[samehsalah]

شاسيه صينى الفولتات فيه مكتومة والجهاز ميت طبعاً
غيرت كل مكثفات ودايودات بعد الشوبر ولم تحل المشكلة
رفعت اللاين من البوردة الفولتات ظهرت ولمبة البيان نورت غيرت اللاين بلاين جديد عادت نفس المشكلة تانى هل اللاين الجديد بايظ هوة كمان ولا فيه حاجة تانية ممكن تكون هية السبب واللاين الجديد والقديم سليم ؟؟؟؟؟

[ابوسماللصيانه]

تاكد من خط 180 فولت المغذي للشاشه

[ابوسماللصيانه]

وجرب لاين اخر

[samehsalah]

اللين اللى ف الجهاز رقمه Bsc24-01n4010m
المحل ادانى بديله اللى ركبته وما قامش رقمه bsc25-01n4010u
هل ده بديل صحيح ولا اللاين الجديد ده بايظ ؟؟

[samehsalah]

وخط 180 غيرت الدايود بتاعه والمكثف مفيش نتيجة برضه
المشكلة محصورة فى وجود اللاين فى الشاسيه مجرد نزعه الفولتات تظهر كما اشرت ف البداية

[ابوسماللصيانه]

بدئل اللاين BSC24-01N4010M
BSC25-01N4034A
BSC25-N0385
BSC25-0235A
JF0501-19238
JF0501-19959
جرب البديل ووافنا بالنتيجه

[احمد سمير]

إرفع بور اللاين
شوف الفولت الواصل للطرف اللي في منتصف ترتنزستور بور اللاين
لو ظهر فولت على الطرف الكلكتور لبور اللاين
فعليك بتركيب ترنزستور بور للاين جديد
ولو إستمر العطل عليك برفع أي سي الفرتكال
هيمشي الفولت تمام إن شاء الله
ووقتها عليك بإستبدال أي سي الفرتكال
لأنه هو اللي دائما بيكتم الجهاز
----

[samehsalah]

يافندم غيرت اللاين بواحد جديد تانى لقيت نفس العيب والفولتات كتمت
رفعت ترانزيستور باور اللاين من البوردة وجربت من غيره برضه الجهاز كاتم
رفعت كمان آى سى الفيرتكال وجربت من غيرها هية وباور اللين برضه كاتم
والمفترض لو الكتم من اى سى الفيرتكال أو باور اللاين كان الجهاز طلع الفولتات فى حالة نزعهم ونور ليد لكن ده ما بينورش الليد وتظهر الفولتات غير فى حالة واحدة بس وهى نزع اللاين من مكانه
لسة برضه الحل ما جاش وإن شاء الله بمساعدتكم هوصل لحل وانا منتظر الرد

[samehsalah]

دلوقتى مشت مع الكتم وصلت لملف جنب الليان رفعته الكتمة اتشالت ورجعت القطع مكانها ووصلت تانى الليد نورت لكن الجهاز ما قامش لأن ال110 واصلة على طرفه وهو بين اللاين وين كولكشن باور اللاين هشوف واحد زيه اركبه حالاً ونشوف النتيجة

[samehsalah]

أخيراً إكتشفت الكتمة سببها اليوك هو السبب خلعت السوكت بتاعه الجهاز قام بس فيه صوت طقطقة بسمعه من عند اللاين ... ده سببه ايه ؟

[samehsalah]

بدلت اليوك الجهاز اشتغل ثوانى وفجأة السيريا عليت لحظة ولقيت دخان خفيف من عند اى سى الفيرتكال رفعتها الجهاز اشتغل بخط ابيض ف النص ركبت واحدة مكانها الجها بقا يعمل استاند باى واول ما يقوم السيريا تعلا ويفصل بسرعة ولو فضلت الفيشة فى السريا يكرر العملية بانتظام .. استاند باى تقويم سريا تعلا استاند باى تانى وهكذا

[مصطفى حسين احمد]

والله ربنا يكون فى عونك
ادينا منتظرين رد المشرفين
وان شاء الله هتوصل لحل

[samehsalah]

ربنا يسهل وحد يتابع معايا لأنه واضح إنشغالهم عن الردود كان الله فى عون الجميع

[حافظ السويد]

هل قمت بتوصيل اسلاك اليوك في مكانها الصحيح
لان سبب انفجار ايسي الفريتكال يكون وصل احد سلكي الافقي مكان العامودي والعكس صحيح
اوصل الاسلاك حسب الوان الاسهم

[samehsalah]

كل سلك فى مكانه الصحيح على التأكيد