[كريم ميزو]

من فضلكم ساعدونى أشتريت الvhd2 امبارح والنهارده واقف ع كلمة linux
ولقيت موضوع هنا ف القسم عن حل المشكله بس وانا بقرأ الردود لقيت البعض بيقول ان فيه سوفت بيحل المشكله اكتر من السوفت الى ف الموضوع
فمحتار اجرب انى فيهم (انا الان بحمل السوفت ال 136ميجا ولما يخلص تحميل هجربه ولا تنصحونى بأيه

[aboaya27573]

من هنا حل مشكلة شاشة Linux وشاشة سوداء كيوماكس 999 جوكر vhd2

وهذا للأفادة



اتبع الخطوط كاتى


افصل كابل الاشارة
وكابل النت
1-ان لا تذيد الفلاشه عن 4 ميجا

2-يتم فك السوفت وضعه فى الفلاشه .

3-يفضل تحميل السوفت
والجهاز بارد بمعنا اذلم يقبل السوفت اتركه فتره ان لا تقل عن ساعه
لن من عيوب الجهاز ان البرسسور بيسخن
يتم وضع الفولدر
بعد فك الضغط وشكله من الخارج RomUpdate
4-اغلق الجهاز من الخلف وضع الفلاشة فى المدخل الامامى مع الاستمرار بالضغط على زر الباور الامامى او الاستاندباى فى الجهاز
ثم افتح الجهازمن الخلف
مع استمرار الضغط على الباور الامامى
سيظهر على شاشة الجهاز كتابه انتظر حتى ظهور update تحديث( 2)
ثم اضغط ok
ايضا من الجهاز سيتعرف الجهاز على السوفت ويبدأ التحميل بعد الانتهاء واعادة التشغيل
ثم قم بعمل بضبط مصنع
والف مبروك عوده الجهاز



http://download1331.mediafire.com/14...f6ht6bk68ybb/%
ومن هنا السوفت

[كريم ميزو]

شكرا يا باشمهندس لاهتمامك وسرعة ردك ..ربنا يبارك فى حضرتك

وتقريبا انا عملت الى حضرتك كتبته دا فى الوقت الى حضرتك كنت بترد عليا

عملت الخطوات والسوفت من الموضوع دا



واول ما ظهرتلى update2 شيلت ايدى بسرعه ودوست ok وحمل معايا ثوانى وبعدين كتب بووت وبعدين كتب تانى كلمة linux

ماتعرفش ايه السبب يا باشمهندس

[مصطفي محمد امبابي]

المشاركة الأصلية كتبت بواسطة كريم ميزو

شكرا يا باشمهندس لاهتمامك وسرعة ردك ..ربنا يبارك فى حضرتك

وتقريبا انا عملت الى حضرتك كتبته دا فى الوقت الى حضرتك كنت بترد عليا

عملت الخطوات والسوفت من الموضوع دا



واول ما ظهرتلى update2 شيلت ايدى بسرعه ودوست ok وحمل معايا ثوانى وبعدين كتب بووت وبعدين كتب تانى كلمة linux

ماتعرفش ايه السبب يا باشمهندس

اخى الكريم عند الانتهاء من تحميل السوفت انزع الفلاشه من اليواس بى وجرب وان شاء الله هيشتغل معاك

[كريم ميزو]

شكرا يا باشمهندس مصطفى لاهتمامك ..ربنا يوقفلك ولاد الحلال

بس معلش سؤال .. هقولك انا عملت ايه وتقولى انا كده عملت صح ولا غلط

حملت السوفت ع الفلاشه بعد ما فكيت عنه الضغط وحطيته ف الريسيفر من اودام

كده الريسيفر مقفول من زرار الباور وبارد مش سخن والفلاشه محطوطه وايدى على مفتاح الاستاندباى الامامى ف الريسيفر وشغلت الباور من الخلف واول ما ظهرت كلمة update2 شيلت ايدى من على مفتاح الاستاند باى الامامى ودوست على okبسرعه

كده انا صح ولا بعمل الخطوات غلط لانه مش بيكمل معايا

[كريم ميزو]

روحت من شويه لصاحب المحل وحاول يصلحه ماعرفش قالى خد واحد جديد غيره عشان ما اخلكش تيجى مره تانيه

ولما روحت البيت دلوقتى بفتحه لقيته عامل linux دا كمان

مش عارف ايه الحكايه دى

[ashraf mbn]

المشاركة الأصلية كتبت بواسطة كريم ميزو

روحت من شويه لصاحب المحل وحاول يصلحه ماعرفش قالى خد واحد جديد غيره عشان ما اخلكش تيجى مره تانيه

ولما روحت البيت دلوقتى بفتحه لقيته عامل linux دا كمان

مش عارف ايه الحكايه دى

يا باشا انتظر شويه على الجهاز وهو بيفتح لان الجهاز بيتأخر فى الفتح شويه وده عادى فى نوع الجهاز ده

[ashrafdishnono]

المشاركة الأصلية كتبت بواسطة كريم ميزو

من فضلكم ساعدونى أشتريت الvhd2 امبارح والنهارده واقف ع كلمة linux
ولقيت موضوع هنا ف القسم عن حل المشكله بس وانا بقرأ الردود لقيت البعض بيقول ان فيه سوفت بيحل المشكله اكتر من السوفت الى ف الموضوع
فمحتار اجرب انى فيهم (انا الان بحمل السوفت ال 136ميجا ولما يخلص تحميل هجربه ولا تنصحونى بأيه

ممكن بعد اذنك تعرفني مكان البيع
للرسيفر كيوماكس vhd2
هنا في القاهرة أو في
أي مكان علشان
أنا عايز واحد
أو اتنين
وشكرا لك
يا أخي الفاضل

[كريم ميزو]

استاذ اشرف انا عندى الجوكر v1 وعارف شويه اتعامل مع اجهزة عبدالعال

لكن دا فعلا واقف على كلمة linux ومش شغال

[كريم ميزو]

ashrafdishnono

المحل تدخل اول يمين بعد جنرال ---2ش بستان ابن قريش اسمه اليك--ترو --نكس

[كريم ميزو]

الحمدلله اشتغل الجهاز

وفعلا عندك حق يا استاذ ashraf mbn شغلت الجهاز بالصدفه وسيبته شويه وروحت البس عشان اخده وارجعه وبعد شويه وانا بسرح شعرى لقيته اشتغل

شكرا ليكم جميعا

[ashraf mbn]

المشاركة الأصلية كتبت بواسطة كريم ميزو

الحمدلله اشتغل الجهاز

وفعلا عندك حق يا استاذ ashraf mbn شغلت الجهاز بالصدفه وسيبته شويه وروحت البس عشان اخده وارجعه وبعد شويه وانا بسرح شعرى لقيته اشتغل

شكرا ليكم جميعا

يا غالى الجهاز من النوع ده بيفضل يحمل شوية فى البداية التشغيل ولازم تصبر شويه على الجهاز فى بداية التشغيل
ومبروك عليك الجهاز

[كريم ميزو]

تمام تسلم يا باشمهندس

بس الان بعد نهاية اليوم قفلت الريموت وبعدين قفلته من الباور الخلفى وفتحته عشان اعرف بياخد وقت قد ايه لقيته لحد الان بقاله 45دقيقه ولسه عمال يعمل بوت ويكتب linux ولسه ما اشتغلش

دا كده طبيعى يعنى والمفروض اقعد منتظر كام ساعه عشان يفتح ؟؟

ولو بتفرج ع ماتش والنور قطع ورجع النور بعد 5 دقايق وعااوز اكمل الماتش هستنى كل دا عشان الريسيفر يفتح ؟؟

[كريم ميزو]

شغلته بليل ساعه وربع وفضل واقف على كلمة linux وكل كام دقيقه يظهر كلمة boot وترجع كلمة linux رحت قفلته عشان انام وبعدين قلت اشغله وانام واشوف الصبح لما اصحى يمكن يشتغل وفعلا لما صحيت لقيته كاتب اسم القناه يعنى اشتغل

هو انتم بيحصل معاكم كده وهل طبيعى انى اشغل الريسيفر قبل ما استخدمه بكذا ساعه عشان يفتح معايا
ولا عشان الجهاز عليه سوفت قديم ...ساعدونى ارجعه ولا اعمل ايه

[say010]

لا مبيحصلش كدا اللي بيحصل انو بيحمل شريط التعريفات الاول بس في كام ثانيه كدا يبقي جهازك في مشكله بدله افضل من اللي اشتريته منو