[Ahmed_asaad]

السلام عليكم
اواجة مشكله غريبه يا جماعة الهواء عندى قوى جدا والعمارة مرتفعه
بعد ما بربط الطبق تمام كام يوم كدة والاشارة تبوظ بسبب ان الطبق اتحرك حاجه بسيطة بالرغم انى رابطه تمام جدا اكثر من كدة الحديدة بتاعت الربط هتتفرد و تبوظ
ارجو من حضراتكم اقتراح حل لى

[Sabryferoon]

املا القاعدة اللى فى الارض اسمنت و جبس و اربط طبقك كويس

و بكدة الريح مش هيبقا فيه مشكلة

[Ahmed_asaad]

المشاركة الأصلية كتبت بواسطة Sabryferoon

املا القاعدة اللى فى الارض اسمنت و جبس و اربط طبقك كويس

و بكدة الريح مش هيبقا فيه مشكلة

القاعدة تمام جدا المشكله ان الطبق بيلف من الهواء

[Ahmed_asaad]

حد من الخبراء يا جماعه لو سمحتو يقترح عليا حل

[محمودماهر]

الراجل قالك الحل املاء الماسورة من جوه بالجبس والاسمنت علشان لما تيجى تربط جامد الماسوره ماتتفعصش والطبق يمسك كويس

[حسن اشرف حس]

مممن تعمل حاجا انك تجبس دقن الطبق في الجبس والاسمنت ومهما يجي الهواء انسي ان الطبق يتحرك هيكون لازق في الارض يعني بعد لما تظبط الاشارة وتربط الطبق حط جبس واسمنت علي دقن الطبق علشان يلزق في الارض ملحوظة صعب جدا فك الطبق تاني لظبط اي قمر تحياتي لك

[moneim67]

المشاركة الأصلية كتبت بواسطة Ahmed_asaad

السلام عليكم
اواجة مشكله غريبه يا جماعة الهواء عندى قوى جدا والعمارة مرتفعه
بعد ما بربط الطبق تمام كام يوم كدة والاشارة تبوظ بسبب ان الطبق اتحرك حاجه بسيطة بالرغم انى رابطه تمام جدا اكثر من كدة الحديدة بتاعت الربط هتتفرد و تبوظ
ارجو من حضراتكم اقتراح حل لى

السلام عليكم
حاول اخى ترفع صوره للطبق ومكانه
ان امكن خلى الطبق خلفه حائط للتقليل من تأثير الهواء
تحياتى

[طلعت محمد]

ممكن تعمل حاجز خشبى او ماشابه ذلك

[Sabryferoon]

المشاركة الأصلية كتبت بواسطة محمودماهر

الراجل قالك الحل املاء الماسورة من جوه بالجبس والاسمنت علشان لما تيجى تربط جامد الماسوره ماتتفعصش والطبق يمسك كويس

[waleed omar]

ان لم تفلح الطريقة التى نوهه عنها الاخوة غير مكان الطبق فى جزء خالى من الهواء
وليكن فى ركن السطح البعيد عن تيارات الهواء المباشرة

[camryh]

لو طبقك ثابت حط تخشينه تحت دقن الطبق زى قالب طوب و رمل وخشب وكرتون لغاية مايثبت .

[Ahmed_asaad]

والله انا متشكر جدا لحضراتكم على اقتراحتكم دى هنفز ان شاء الله موضوع دقن الطبق دة فكرة جميله فعلا بس المشكله ف شركه برفكس بدل ما كانت بتدى قفيزين للطبق بقت تدى قفيز واحد بس

[Sabryferoon]

المشاركة الأصلية كتبت بواسطة Ahmed_asaad

والله انا متشكر جدا لحضراتكم على اقتراحتكم دى هنفز ان شاء الله موضوع دقن الطبق دة فكرة جميله فعلا بس المشكله ف شركه برفكس بدل ما كانت بتدى قفيزين للطبق بقت تدى قفيز واحد بس

[Sabryferoon]

من كلامك كدة عندك طبق بريفكس 85 سم او متر

لية تبوظة و تدفنه

املا القاعدة و اربط الطبق كويس

او شوف ذاوية حط فيها الطبق

للعلم انا فنى على قده كدة

[Ahmed_asaad]

والله القاعدة مملؤة على الاخر الفكرة ان الهواء جامد اوى والقمر هسبا ف حاطة على الحرف و مفيش حاجه قدامة و الطبق متر ومش جى معاة الا قفيز واحد بس ف مقدميش الا انى اجبس دقنه لان دة هيكتفه ولا ايه رايك