[allam125]

بعد ازنكم طريقه وضع ***** cccam بالاوسكام
لما بفتح dcc بلاقى امتدادات كتير اوى عاوز الملف اللي هاعدل عليه واحط بياناتى

[james_love_3]

[james_love_3]

ومبروك اتصال ال DCC بالريسيفر
شغال على صورة ايه دلوقتي استاذي ؟

[allam125]

الله يبارك فيك اخى
james_love_3
بجد مجهودك كبير فى الرد على استفسارات الاعضاء
بارك الله فيك دا اولا
ثانيا انا شغال بنسخه hdmu بس ساعات بحس بتقل فى النسخه
والسيرفر مبيشتغلش كويس تقطيع على طول وساعات بيقف نهائى مش عارف ايه السبب مع انى مجربه على الرسيفر التانى مبقطعش نهائى
ثالثا بقه عاوزك تدلنى على نسخه انت تكون مجربها او اللى انت شغال بيها حاليا تكون كويسه وشغاله كويس فى ******* من غير تقطيع

[james_love_3]

مشكله ******* الايمو على ما اعتقد
استخدم Ncam ممتاز عن تجربه
اخر اصدار معدل من الايمو الرائع لاجهزه سبارك Ncam 1.4_sh4
بالنسبة للنسخه لو شغال على الفلاشه الداخليه للريسيفر متتضيفش بلجنزات واسكينزات مش بتستخدمها عشان متتقلش وفيه بلجن بيعمل كلين تنظيف للملفات المؤقته فبيديك مساحه فى الرامات اسمه Clear memory
انا بستخدم OpenPLI 5 فلاشه خارجية

[allam125]

شكرا اخى james_love_3
ياريت اتشرف بقه باسم حضرتك بدل منا عمال اناديك ب
james
انا بالفعل شغلته واشتغل تمام الف شكر
سوال تانى بعد ازنك انا لما بنزل اى صوره بيكون فيها مفضله بس باقى الترددات والقنوات بتكون قديمه ممكن اعمل بحث شبكى جديد وبعد ميخلص انزل مفضله ولو ينفع ياريت الطريقه بالتفصيل

[james_love_3]

(محمد)
الشرف لينا استاذي
للاسف مليش خبرة فى المفضلات انا بعمل بحث وبمسح قنوات النايل الى مبتفرجش عليها وباقي الاقمار بسيب القنوات مترتبه ابجدي وبجيب القناة الى عاوزها فمحبش الترتيب ولا المفضلات بس ممكن تعمل موضوع منفصل واي حد عنده معلومك اكيد هيفيد حضرتك ان شاء الله

[allam125]

الشرف ليا يامحمد
بعد ازنك يامحمد انا حاولت انى انزل صور على فلاشه خارجيه بس للاسف واجهتنى بعض المشاكل وانا شرحتها فلى موضوع الاستاذ معاذ
ياريت بعد ازنك تقولى انت نزلتها ازاى وبتسخدم فلاشه نوعها ايه وفرمتها بايه لان استاذ معاذ قال ان العيب ممكن يكون فى برنامج الفورمات
ياريت تقولى بتعملها ازاى وهل واجهتك مشاكل

[james_love_3]

انا بستخدم كيجستون 8 جيجا
بالنسبه للفورمات برنامج Creatmini من على الويندوز وبعدين بتفرمت تاني ببرنامج J00 وهتلاقي النسخه نزلت ان شاء الله

[allam125]

انا بستخدم كنج ستون 16
بتفرمت تانى ب J00 ازاى
مش موجوده فى الشرح الحته دى
؟؟؟؟؟

[james_love_3]

لأ موجوده هو الاستاذ معاذ نسيها فى اول الشرح وبعدين فى التعليقات ذكرها ووضع صورة ليها

[james_love_3]

الفلاشة لما حضرتك بتفرمتها على الكومبيوتر بتبقي امتداد EXT 2 وحضرتك لازم تبقي EXT 3 عشان البرنامج يستخدمها وكمان اسرع فى الاستخدام مع لينكس والبرنامج الى على الويندوز مبيفرمتش غير Fat32 و EXT 2 فلما تستخدم البرنامج هتبقي الفلاشه على وضعيه EXt 2 سيادتك هتختار EXT 3 وتدوس تاني فورمات من البرنامج الى حضرتك هتفك بيه النسخه على الفلاشه

[james_love_3]

ده لينك توضيح الاستاذ معاذ هتلاقيه فى الموضوع
http://masrawysat.com/vb/showpost.ph...3&postcount=15

حضرتك بعد ما تحدد EXT 3 اضغط فورمات وانتظر لحد ما يكتبلك تحت زي الى عند السهم الى تحت كده لأنه بياخد وقت شويه حسب مساحة الفلاشه

[allam125]

انا دلوقتى بجرب فلاشه تانيه ويامسهل
ممكن تخليك ثوانى بس على ماجربها ونشوف
بجد الف شكر ليك

[james_love_3]

تحت امرك مع حضرتك