[م/محمد إبراهيم]

انا ظبطت الطبق والبولار على 30 شرق حسب فيديوهات الاستاذ ابراهيم ابوافنان والاستاذ احمد جمال لضبط المدار

جزاهم الله خيرا

ودى اول مرة اجرب طبق 180 وجاب اشارة97% .
المشكلة انى كل لما احاول اربط مسامير البولار او مسامير الميزان الاشارة تروح وارجع تانى افك كل المسامير للأخر لان البولار تقيل فى حركته الرأسية والافقية واظبط الاشارة تانى تحصل نفس المشكلة عند ربط المسامير.
انا ارفقت صور للطبق والبولار وهو على 30 شرق تشوفو الغلط فين .
وللعلم وانا بركب البولار على ماسورة الاستاند دقيت علية بالشكوش لتحت وفضلت انزل فيه لغاية ماجاب اخر ومعرفش دة صح ولا المفروض ارفعة شوية .
وكمان لاحظت انى لما بجيب اعلى اشارة لعرب سات 30 بكون رافع وش الطبق لاخر مداة ومبيرضاش يرفع اكتر من كدا.
فين الغلط ؟ وهل المفروض انى مفكش مسامير البولا والميزان للاخر قبل ماظبط لانى لاحظت فى الفيديوهات ان الاستاذ ابراهيم والاستاذ احمد انهم مجرد مابيجيبو اشارة العربسات بيسيبو الطبق خالص ويربطو المسامير وعندى العكس لازم افضل مثبت الطبق بايديا الاتنين وحد تانى يربط
اسف جدا على الاطاله وردودكم هى اللى هتحدد انى احاول مرة تانيه او لأ

ودى صورة البولار من الداخل مع الماسورة

[فني تركيبات]

بالنسبه لى انا فى الفيديو علشان كنت لوحدى
وبالتالى كنت بربط مسمار الميزان بحيث الطبق لايتحرك للغرب او الشرق
وبالنسبه لك انت
ماتفكش مسامير البولار للاخر يعنى على خفيف بحيث يمكنك تحريكه للغرب او الشرق
وهذا لانك عندما تستقبل اشاره عرب سات 30 وتيجى تربط مسامير البولار
هنا البولار يتحرك منك بكل سهوله لانك فكيته للاخر والاشاره تروح

[م/محمد إبراهيم]

جزاك الله خيرا يا استاذ ابراهيم .
طيب وبالنسبة لوضعية البولار على الماسورة تمام ولا محتاج ارفعة لفوق شوية ؟ وفى حاجة نسيت اقولها انى وانا جايب اشارة على عرب سات رحت للنايل سات على تردد 11747 لقيت اشارة لكن مفيش قنوات بتفتح

[المهندس/احمد جمال]

بص مش شرط انك تكون على عرب سات 30 بالملى ممن تنحرف عنه يمين او شمال ملى علشان تلقط مدارك بس عرب سات 30 لان نصف القوس عليه ولتقريب وضعيه اتجاه بولار

[المهندس/احمد جمال]

راجعت على قاعده طبق من جميع الاتجاهات موزونه صح راجعت على بؤره طبق صح لانهم لازم تراجع عليهم لضبط مدارك بسهوله

[المهندس/احمد جمال]

اتأكد قبل ضبط مدار ان طبقك مش مفتول

[م/محمد إبراهيم]

ماسورة الاستاند كانت مش موزونه وكانت فارقه3 سم وكان عليها طبقى القديم نوكيا عمران الله يسامح اللى كان مركبه .
خلعتها ووزنتها بالظبط بميزان ميه قبل تركيب الطبق .
والطبق كان راكب عند صاحبة ومتظبط تمام وفكة وانا اخدته عندى وشكله كما بالصور.
وكلمة حق لولا الفيديوهات لحضراتكم مكنتش هتجرأ واجرب بنفسى
جزاكم الله خيرا

[المهندس/احمد جمال]

بص العمليه سهله بص عايزه صبر ركب ماسوره طويله مكان قطعه بنفس تخانه القطعه وشوف ماسوره متوجه للقطعه ولا هرفعلك صوره

[المهندس/احمد جمال]

معلش على غلط اخر ماسوره متوجه للبؤره ولا

[المهندس/احمد جمال]

مركز تحميل الصور

[م/محمد إبراهيم]

تماام يا استاذ احمد اعمل محاولة تانية وهتمم على البؤرة بماسورة وان شاء الله تكون مظبوطة لانها جابت اشارة97%
وبالفعل الموضوع عايز صبر لكن اكتر من كدا ايه انا امبارح حاولت مع مسامير البولار بعد ماجبت اشارة العرب سات من بعد صلاة العصر لبعد صلاة العشاء بساعة لما ضهرى اتقطم من سندة الطبق والبرد واكيد الجيران كانو بيقولو دا مجنون ولا ايه
بس نحاول تانى وتالت

[المهندس/احمد جمال]

بأذن الله هيضبط لما تلاقى اقمار شرق ضعيفه لف بولار ملى ناحيه اقمار شرق اما تلاقى اقمار غرب ضعيفه لف بولار ملى ناحيه اقمار غرب

[فني تركيبات]

المشاركة الأصلية كتبت بواسطة 00ahmedgamal

بأذن الله هيضبط لما تلاقى اقمار شرق ضعيفه لف بولار ملى ناحيه اقمار شرق اما تلاقى اقمار غرب ضعيفه لف بولار ملى ناحيه اقمار غرب

تسلم للمتابعه ياابوحميد

[المهندس/احمد جمال]

المشاركة الأصلية كتبت بواسطة ابوافنان

تسلم للمتابعه ياابوحميد

استاذنا ومعلمنا استاذ ابراهيم جمعه ابو افنان كل من خيرك

[فني تركيبات]

المشاركة الأصلية كتبت بواسطة 00ahmedgamal

كل من خيرك

كله من فضل الله
وليس منى ياابوحميد
الكل يسعى ليتعلم ويستفاد ويفيد
كلنا مازلنا نتعلم
والعلم لايقف على شخص