[محمدخيرى]

الجزء الاول من شرح قوائم العملاق Truman Premier 1 Plus اهداء لاعضاء المنتدي الكرام من الاستاذcrackegypt

السلام عليكم ورحمة الله وبركاتة
الجزء الاول من شرح قوائم العملاق Truman Premier 1 Plus
جزء تعديل القنوات (channel)
من الريموت كونترول اضغط menu
ستظهر لك هذه القائمة

من الريموت كنترول اضغط ok علي الخيار الاول channel
ستدخل الي هذه القائمة

الخيار الاول بالقائمة organizing channel
هو لترتيب و التعديل في القنوات مثل نقل او مسح او اعاده تسمية او اغلاق
الخيار الثاني organizing favourites
وهو لتعديل قوائم المفضلات والخالمفضلات دي بقي للناس البتحب ان تقوم بعمل ترتيب لقنوات معينة مع بعض زي الاخبار مع بعض و الافلام مع بعض وهكذا
الخيار الثالث organizing timer
ودي بقي ميزه مهمة جدا في جهاز ترومان الجديد تجعلة جهاز ذكي جدا الخيار ده من خلالة هتختار قناه وهتختار منها برنامج محدد او وقت محدد لتسجيل منها ووقت محدد لانهاء التسجيل
وليكم شرح وافي كافي لكل قائمة علي حده
أ - organizing channel
دي شكل القائمة

تابع الارقام المكتوبة بالارقام التي بالصورة
1- نقل قناه
في خاصية في ترومان جميلة جدا وهي موجوده بترومان من زمان انا عن نفسي اول ما شوفتها شوفتها بترومان 1000
الخاصية دي بقي انك ممكن تنقل اكثر من قناه مع بعض بس السؤال ازااااااي
بزر ok من الريموت علم علي القنوات المراد نقلها وبزر تعلية الصوت بجانب زر ok هتتنقل للخيارات الجانبية واول الخيارات هي نقل القنوات اضغط okوابدا بنقل القنوات من الاسهم فوق او تحت وبكده تنقل القنوات
2 - غلق قناه
الخيار ده بقي لاغلاق قنوات معينة لا تريد غيرك ان يشاهد محتواهاوبرده ممكن تغلق اكثر قناه مع بعض والطريقة زي طريقة النقل بس اختار القفل
3 - مسح قناه
الخيار ده بقي لو انت عايز تمسح قناه معينه وبرده ممكن تمسح اكثر من قناه مع بعض وبرده بنفس الطريقة بتاعة نقل القنوات بس اختار الحذف
4 - اعاده التسمية
و الخيار ده بقي لو حدرتك مش عاجبك اسم قناه وعايز تغير اسمها هتفف علي القناه الهيتغير اسمها ومن الريموت هتحول بزر الصوت الايمن واختار اعاده تسمية واضغط ok هتظهر لك لوحه مفاتيح لكتابة الاسم الجديد اكتب الاسم واضغط احمر كده مبروك الاسم اتغير
5 - تجاهل
و الخيار ده بقي لو حضرتك عندك قناه ومش عايز تقفلها وكمان مش عايز تمسحها الخيار ده هيعملها تجاهل بمعني انك لو اختارت قناه واستعملت لها الخيار ده وانت بتقلب مش هتبان ممن الاخر كانك اخفتها طب واو عايز تظهرها هتعمل اية هتدخل لقائمة تعديل القنوات هتلاقي القناه المخفية اقف عليها ومن نفس الايقونة رقم 5 اعمل ok هتظهر تاني
6 - الزر ده هتلاقية في الريموت كنترول باسم info وده بقي هيديك معلومات كاملة عن القناه زي التردد و القمر و الباقة وهكذا
7 - والزر ده هتلاقية في الريموت باسم find
ودي بقي عبقرية ترومان الجديد لو انت عمال بترتب قنوات ومش لاقي قناه معينة وعايز ترتبه ضمن قنوات معينة وحضرتك عارف اسمه وانت داخل قائمة الترتيب وفي عز الترتيب مش هتخر من القائمة ولا حاجه هتضغط الزر ده هيفتح ليك خيار البحث اكتب او حرف او تاني حرف او كل اسم القناه هتلاقيها ظهرت اضغط نفس الزرار بتاع البحث هتتنقل للقناه اضغط ok هتلاقي نفسك علي القناه في قائمة الترتيب ودي بقي ميزه تمام التمام
8 - خيارات
اضغط الزر الاخضر لتظهر هذه القائمة

اتبع بقي ارقام الصور
1- اختيار جميع القنوات
2-الغاء اختيار القنوات
3-الخيار ده بيعكس الاختيار يعني لو انت مختار عشر قنوات بس واخترت الخيار ده هيلغي الاختيار بتاع العشر القنوات ويختار كل القنوات معدا العشر قنوات
4-ده بقي لاختيار قنوات تردد معين
5-ده لاختيار قنوات باقة معينة
6- لاختيار قنوات قمر معين
كده خلصت شرح الزر الاخضر زر الخيارات

9 - الزر الاحمر ده زر المجموعات
ودي شكل خياراته

تابع الارقام هتعرف الشرح
1- جميع القنوات
2-القنوات المفضلة
3-الاقمار كل قمر وقنواتة
4-ترتيب ابجدي للقنوات
5-ترتيب القنوات بالباقات او مقدمي الخدمة
6-ترتيب القنوات بنظام التشفير
7-ترتيب قنوات hd
كده خلصنا شرح اول اختيار بقائمة channel وهو organizing channel
الاختيار الثاني organizing favourites
ودي شكل القائمة

تابع الارقام التي بالصور مع الشرح
1-لنقل قناه للمفضلة
2-لالغاء قناه من المفضلة
3-لتعديل ترتيب قنوات المفضلة
4-تعديل اسم الباقة المفضلة من fav 1الي اي اسم تريد مثلا الاخبار
5-زر info مشروح بالاعلي
6-زر findمشروح بالاعلي
7-الزر الاخضر مشروح بالاعلي
8-الزر الاحمر مشروح بالاعلي
كده شرحت الخيار الثاني في قائمة channel وهو organizing favourites
الخيار الثالث و الاخير بقائمة channel وهو organizing timer
ودي شكل القائمة

وهي هتكون فاضية مفيهاش اي حاجه مش زي دي
تابع الشرح بالارقام
1- مسلسل
2- اسم القناه الهتسجل منها
4- تاريخ بدء التسجيل
5- تاريخ الاضافة
6- وقت انتهاء التسجيل
7- سرعة التسجيل
8- نوع القناه الهتسجل منها اذا كانت قناه او راديو
9- حذف مهمة تسجيل مضافة لتفعيلة اضغط احمر
10- تعديل مهمة مضافة زي تعديل وقت التسجيل او سرعة التسجيل او غيرة لتفعيلة اضغط اخضر
11- وده بقي لاضافة قناة للتسجيل وده الحضرتك هتضغط علية لتفعيلة اضغط اصفر
هتظهر القائمة دي

تابع الارقام
1- مسلسل وده لو عندك اكثر من مهمة تسجيل فهيرتب تلقائي ملناش علاقة بالرقم ده
2-اسم القناه الهتسجل منها ولو ضغط ok هتجيلك قائمة القنوات علشان تختار القناه الهتسجل منها
3- ودي بقي اسم الفيلم الهتسجلة او اسم البرنامج ده لو كانت القناه مفعلة خاصية الدليل الالكتروني ولو مش متفعلة مش هتلاقي حاجة مكتوبة
4-تاريخ يوم بدء التسجيل وترتبية يوم / شهر /سنة
5-وقت بدء التسجيل دقائق /ساعات
6-تاريخ يوم انتهاء التسجيل
7-وقت انتهاء التسجيل
8- سرعة التسجيل وخليها زي ما هي علشان يبقي التسجيل بالسرعه الطبيعية
9- حرك بالسهم يمين او يسار لحد ما يجي الخيار الذي بالصورة وده معناه انة هيسجل علي الفلاشة الخارجية او الهارد الخارجي
وبكده اكون خلصت الجزء الاول من الشرح وهو شرح قائمة channel

[خالد سرية]

الله ينور عليك شرح رائع وجميل

[طارق صلاح]

عمل اكثر من رائع ياغالى
مثبت

[hassn150]

الله ينور عليك شرح رائع وجميل

[dream26]

هههههههههههههه شكلك انت اللى اخدت قاعدة البيانات بتاعت الموقع

دور عندك كده ملف قنوات لابو حسيبة عليه تردد قناة دهوك

[shamsawy]

مشكوووووووووووووووووووور ياغالي

[فريد هاشم]

شكراااااااااااااااااااااااااااااااااااااااااااا يامحترم

[اشرف55]

مشكوووووووووووووووووووور ياغالي

-----------------------

[ahmedazab]

بارك الله لنا فيك .

[خالد99]

مشكووووووووووووووووووووور ياغالى

[على محمد على]

بارك الله فيك

[ayman agwa]

ممتاز بارك الله فيك

[ابواياد عبدالله]

بارك الله فيك

[Abo-Amr]

ليه الصور مش ظاهرة فى الشرح ؟

[samr386]

الله ينور عليك شرح رائع وجميل