نفسي الاقي موضوع كامل يشرح الانترنت الفضائي .هولع في نفسي

ابو محمود · #1 2011/06/04, 07:16 AM

بسم الله الرحمن الرحيم
********

بصراحة انا الان علي حافة الامل وامتلكني اليأس من هذا الموضوع

ونفسي الاقي موضوع كامل يشرح الانترنت الفضائي
ويكون الشرح علي نفس البرامج لكن للإسف مافيش شرح وكمان لما تلاقيه تلاقي برامج مختلفة جايبه اختيارات غير الموجوده في الشرح
********
هقولكم انا عملت ايه وقولولي اكمل ازاي

الاول انا ظبط القمر إوتلسات w3 في المدار 7 شرق واشتغل معايا علي كارت تونهاتن الاحمر مع برنامج دريم دي في بي زي الفل ولما لقيت شرح لقيته بيتناول برنامج البروج وقضيت الليله كلها بحاول اشغل البروج علي الكارت ما اشتغلش مع انه شغال علي الدريم والقمر شغال زي الفل

المهم انا دلوقت الصبح طلع عليا وعندي شغل وربنا يسامح كل واحد حاطط شرح مش مكمله
انا بصراحة يأست واليأس هيخليني اولع في الكمبيوتر والطبق والعدسة وكمان السلك وممكن بعد كدا اولع في نفسي
ههههههه
يا جماعة بالله عليكم
بالله عليكم
حد يمسك الموضوع من اوله حتى اخره مرة واحدة
وياريت يضم البرامج اللي هيشرح عليها علشان احملها وامشي معاه خطوه بخطوه

وشكراً
والسلام عليكم ورحمة الله وبركاته
*********

الفهد النور · #2 2011/06/04, 05:26 PM

انا معاك في كده يا أبا محمود(ياريت اللي يشرح يفترض فينا إننا لانفهم في الأمر ده أي شيء) وده نداء ورجاء لحبيبنا وأخونا الكبير "أبوزياد وأحمد"

ابو محمود · #3 2011/06/04, 10:28 PM

ياااااااااااااارب

حالياً
انا ظابط القمر واشارته علي الكارت ميه ميه
بس مش عارف ابحث عن الترددات اللي بيقولوا عليها في الشروحات ببرنامج البروج

يبقى انا عندي القمر شغال . والكارت تونهاتن الاحمر . وبرنامج البروج .

اعمل ايه تاني

وياريت اللي هيشرح يفهمني ومايعديش اي حجة ولو بسيطة من وجهة نظره معلهش اعتبر نفسك بتشرح لواحد مش مبتدأ بس دا لسه ماأبتدأش كمان ههه

بالله عليكم افيدوني . نفسي اتعلمه ومش عايز احمل حاجة بس نفسي ابقى زي الناس اللي عمالة ترد دي وتقول متشكرين وشغال ميه ميه والكلام ده
وانا اقرأ الكلام ودمي يتحرق ان محدش منهم عايز يرد عليا
ماتعودناش ان يكون في منتدانا الغالي حد بيبخل بمعلومه عنده

والسلام عليكم ورحمة الله وبركاته
****

ابو محمود · #4 2011/06/04, 10:30 PM

حبيب قلبي
استاذي الجليل

ابو زياد واحمد

اتكرم علينا ورد بقى

جزاك الله عنا خير الجزاء

ريميستريو · #5 2011/06/05, 01:33 AM

بص ياخي الموضوع بسيط جدا مش معقد زي مانت فاهم هشرحلك شرح بسيط وانت هتفهمو علي طول
اولا البروج ابحث في التردد ده بس نزل القنوات يعني 11262وهينزل ملف داتا اسمهlinkstarاضغط عليه وبص علي الاشاره واغلق البروج وشغل السكاي نت مباشرتاهتلاقي العدادات الرقميه بتاعت السكاي ماشيه سريع جدا يبقي كده انت نجحت في التشغيل هتلاقي فلدر اسمه tempده اللي بينزل فيه الملفات اللي جاري التحميل وفلدر اسمهokده للملفات المكتمله وانشاء الله سوف اتابع الموضوع اخي اود انا اكون افدتكم والشرح يكون بسيط

ابو محمود · #6 2011/06/05, 02:32 AM

اقتباس:

المشاركة الأصلية كتبت بواسطة ريميستريو

بص ياخي الموضوع بسيط جدا مش معقد زي مانت فاهم هشرحلك شرح بسيط وانت هتفهمو علي طول
اولا البروج ابحث في التردد ده بس نزل القنوات يعني 11262وهينزل ملف داتا اسمهlinkstarاضغط عليه وبص علي الاشاره واغلق البروج وشغل السكاي نت مباشرتاهتلاقي العدادات الرقميه بتاعت السكاي ماشيه سريع جدا يبقي كده انت نجحت في التشغيل هتلاقي فلدر اسمه tempده اللي بينزل فيه الملفات اللي جاري التحميل وفلدر اسمهokده للملفات المكتمله وانشاء الله سوف اتابع الموضوع اخي اود انا اكون افدتكم والشرح يكون بسيط

طب بص يا معالي الباشا
في البداية الف مليون شكرا لردك

انا لقيت القناة linkstar ضمن قنوات القمر علي البروج وضغطت عليها 2 كليك وجايبه اشارة ميه ميه بس هيه مش بتفتح صوره صح
المهم اغلقتً البروج وشغلة نسخة السكاي نت بتاع الاخ محمد البلوي من هنا
بس والملفات موجوده ملف التمب وملف ok لكن مافيش اي حاجة بتتغير رغم اني بضغط علي البرنامج مليون كليك لكن لا يوجد اي جديد

ممكن تديني برنامج السكاي نت بس نسخة انت مجربها
ولو انا عملت حاجة غلط ياريت تتحملني وتقولي عليها اصلحها

بارك الله فيك اخي الكريم
وجزاك عني خير الجزاء

ahmedmedooo · #7 2011/06/05, 12:16 PM

أشاركك ا الموضوع ممكن برنامج السكاي نت بس نسخة انت مجربها

بارك الله فيك اخي الكريم
وجزاك عني خير الجزاء

ريميستريو · #8 2011/06/05, 07:22 PM

اتفضل ياغالي سوف اعطيك 2سكاي مجربهم شغاللللللللللل صاروخ واللي يعجبك فيهم

ابو محمود · #9 2011/06/06, 02:24 AM

هوه هوه الحال
ما فيش تغيير

طب بقولك يا كبير
ايه هيه حكاية ملف الستريم ده
وهوه في حاجة من برنامج الاسكاي نت بتتحط جوه ملفات البروج

انا مش فاهم حاجة
معلهش اتحملني

وشكراً

ريميستريو · #10 2011/06/06, 06:42 PM

ولا يهمك يابو محمود ياغالي بص يسيدي
ستريم ريدر ده بتحط جوه السكاي ويتميز بجودة الملفات المنزله اوالجارية التحميل وبسرعه مهوله انا هديك واحد جامد جدااااا وغير التردد الي10722هتلاقي قناه اسمها انترنت

http://www.masrawysat.com/vb/showthr...p?t=237247ادخل علي الربط ده فيه الملف المطلوب لسيادتك

ابو محمود · #11 2011/06/07, 05:15 AM

معالي الباشا
والله انت برنس وربنا يقدرنا ونرد جمايلك
****
بس انا دلوقت في مشكلة جديدة خالص
بعد ما اتخنقت من برنامج البروج لا انا بصراحة بعد اللي شفته منه بكره اسمه حتى ولو كان راجل كنت قتلته ههههه
المهم سئلت ينفع برنامج تاني مع الانترنت الفضائي او التحميل العشوائي
رد ابو احمد وزياد قال ينفع DVBViewer
بسرعة جبت نسخه ومعاها سريلها وتمام التمام وحدثت ملف الترددات الخاص بالقمر Eutelsat W3A وبعد كدا عملت بحث والقنوات تمام التمام
لكن حاجه غريبة حصلت

لما تدخل علي الموقع ده ((من هنا )) وتختار ترددات القمر Eutelsat W3A تلاقي التردد 10721 موجود مرتين الاول رأسي والتاني افقي ورغم كدا الترددين نزلين عندي تمام لكن التردد التاني اللي هو الرأسي نازل شوية قنوات وباقي التردد مش بينزل رغم عدة محاولات للبحث شوف الصورة دي

وبالتالي قناة internet مش بتنزل واللي هيه تعتبر أول خطوه في مشروع التحميل العشوائي
قولي بالله عليك دي حلها ايه .

معلهش واجع دماغك انا ... سامحني

والسلام عليكم ورحمة الله وبركاته
******

ريميستريو · #12 2011/06/07, 01:46 PM

بص ياباشا سيبك من الخبتيشن اللي انت فيع واتبع الخطوات دي
اولا اليتلوسات w3اشارته تكون 45%علي الاقل
ثانيا اشتغل علي التردد ده بس سيبك من اي اقوال اخري 11262 linkstarانا شغال عليه دلوقتي الساعه12؛45ميه ميه سريع وتمام
ثالثا البروج يكون الفيرجن الاصلي ومتسمعشي كلام اي حد تاني
والباقي الخطوات انت عارفها والبرنامج

ابو محمود · #13 2011/06/07, 06:08 PM

اقتباس:

المشاركة الأصلية كتبت بواسطة ريميستريو

بص ياباشا سيبك من الخبتيشن اللي انت فيع واتبع الخطوات دي
اولا اليتلوسات w3اشارته تكون 45%علي الاقل
ثانيا اشتغل علي التردد ده بس سيبك من اي اقوال اخري 11262 linkstarانا شغال عليه دلوقتي الساعه12؛45ميه ميه سريع وتمام
ثالثا البروج يكون الفيرجن الاصلي ومتسمعشي كلام اي حد تاني
والباقي الخطوات انت عارفها والبرنامج

هتخليني ارجع للبروج تاني
بجد انا كرهت البرنامج ده
لو حتماً ولابد منه
ياريت ترفعلي اصدار تكون انت شغال عليه علشان بصراحة الاصدارات الموجوده كرهتني حتى في اسم البرنامج
معلهش انا عارف اني بتقل عليك
لكن اعذرني مقدميش غيرك
انت الوحيد اللي عبرتني في هذا القسم
بارك الله فيك
والسلام عليكم ورحمة الله وبركاته

ريميستريو · #14 2011/06/07, 06:21 PM

يابو محمود ارجع لاسطوانت التعريفات بتاعت كرتك احسن لك هو كرتك توينهن يبقي ده ميه ميه ياعم

ابو محمود · #15 2011/06/07, 07:08 PM

اقتباس:

المشاركة الأصلية كتبت بواسطة ريميستريو

يابو محمود ارجع لاسطوانت التعريفات بتاعت كرتك احسن لك هو كرتك توينهن يبقي ده ميه ميه ياعم

للإسف الاسطوانة تالفة وحملت التعريف من على الانترنت

ممكن تتضيف دا عندك علي الياهو وأكون شاكر جداً
aboshd_z

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نفسي افهم الإنترنت الفضائي	moody31	الأنترنت الفضائى	8	2022/05/30 10:25 AM
سؤال مهم جدا نفسى الاقى اجابة من عباقرة مصراوى	bahy_2009	الشاشات الذكية SMART TV	4	2018/02/12 11:13 PM
نفسى الاقى ملف قنوات مخصوص	ahamdkalad	ملفات القنوات كيوماكس 999	2	2013/04/08 11:39 AM
نفسى الاقى حاجة فيكى يا بلد تتحب	احمدبقله	الشعر و الخواطر	4	2012/08/17 04:59 AM
نفسى الاقى ملف قنوات لجهاز استار سات 3100 cu الترا	محمد بسيونى	ملفات القنوات ستارسات وستاركوم	12	2012/04/20 10:30 PM