[moataz22]

بعد استعمالى مدة للجهاز فاقدر اقول ان ليه مميزات وليه عيوب
المواصفات
1/ الجهاز يعمل بنظام الاندرويد 4.2.2
2/بروسيسور ثنائى النواة 1.51 GHz
3/رامات 770 MB
4/مساحة داخلية 1.89 جيجا المتاح منها 1.26 جيجا
5/ كارت لان داخلى واير ليس داخلى 3 يو اس بي مكان لكارت الذاكرة
6/ ***** فانيلا سنة ***** ip tv سنة

مميزاته من وجهة نظرى
الاندرويد بيشغل جميع انواع الفيديوهات وبنزل جميع البرامج اللى بتشتغل على الموبايل اللى طبعا فى تصنيفه الفئة السعرية الاقل
الجهاز به ***** سنة فانيلا لما بيكون شغال شبه مبيقطعش بس غالبا مبيشتغلش
مش هتكلم عن ip tv لانه مازال فاشل لغاية ما يخترعو حاجة جديدة ليه
الصورة جودتها ممتازة وفرق رهيب بينها وبين الكيوماكس H6

عيوبه من وجهة نظرى
اندرويد قديم راماته قليلة بس ممكن التغاضى عنها باننا ننزل البرامج الترفيهية للفئة دى من الموبايلات لانك لازم تعامله كموبايل
بيسخن بعد فترة من الشغل بس احنا حر جدا دلوقت ومين مبيسخنش
تفعيل ******* دى المشكلة الاصعب كل ما تقفل او تفتح او ترستر لازم تروح تفعل ******* تدوس اصفر ثم اخضر ازرق ثم اخضر احمر ثم اصفر ثم اخضر دوس عليهم كلهم ادعى ربنا يتفعل مفيش تفعيل وفجاة يشتغل زى الفل لوحده تكون زهقت ونمت
الريموت سئ جدا بالنسبة لسعر ومواصفات الجهاز
مفيش شاشة عرض فيه ولا اى زرار نقفل ونفتح منه او نوطى ونعلى او نقلب القنوات كل اللى فيه لمبة خضرا لو طفيت الجهاز تبقا لونها احمر
ده تقييمى الشخصى للجهاز وعموما هو جهاز لطيف جدا ماعدا موضوع تفعيل *******

[albarc]

شكراً على التقيم

[moataz22]

المشاركة الأصلية كتبت بواسطة albarc

شكراً على التقيم

العفو albarc وياريت اصحاب الجهاز يساعدو بعض فيه اللى عنده مشكلة واللى جرب حاجة يشاركنا

[هنديه]

هل فيه أى تحويلات للجهاز وشكرااا