[جون باشا]

الاخوة الاعزاء الافاضل تحية لحضراتكم
مرفق صورة دايرة باور صيني اي سي الباور بتاعها مدمر ومش باينله اي كتابة ومرفق صورة دايرة باور صيني اخري تحمل نفس مخارج الففولتات هيا هيا وبالترتيب وهيا
3.3
ارضي
15+
21+
والسؤال هل ينفع اخد اي سي الباور اللي في البوردة التانية اركبه مكان ال اي سي المحروق

[محمدهارون]

اخي الكريم رقم اي سي البور المحرق هو thx203h

[جون باشا]

اخي الغالي
هل ينفع اي سي الباور اللي في الدايرة التانية يشتغل مكان الاي سي المحروق كبديل ولا لاء

[ابوسماللصيانه]

يا غالي غير الباور فهو متوافر بالاسواق

[جون باشا]

الفكرة ان الدايرة التانية محروقة وعايز استفيد من اي سي الباور اللي فيها
على اساس لو نفع خير وبركة
وهل حضرتك تقصد تغيير الاي سي ولا دايرة الباور كلها
ومعلش تاعبك معايا
والفكرة برضه ان المكان اللي بشتري منه بعيد جدافلو نفع الاي سي التاني يبقى خير وبركة بدل ما اغير دايرة كاملة او اروح اجيب اي سي جديد عشان كدة بسأل هينفع ولا لاء

[ابوسماللصيانه]

اقصد طالما الدائره تالفه يبقي الاي سي تالف
غير دائره الباور كلها

[ابوسماللصيانه]

اقصد طالما الدائره تالفه يبقي الاي سي تالف
غير دائره الباور كلها

[ابوسماللصيانه]

لو عايز تجرب الic شوف مداخل الفولت للاتنين لو شبه بعض بيقي شغال بدل ليه

[جون باشا]

شكرا جزيلا اخي الغالي انا جربت الدايرة كلها اللي كنت هاخد منها الاي سي طلعت شغالة
واشتغل بيها الرسيفر تمام بس كنت عايز اعرف مداخل الفولت للاي سي اعرفها ازاي عشان فيما بعد لو قابلتني نفس المشكلة وحبيت اغير اي سي اعرف مداخل الفولت ازاي
وشكرا لتعب حضرتك معاي

[samir fathy]

مبروك يا غالى

[جون باشا]

اخي الغالي حصلت مشكلة فظيعة بعد الجهاز ما اشتغل الدايرة قفشت وبقت بتطلع كهربة حية لدرجة ان جسم الرسيفر كهربني وطبعا الرسيفر مشتغلش وكل ما اقيس حتة في الدايرة الدايوتات حتى ورؤوس المكثفات بمفك التست تديني نور عالي يعني فيها كهربة جامدة وجسم الرسيفر كمان مكهرب . غيرت بدايرة تاني جديدة الجهاز اشتغل تمام يبقى كدة ايه الي حصل . علما بأن المشكلة دي حصلت لما وصلت على المفتاح لكن الاول لما كنت موصل على المباشر اشتغلت كويس بعد كدة فصلت المفتاح ووصلت مباشر برضه لقيت حكاية الكهربة دي فغيرتها بالدايرة الجديدة واشتغل بس عايز اعرف ايه اللي حصل ولو ينفع اصلحها عشان خسارة دايرتين في جهاز

[orzis]

للعلم فقط ينفع تنقل ic هو هو نفس الداتا شيت لاكن انا مش بفضل النقل افضل شيى الى انت عملتة لان فى الغالب بيكون فية مشكلة هى الى ضربت ic فتغير الدايرة بالكامل افضل بالنسبة للنوع دة من الدواير الصينى سيئة الصنع

[جون باشا]

طيب وبالنسبة للدايرة اللي قفشت ومطلعة كهربة حية دي حلها ايه

[ابوسماللصيانه]

يا غالي غير دائره الباور كلها فهي رخيصه ولا تتعب نفسك