نصيحة شراء شاشة ٤٩-٥٥ لمباريات كرة القدم والپلايستايشن

MohamedHusseinM · #1 2016/09/05, 11:21 AM

السلام عليكم

أنا طالب من حضراتكم تنصحوني بشاشة محترمة لماتشات الكورة والپلايستايشن 4

يعني ما بين ٤٩ و٥٥ بوصة

للأسف السنة اللي فاتت اشتريت شاشتين ورجعتهم وماجيبتش حاجة عشان ظهور عيوب أثناء مشاهدة الماتشات

الشاشتين كانوا LGlf6500 3D
Samsung J6300 Curved
والاتنين ٥٥ بوصة

العيوب كانت ظهور تباين في الإضاءة وأجزاء غامقة في اللقطات البعيدة والسريعة زي ماتشات الكورة ولعب الپلايستايشن
Dirty screen effect يعني زي مابيتقال في مواقع التقييم الأجنبية

فهل من خلال تجربة حضراتكم في شاشة مابتظهرش العيوب دي أو مابتبانش فيها قوي؟

للأسف دلوقتي معظم الشاشات 4K وهي مالهاش أي لازمة وغالية عالفاضي والـUpscaling للفول إتش دي بينعم الصورة

ومن خلال البحث اونلاين لقيت كذا موديل

Samsung 58J5200 58 Inch Smart LED HDTV
٦٥٠٠ جنيه
ودي الفئة ٥ فخايف الصورة تكون أسوأ أكيد من اللي جيبتهم

Samsung 55K6500 55 Inch Curved Smart LED FHD TV
٨٥٠٠ جنيه
مش لاقيلها أي ريڤيو بره

LG 49UH850V 49 Inch 4K Ultra HD Smart LED UHDTV
٨٥٠٠ جنيه

أخر واحدة سمعت في تعليق عالفيسبوك انها شاشة حلوة
بس أنا كل خوفي في موضوع الـUpscaling وتنعيم الصورة ده
فاللي جربها مشكوراً يقولي ايه رأيه وهل بتظهر المشاكل دي ومناسبة للبلايستايشن "بالعب PESو FIFA “

ملحوظة: أنا مش محتاج سمارت ولا 4K بس خايف الشاشات العادية تبقى جودة الصورة تعبانة بسبب فرق السعر الكبير

طبعاً الـOLED أسعاره غالية جداً جداً ومابفكرش فيها

آسف جداً جداً على الإطالة :)

عماد رياض · #2 2016/09/05, 03:46 PM

والله يا اخى انا شايف انك اخترت افضل نوعين حاليا بس ممكن تكون المشكلة فى الاختيار هو معدل الهرتيز لكل شاشة علشان اللقطات السريعة حاول تشوف شاشة الهرتيز بتاعها يكون عالى واعتقد ان ال جى افضل فى الوانها من سامسونج مع العلم ان عندى سامسونج 48 سمارت ولكن شوفت ال جى عند ناس وجد الوانها اوضح من السامسونج

MohamedHusseinM · #3 2016/09/07, 04:21 AM

اقتباس:

المشاركة الأصلية كتبت بواسطة عماد رياض

والله يا اخى انا شايف انك اخترت افضل نوعين حاليا بس ممكن تكون المشكلة فى الاختيار هو معدل الهرتيز لكل شاشة علشان اللقطات السريعة حاول تشوف شاشة الهرتيز بتاعها يكون عالى واعتقد ان ال جى افضل فى الوانها من سامسونج مع العلم ان عندى سامسونج 48 سمارت ولكن شوفت ال جى عند ناس وجد الوانها اوضح من السامسونج

ألف شكر لحضرتك..أنا هاروح وأخد فلاشة وأجرب في كذا موديل..أنا فعلاً باميل لـ إل جي برضو :)

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ممكن تحويل لرسيفر ديسكفرى ٥٥٥ فلاشة ٤ لتشغيل **** مجانا	mado	تحـويـــلات المعالـــج صــن بلــص	0	2021/11/15 02:45 AM
كلمة الرئيس جمال عبد الناصر فى بنى مر بمركز الفتح بأسيوط أثناء رحلته للوجه القبلى ٤/٧/١٩٥٥	albasher_2010	شخصيات لا تنسى	2	2020/12/21 08:33 PM
بعد ظهور تحديث لرسيفير 7star777 أمس ، اختفاء bestiptv و vodولا يوجد سوى اللي في الصورة وعند الضغط على تفعيل وكتابة ٥٥٥٥٥ تظهر الايرور	khaledmahdy80	ريسيفرات المعالج صن بلص ( Sunplus 1507 HD )	9	2019/09/05 06:00 AM
أستفسار شراء شاشة سمارت ٥٥ بوصة	بوجبوج	الشاشات الذكية SMART TV	1	2019/02/04 06:58 PM
أستفسار شراء شاشة سمارت ٥٥ بوصة	بوجبوج	شاشات (Toshiba-Samsung-LG)	0	2019/02/04 06:35 PM