[mohamed abbas i]

السلام عليكم كنت عرضت مشكلتي من فتره ان لما بشغل اى لمبه او كهربا والرسيفر شغال الصوره بتقطع ثواني وبتيجي وخصوصا لو مشغل وصله اتش دي لكن لما جربت علي وصله اوديو وفيديو اختفت المشكله جبهت كهربائى راجع علي وصلات الكهربا ملقاش حاجه غيرت وصلت اتش دى اشتغلت شويه بس بعد يومين ظهرت نفس المشكله انا دلوقتى حيران ومش عارف عيب رسيفر ولا وصله وبصراحه الصوره علي الاوديو والفيديو مش مريحاني وحابب اتفرج علي وصله اتش دي فياترى دى مشكله وصله بس ولا حاجه فى الرسيفر ولا مقاومات في الرسيفر ولا ايه ارجوالنصيحه ولوعيب في الوصله ايه احسن مكان اجيب منه مع العلم اشتريت اتبين جداد من وقت المشكله ومازالت المشكله قائمه واسف علي الاطاله

[هانى عنانى]

وانا رديت عليك قبل كدا وقولتلك غير كابل الاتش دى بنوع كويس وغالى لان المشكله دى مشكله كابل اتش دى وعن تجربه والكهربا ملهاش دعوه

[م/محمدزيان]

المشاركة الأصلية كتبت بواسطة هانى عنانى

وانا رديت عليك قبل كدا وقولتلك غير كابل الاتش دى بنوع كويس وغالى لان المشكله دى مشكله كابل اتش دى وعن تجربه والكهربا ملهاش دعوه

كل الشكر للاخ هانى على متابعتة
لكن شكوى الاخ الكريم فى الموضوع الاول كانت تؤكد لاى واحد انها مشكلة سلوك الكهرباء الرئيسية للشقة
اما الان فقد تبين انها مشكلة للكابل وزى ما قالك الاخ هانى ياريت تجيب كابل من الانواع الممتازة ومن واحد مضمون
وممكن من عند الناس ال بتبيع ريسفرات انواع غالية يديلك زى ال بيجى مع الاجهزة
او منهم وان شاء الله تحل مشكلتك نهائيا
بس عايز اعرف لو خفضت الريزوليشن بتاع الصورة هل نفس المشكلة مازالت معك
فى انتظار ردك

[mohamed abbas i]

مع خفض الرزيلويشن المشكله لسه موجوده وشكرا لرودود حضراتكم

[م/محمدزيان]

المشاركة الأصلية كتبت بواسطة mohamed abbas i

مع خفض الرزيلويشن المشكله لسه موجوده وشكرا لرودود حضراتكم

يبقى ال فاضل لك انك تجيب كابل من الانواع النظيفة وتجرب وتقولنا على نتيجة تجربتك

[علاءهلال]

المشكله مش فى الرسييفر دى مشكله امه فى الشاشات ال ال سي دى و ال ال دى المشكله دى عندى وعند كتير من الناس

[looka2008]

الكلام ده بيحصل معايا فى رسيفرات مينى من انواع اخرى غير الترومان وحتى الان لااعرف السبب بل ان اللمبة اللى فى المكان تطفى ثانية وترجع تانى
ولاعلاقة لنوع الريسيفر بذلك حدثت معى فى عدة انواع

[Dr. Hazem Tamim]

وانا في موضوعك السابق ذكرت لك ان ده بيحصل في الشاشة عندي مش الرسيفر السبب