[م/احمدمبروك]

بفضل الله وتوفيقه ونصائح بعض الاخوة من هذا الصرح الكبير وبالبحث لمدة عشرة ايام فى كل مكان توصلت الى هذا الموضوع الجميل عت فتح وغلق الليمت الخاص بالماتور لاستقبال كامل المدار شرقا وغربا
اولا المشاكل : 1-عند تركيب الماتور و تستقبل اقمار الغرب كاملة وعند اقمار الشرق الماتور بيقف عند التركى مثلا او هيلاس .
2- الماتور بيسقط ناحية الغرب او الشرق ومش بيقوم لوحده .
3- الماتور بيقف فى منتصف الطريق عند نقطة معية واما يصعد لفوق ولا يرجع لتحت او يرجع لتحت ولا يصعد لفوق
ثانيا : الحلول
قم بفك غطاء الماتور وما يهمنا هو الجزء الظاهر بهذه الصورة

بعد ذلك قم بفك هذا المسمار وملحوظة لا تقلق من فك المسمار لان المسمار رابط الترس الاعلى اما الترس الادنى ده مش بيتفك خالص فقط كما بالصورة

بعد الفك هيكون الشكل ده كما بالصورة

وكمان صورة المسمار والترس

ابدأ الجد بقى وسيبك من الكلام الكتير بعد الفك للمسمار وخلع الترس الاعلى وهو المسؤل عن فتح الليمت ( الارتفاع ناحية الشرق ) هتلاحظ وجود اثنين زرار ازرق صغيرين على الجنب وهتلاحظ ان كل ترس له شفة يعنى بالبلدى كدة الترس مش دايرة عدلة انما لها بروز على احد جوانبها (كامه يعنى ) كما بالصورة

وهتلاحظ عند ضغط الشفة على الزرار الازرق بيصدر صوت خفيف دليل على قفل الحركة
قم بلم الماتور للاخر بالبوزشنر وان وقف معاك يعنى قفلت الحركة وتوقف الماتورقم بلم القصبة داخل الجراب يدويا الا حوالى 2 سم يكونو خارج الجراب فقط

وهنا هتلاقى شفة الترس الادنى او الاسفل قفلت على الزرار الازرق اللى تحت

ركب الترس الاعلى واربط المسمار ربط خفيف ابدا بعد ذلك فى فتح الماتور
هتلاقى التروس الاعلى والادنى بدور ناحية الاسهم كما بالصور

كمل لحد وقوف الماتور والسبب هو انك هتلاقى الترس الاعلى قفل على الزرار الازرق كما بالصورة

اذا لم تصل الى قمر 75 شرقا او بعده بقليل قم بفك المسمار وارجاع الترس الاعلى للخلف قليلا باتجاه السهم كما بالصورة

واربط المسمار وواصل فتح الماتور حتى تقف على اخره وان وقف كرر نفس الخطوة لحد متصل الى 75 شرقا او بعده كمان وهيكون ده الشكل النهائي الترس الاعلى قفل على الزرار الازرق كما سبق توضيحه

ولاحظ معى من خلال تجاربى ان القصبة فى الماتور 24 بوصة اخرها فى الخروج من الجراب 63 سم و ان القصبة فى الماتور18 بوصة اخرها فى الخروج من الجراب 45 سم وذلك حفاظا عليها من الكسر
اى تقصير فى الشرح او الصور ارجو السماح من الادارة وكذلك من الاعضاء
والفضل يرجع الى الله والى الاستاذ شريف ashrifوالاستاذ اسامة ( استشارى نافع ) وكمان فيديو على اليوتيوب للاستاذ حماد
اخيرا لكم كل الشكر والتحية اخوكم م / احمد مبروك

[عربى1975]

الله عليك ياغالى الف الف الف مليون شكر وتحية لك والله تعبت جدا فى البحث عن موضوع مماثل ولم اجده ونرجو التثبيت من الادارة

[satytree]

الله ينور موضوع فنى وجديد
كالعادة موضوع و ابداع رائع


--------

[عادل عامر]

مجهود ممتاز يا غالى
بارك الله فيك

[م/احمدمبروك]

المشاركة الأصلية كتبت بواسطة عادل عامر

مجهود ممتاز يا غالى
بارك الله فيك

شهادتك حضرتك شرق ليا يا استاذ عادل ولو فيه اى خطأ ارجو تعديله منك يا كبير

[استشارى نافع]

مجهود كبير منك اخى / احمد
وشرح والى اروع بدل الكلام الكتير والهراى
تحياتى لك

[alaa_hor]

الله عليك شرح ولا ارروع تحياتى لك

[م/احمدمبروك]

المشاركة الأصلية كتبت بواسطة استشارى نافع

مجهود كبير منك اخى / احمد
وشرح والى اروع بدل الكلام الكتير والهراى
تحياتى لك

شكرا يا استاذ اسامة ياغالى

[figo53]

شرح اكثر من رائع يا بشمهندس احمد معظم الناس محتاجه تعرف فعلا الموضوع ده

[elbaz_msh]

تسلم يا غالى على الشرح الجميل

[فني تركيبات]

تسلم الانامل الذهبيه استاذ احمد
موضوع منسق ومميــــز وبه جهد منك
مثبت لفتره الاستفاده

[م/احمدمبروك]

شكرا يا استاذ ابراهيم على هذه الثقة الغالية والفضل لله ثم لحضراتكم

[جـــــــو سات]

معلمممممممممممممم
واستتتتتتتتتتتتتتتتاذ

[nasr342]

تسلم ايدك

[حمادة حسين]

شرح اكتر من رائع وموضوع جميل
ومبروك تثبيت الموضوع
واذا كان الترسين البوروز بتاعهم قصد بعض وهو مقفول كده الوضع الافضل لان كده الماتور بيوصل للحد الاقصى له فى الشرق بسهولة