بالفيديو لضبط الطبق تشغيل رسيفر مينى 12 فولت و شاشه صغيره 12 فولت بدون الحاجه لوصلة كهربا او حتى بطاريات

shekomando · #1 2017/04/23, 07:40 AM

تشغيل رسيفر مينى 12 فولت و شاشه صغيره 12 فولت بدون الحاجه لوصلة كهربا او حتى بطاريات
=====================================
الفكره بتعتمد على ان مصدر التيار حيكون هو سلك الإشاره الخارج من الرسيفر بس لازم ناخد بالنا من التالى
1- ضبط جهاز الرسيفر على خرج 13 فولت من الرسيفر لتغذية الرسيفر المينى و الشاشه ﻷن الوضع الافتراضى بيخرج 18 فولت
2-لازم معرفة قطبية سلك الاشاره بصفه عامه النحاسه فى الوسط هي القطب الموجب و السلك الشعر هو القطب السالب
لازم معرفة قطبية الجاك اللى حنستخدمه بدل الادابتور للشاشه و الرسيفر و غالبا السلك الاحمر هو الموجب و الاسود هو السالب لو حتتلغبط خدهم لكهربائى و خليه يحدد لك القطبيه و الزق لزق على السلك و اكتب عليه قطبيته موجب او سالب لاحظ لازم الجاك يكون نفس جاك الادابتور اللى جاي مع الشاشه او الرسيفر الجاك بيتباع جاهز بدل ما تقص بتاع الادابتور
3- حتوصل سلك الاشاره بالرسيفر الاول اللى حناخد منه التيار بعد ما نظبط خرج lnb على 13 فولت و حتسيب الطرف التانى النحاس و الشعر بتبرمه على بعضه و تعزلهم عن بعض كده فيهم تيار 13 فولت النحاسه موجب حتوصل بيه الطرف الموجب لجاك الرسيفر المينى و الطرف الموجب لجاك الشاشه ال 12 فولت و الشعر الفضى هو القطب السالب حتوصل بيه القطب السالب لجاك الرسيفر المينى و القطب السالب لجاك الشاشه المينى بعد التوصيل حيشتغل معاك الرسيفر
4- وصل الطبق و القطعه بالرسيفر المينى و ابدأ ظبط الطبق
=====================================
ارجو ان اكون قدرت اوصل الفكره

[YOUTUBE]Y7hdlZMVAWg[/YOUTUBE]
https://youtu.be/Y7hdlZMVAWg

alaa2003 · #2 2017/04/23, 08:25 AM

شكرا لاجتهادك اخى
ولكن اعتقد ان الفكرة لن تفلح مع معظم الريسيفرات بسبب ال current الخارج الى LNB
لان الامبير قليل 250 الى 350 ملي امبير تقريبا وهو غير قادر على تشغيل الريسيفر الميني و الذي سيحتاح لأمبير كافي لتغذية خرج الافقي و الرأسي

shekomando · #3 2017/04/23, 09:26 AM

التجربه فى الفيديو بواسطتى من جهاز h4 الكبير الى جهاز سكاي لاين مينى 222i و شاشه 3 بوصه و تم استقبال القنوات الافقيه و الرأسيه

الفارس الاوحد · #4 2017/04/23, 01:04 PM

اتكلمنا كتير فى الفكرة دى وبصراحة الريسفيرات المنى لن توصله التغذية وسوف يرستر الريسفير وممكن يتحرق كمان

shekomando · #5 2017/04/23, 01:20 PM

اقتباس:

المشاركة الأصلية كتبت بواسطة الفارس الاوحد

اتكلمنا كتير فى الفكرة دى وبصراحة الريسفيرات المنى لن توصله التغذية وسوف يرستر الريسفير وممكن يتحرق كمان

شغلته نص ساعه و كان شغال تمام و كمان معاه شاشه و متوصل بيه lnb بتبعد عنه 70 متر من الدور الاول لسطوح الدور 12

الفارس الاوحد · #6 2017/04/23, 01:29 PM

اقتباس:

المشاركة الأصلية كتبت بواسطة shekomando

شغلته نص ساعه و كان شغال تمام و كمان معاه شاشه و متوصل بيه lnb بتبعد عنه 70 متر من الدور الاول لسطوح الدور 12

على العموم هنجرب تانى وشكرا لمجهودك

المهندس/احمد جمال · #7 2017/04/23, 07:36 PM

13 فولت قطبيهvراسى
18 فولتقطبيه H افقى
تسلم على موضوع

محمد كنج · #8 2017/04/23, 08:00 PM

ياصحبى انا عندى شاشة 7 بوصه ورسيفر السكاى HD 555 وكابل كهرباء طول15 متر وبظبط بية زى الفل الطبق دش ومريح دماغى على الاخر

shekomando · #9 2017/04/24, 05:40 PM

اقتباس:

المشاركة الأصلية كتبت بواسطة 00ahmedgamal

13 فولت قطبيهvراسى
18 فولتقطبيه H افقى
تسلم على موضوع

تسلم يا أحمد

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ادبتر ريسيفر 12 فولت 1 امبير الفولتيات متذبذبة فى الحيز مابين ال10.5 فولت الى 11.5 فولت	م/طه	صيانة الريسيفر	4	2020/07/13 12:06 AM
رسيفر ghost v2 mini الرسيفر 12 فولت والزبون وصله 220 فولت هل ينفع تاني ارجو الرد	عصام النجار2	صيانة الريسيفر	4	2020/02/17 05:27 AM
● شرح مفصل بالصور لتوصيل ريسيفر يعمل بأدابتور (12 فولت) على بطاريه (12 فولت 7 أمبير) + ملف قنوات (32 قمر) كيوباند وسى باند لضبط الأقمار فقط	محمود احمد89	تركيبات الدش و الدش المركزي	129	2018/01/16 03:02 AM
ارجو منكم يا مصراويه تشغيل شاشه صغيره اللي بتركب في التوكتوك تشغيلها علي ريسفر لضبط الطبق	عبدالمهدي نوح	صيانة شاشات الكمبيوتر lcd	7	2017/02/15 01:48 PM
استفسار عن تشغيل رسيفر 12 فولت ببطاريه 6 فولت	مستر ابراهيم فوزى	صيانة الريسيفر	4	2016/05/26 04:21 PM