحط قاعده ونكون مقتنعين بصحتها

أنظر حضرتك للرسم :



أول ملاحظه هى أن الدراع لازم يكون أطول من البعد البؤرى بالمسافه ac
تانى ملاحظه هى أن الدراع للطبق المسطح بيكون أطول منه للطبق الغويط لنفس مقاس الطبق وفى حالتنا دى حوالى 180

طيب إزاى نحسب طول الدراع بالمللى
عادة مكان الدراع متوسط فى الطبق
يعنى لو الطبق قطره 161 زى الطبق اللى معانا
يبقى قطر الدائره اللى بتمر بالدراعات حوالى 80 سم
الدراع اللى عايزين نحسبه موجود فى مثلث فيثاغورت abf
ab معروف وهو نص قطر دائرة الدراعات اللى فرضناها 80 سم نص قطرها 40 سم
bf هو الفرق بين البعد البؤرى 0f وعمق الطبق عند قطر 80 سم بييجى برضه من معادلة الطبق
عمق الطبق عند 80 سم = (80×80) ÷ (16× البعد البؤرى )
=(80×80) ÷ ( 16× 70.4375)
= 5.68 سم
يعنى bf = 70.4375-5.68=64.76
يعنى لما نربع bf, ba وناخد الجذر لمجموع المربعين نحصل زى مابيقول فيثاغورت علي طول الدراع بالضبط
مربع "bf" يساوى 4193 سم مربع
ومربع "ba" يساوى 1600 سم مربع
نجمع الرقمين وناخد الجذر
يطلع طول الدراع 76.11 سم
يعنى حوالى 6 سم زياده علي البعد البؤرى فى حالتنا وهو طبق مسطح
وممكن يكون 5 سم علي طبق غويط أو أقل قليلا
فاضل التنيات لو فرضنا كل تنيه 3 سم علشان احنا بنخرم فيها لمسمار 17
يبقى عندنا الدراع المفروض طوله
6+76.11 = 82.11 سم
يعنى من 82 ل 83 سم زى ماقالوا الإخوه

[فني تركيبات]

كلام جميل استاذ شريف
ولكن هل هذه النظريه تتماشى مع جميع الاطباق
اعتقد لا
وهذا لان طبقى الــــ 180 بريفكس
قطر الطبق = 175
عمق الطبق = 30
البعد البؤرى = 63.8
يبقى المفروض لو نفذت النظريه
نزود 6سم على البعد البؤرى يبقى المجموع = 69.8
ونزود كمان 6 سم للدراعات
يبقى المجموع = 75.8
وانا اصلا طول الدراع بالتنيات = 72

[الحاج شريف]

المشاركة الأصلية كتبت بواسطة ابوافنان

كلام جميل استاذ شريف
ولكن هل هذه النظريه تتماشى مع جميع الاطباق
اعتقد لا
وهذا لان طبقى الــــ 180 بريفكس
قطر الطبق = 175
عمق الطبق = 30
البعد البؤرى = 63.8
يبقى المفروض لو نفذت النظريه
نزود 6سم على البعد البؤرى يبقى المجموع = 69.8
ونزود كمان 6 سم للدراعات
يبقى المجموع = 75.8
وانا اصلا طول الدراع بالتنيات = 72

مش نظريه أستاذ إبراهيم
أولا كل سنه وحضرتك طيب
دى حسبه بسيطه مافيهاش غلط لا فى الجمع والطرح ولا فى الفروض
ولو طبقناها علي طبق حضرتك
أولا طبق حضرتك مش مسطح قوى زى الطبق المسئول عنه يعنى ممكن 5 سم تكفى زى ماانا ذكرت فى الحسبه اللى فاتت
ثانيا التنيات عند حضرتك أقل من 3 سم يمكن 2 سم أو 2.25 سم
ثالثا : باين أن دائرة الأذرع منصصه الطبق زى ماانا فرضت فى الحسبه اللى فاتت
وأخيرا باين من الصوره أن الدراع أطول بكتير من البعد البؤرى
ولو جمعنا الأرقام
البعد البؤرى + الزياده فى طول الدراع + الثنيات
63.8+5+4.5 يساوى 73.3 سم
وماتنساش حضرتك حكاية ال 2 سم اللى اتفقنا سوا نشيلهم من البعد البؤرى لما نركب حلقات يعنى لو حسبناها واقعيا
62+5+4.5 يساوى 71.5

وحضرتك بتقول 72 سم يعنى ماروحناش بعيد
وسنتى زياده أفضل من سنتى ناقص

[فني تركيبات]

المشاركة الأصلية كتبت بواسطة asharif

وأخيرا باين من الصوره أن الدراع أطول بكتير من البعد البؤرى

البعد البؤرى = 63.8
طول الدراع بدون التنيات = 64
طول التانيه من الاعلى = 3
طول التانيه من الاسفل = 3

[الحاج شريف]

المشاركة الأصلية كتبت بواسطة ابوافنان

وانا اصلا طول الدراع بالتنيات = 72

المشاركة الأصلية كتبت بواسطة ابوافنان

البعد البؤرى = 63.8
طول الدراع بدون التنيات = 64
طول التانيه من الاعلى = 3
طول التانيه من الاسفل = 3

واضح أستاذ ابراهيم إن الحسبتين بتوع حضرتك مش زى بعض
وبعدين إحنا مش حنختلف علشان كام سنتى الموضوع مايستاهلش أبدا
أنا عرضت طريقه حسابيه صحيحه 100% اللى عايز يستخدمها أهلا وسهلا بيه
واللى عايز ينقدها ويبين أخطاءها برضه أهلا بيه
واللى مش عاجباه الطريقه وعايز يجرب لغاية مايوصل بنفسه لأحسن طول برضه ماعنديش مشكله
بس كنت أتمنى أن يتبنى المنتدى الوسائل العلميه للوصول للنتائج

[waleed omar]

الافضل اذا كان البعد البؤرى 70 سم يتم زيادة 5 سم
- علشان ميل الدرعات على الطبق
- وفى نفس الوقت ترك مساحة للعدسة للحركة لاعلى واسفل وكلما تركت مساحه للعدسة يمكن تحريكها للوصول لافضل وضعيه للاستقبال ومنها الى التقاط الترددات الضعيفة
- وطبعا الزيادة المضافة 5 سم تعالج الخطأ فى قياس قطر الطبق الفعلى وعمق الطبق
(لان قطر الطبق قد يكون 162 وليس 161 والبعد البؤرى حيكون 71 وكسور)
وبكدة يكون طول الدرعات من غير التنيات 75 ويتم اضافة 6 سم للتنيات او 7 سم على حسب التنيه
التنيه العليا الخاصة بالفلانشة بتكون 3 سم
التنيه السفلى الخاصة بالطبق بتكون 3 سم او 4 سم
يبقى طول الدراع من غير التنيات 75 سم و بالتنيات 81 سم او 82 سم

[tapcom]

طيب سؤال ممكن اعرف الذراعات الجديدة افضل حاجة له تتعمل منها ايه فيه ناس بتقول مواسير الستارة ولا حديد من عند الحداد وكمان ضبط البؤرة بالليزر ممكن شرح ليها