[كرم المرسى]

الطبق كان شغال معايا تمام من اول Telestar 15 W الى قمر ناس57 شرقا وكنت حطه على ماسوره طولها حوالى 95 سم ويجيب اكتر من كده بس البيت واطى عندى وفى بيوت جنبى اعلى منى... المهم قلت اجيب ماسوره عاليه وارفع الطبق عليها وبالفعل جبت ماسوره حوالى 2متر وصبتها وكله تمام وقلت قبل ما انصب الطبق احل منه الدراعات واروق عليه كده من الفتل والكلام ده رغم انه كان تمام بس قلت طلما حليته امشى عليه على بلاط واظبطه بالمره ..وبالفعل مشيت على اطرافه على بلاط وكله تمام وركبته تانى بنفس الدراعات والجلب وكله تمام بس فى حاجه ان بعد ما مشيت عليه على بلاط وظبطه وقبل ما اعلق فيه الدراعات جبت شاكوش صغير وخبطت خطبه صغيره على بوره الطبق وانا فى وش الطبق فى الحته الى متعلم عليها دى



وبعدين ركبت الدراعات وقفلت الطبق المهم المدار مش عاوز يظبط معايا خالص بيجيب معايا من النايل سات لحد الازرى 46 شرقا باشارات مش مرضيه.. وان جيبت اشاره ياها سات الاقى اقمار تحت فصلت زى الازرى والعرب سات وبعض الاقمار ..لفيت البولار شمال ويمين بردو بدون نتيجه.. عملت البولار زى ما كان الاول جاب معايا زى ما قلت لحضراتكم من النايل سات لحد الازرى باشارات مش مرضيه بردو ..عملت فى الطبق كل حاجه بردو مش جايب المدار كامل ومحدش يقلى المكان لان كان جايب معايا على ماسوره 95سم من النايل سات لحد قمر دهوك باشارات عاليه وتمام كل الى عملته انى جبت ماسوره 2متر وعملتها فى نفس المكان بعد ما مشيت على اطراف الطبق على بلاط وخبطت خبطه صغيره على بؤره الطبق وانا فى وش الطبق ومن ساعتها مش عاوز يجيب المدار كامل بيجيب زى ما قلت لحضراتكم من اول النايل سات لحد الازرى باشارات مش مرضيه.. حتى لفه الاقط مش فى وضعها الطبيعى ولو عملهتا فى وضعها الطبيعى الاشاره بتقل فهل المشكله دى من الخبطه الى خبطها على بؤره الطبق وبكده الدراعات هتعوز تقصر شويه ولا ايه المشكله بالظبط ارجو التوضيح واسف للاطاله وتعب حضراتكم وعلى فكره انا فنى تركيب محترف وديما اكتر شغلى اطباق متحركه ..مش عارف بقا ايه الى فى الطبق بتاعى

[كرم المرسى]

وده الطبق بتاعى بعد تركيبه على الماسوره الكبيره





ودى صوره لو ضعيه اللاقط حاليا وزى مانتم شايفين اللاقط فى مايل لو ضعه الطبيعى لو عملته لوضعه الطبيعى الاشاره بتقل خالص

[عادل عامر]

اول حاجة لازم تكون وزنت القاعدة من الاربع اجناب ومن الاعلى بميزان مياة

وتانى حاجة ضبط القطعة فى البؤرة صح قبل ما تظبط مكان البولار

[كرم المرسى]

المشاركة الأصلية كتبت بواسطة عادل عامر

اول حاجة لازم تكون وزنت القاعدة من الاربع اجناب ومن الاعلى بميزان مياة

وتانى حاجة ضبط القطعة فى البؤرة صح قبل ما تظبط مكان البولار

عملت كل حاجه والله يا عم عادى ..مش ممكن يكون من الخبطه الى عملتها فى بؤره الطبق بالشاكوش وبكده الدراعات ممكن تحتاج تقصر شويه

[gamsdh]

اخي اقلب الفلانشة بتاعة العدسه وبكده تكون نزلت الكام ملي بتوع الخبط بالشكوش
في جزء معلم بالاحمر خليه من تحت هيديك براح افضل

[titowebass]

اتفق معاك اخي ان الفلانشه تتقلب وتبقى لتحت حصلت معايه عن تجربه في طبق 160