[نديم11]

السلام عليكم ورحمة الله وبركاته

السادة الخبراء

ما رئيكم فى ضبط الطبق بريسفر استرا 9500
وعندى غيره
بريمر 900 صينى
وعندى كيوماكس الجولد فرجن2
وكيوماكس H3 العادى

ما هو افضل جهاز فيهم للضبط

جزاكم الله خيرا

[عادل عامر]

الاتش 3 العادى جربتة كان كويس جدا فى الضبط

[نديم11]

بارك الله فيك استاذ عادل
وجزاك الله خيرا

[فني تركيبات]

لو تقصد الاسترا 9500 بتاع زمان
يبقى ترمى باقى الاجهزه وتشتغل بالاسترا

[عمده]

المشاركة الأصلية كتبت بواسطة ابوافنان

لو تقصد الاسترا 9500 بتاع زمان
يبقى ترمى باقى الاجهزه وتشتغل بالاسترا

[نديم11]

ايوه يا غالى
ستارسات 200 بلص نفس سوفت استرا9500

بس اجود من الاسترا شوية

ودى صورته

[فني تركيبات]

المشاركة الأصلية كتبت بواسطة نديم11

ايوه يا غالى
ستارسات 200 بلص نفس سوفت استرا9500

بس اجود من الاسترا شوية

ودى صورته

افضل جهاز فى ضبط الاشاره
هو والهيوماكس 5400 العجوز

[نديم11]

الله يطمنك يا استاذ ابو افنان
حتخلينى اقوم دلوقتى جرى على السطح
جزاك الله كل خير

[جوهركامل]

بصراحه الموضوع شيق وحبيت اشارك بكلمه اتمنى تكون مفيده

3اجهزه كنت افضل ضبط المتحرك بيهم

الهيوماكس5400واخواته
والاسترا9500هارد200خاصة
والاريون القديم جميع موديلاته

يمكن على رأسهم الهيوماكس5400
لعدةاسباب
الجهازده بيعلم الفنى الحركه بدقه والاحساس على الطبق
لأن ممكن تكون على القمروفى اشاره والريسفربيجمعها
مجردحركةايدك وتخطيت القمرلن يقرأاشاره
لذلك التعامل معاه بتأنى اوبدقه فى حركة الطبق وقت التظبيط
وده شئ مطلوب التأنى والدقه عامةفى التعامل مع ضبط الطبق
بخلاف انه دقيق وحساس فى الاشاره وووو

الاسترا9500القديم هارد200
طبعاممتازواشتغلت بيه كتير
لكن كان فى مشكله كانت بتواجهنى معاه قديعلمهاالبعض اولايعرفهاالبعض
مع ممارستى للتظبيط بهذاالجهازاكتشفت لماكنت بظبط على العرب سات والنايل
بالتردد11747على القمريين
كنت ببدأ بألتقاط أشارةالعرب سات
لماكنت انزل على النايل سات بنفس الترددممكن يكون المدارمظبوط
ولكن الريسفرلن يرى اشارةالنايل سات كان لازم اعمل خروج وادخل تانى على الاشاره
الحركه ده كان بيعملهاريسفرالاسترابعض الاوقات وليس بصفه مستديمه
لدرجة ان كنت برسترالريسيفروالمداراصلاشغال

الاريون القديم واخواته
من مميزاته انه لوحس بالاشاره على اى قمربيلقطها على طول
وصوت الصفاره الى كان بيعملهاوقت الحصول على اشاره فى اذنى الى الان

وكلمه كان دايمايقولهاالفنيين المميزيين
الفنى الماهربيظبط الطبق على اى ريسيفر
الحقيقه الكلام ده مش فى كل الاوقات
هى الفكره ان كل فنى تعرف على التعامل مع نوع ريسيفرما
اوبمعنى اخرحفظ الريسيفرهيسهل معاه التظبيط
تحياتى

[عاصفة الصحراء]

انا افضل الصينى

[نديم11]

بارك الله فيك استاذ جوهر
كلامك سليم 100%
وفعلا ده حصل معايه شخصيا بالاسترا9500
لكنه افضل من غيره بس عايز طولة بال
نورت الموضوع ياغالى

[نديم11]

المشاركة الأصلية كتبت بواسطة عاصفة الصحراء

انا افضل الصينى

الصينى كويس
لكن حركة الاشاره فيه سريعه جدا