[krdasa]

حصريا لمصراوى سات




حصريا ولاول مره فيديو تفصيلي لضبط زوايا الميل في اطباق البريفيكس وحل مشاكل اقمار الشرق والغرب
ارجو ان يستفيد الاخوا بالشرح

[YOUTUBE] https://www.youtube.com/watch?v=PvDgouLPke0 [/YOUTUBE]

[عبده نصر]

الفيديو لايعمل شكرا لك

[عاصفة الصحراء]

الفيديو مش شغال عندى

[krdasa]

https://www.youtube.com/watch?v=PvDgouLPke0

[krdasa]

انا مش عارف اضيف الفيديو ارجو التعديل من الادارة وشكرا

[احمد انور خضر]

[YOUTUBE]PvDgouLPke0[/YOUTUBE]

[جوهركامل]

تحياتى اخى كرداسه
صحيح اناامبارح رديت عليك بخصوص هذاالفيديو بكل حب وترحاب
نظرالان الحركه ده او الفكره كنابنعملهابالفعل بورده ولااتنين
ولكن
لى تعقيبين
اولا عنوان الموضوع ليس صحيح ان الفيديوتفصيلى لظبط زاويةالميل
لانه لايوجدبه اى احصائيه علميه
انمايوجدبه فكره اوبعض التحايلات اوالمناورات لضبط الطبق
اوتقدرتقول تطبق هذه الفكره نادرابطبق ماوليس كل الاطباق

ثانيا مش كل طبق هيقع فى ايديناهنديله ورده ولاتلاته عندمسماريين مثلث الارك
لاننا طول عمرنابنشتغل على الاطباق كماهى من المصنع وبنجيب الغرب للشرق
ده كماقلت لك تقدرتسميها تحايل اومناوره على الطبق مثل تنى الحواف
تنى الحواف اللى اناذكرتهابموضوع مسبق(احدالتحايل على الطبق لظهورترددضعيف)

اعزرنى اخى كرداسه كلامى ليس تقليل بك اوتقليل لصاحب الفيديو
كلامى حتى تضح الامور

[علاءدش101]

تحياتى لك اخى krdasa
بعد التحية لك ولصاحب الفيديوا
لى فى هذا الموضوع عدة ملاحظات
اولا حصرى يجب ان تكون انت صاحب الفيديوا
ثانيا حضرتك ذكرت فى الموضوع الاول انك بعد تطبيق الفيديوا بتاع الاخ المحترم
فى المشاركة رقم 76 انك وصلت الى قمر 93 شرقا فيجب ان يكون الفيديوا من على طبقك
ثالثا اين صاحب الفيديوا اهلا بيه للرد على اسئلة الاعضاء
رابعا منتدى مصراوى سات منتدى ينقل منه ولا ينقل اليه
تقبل تحياتى صديقى العزيز انت وصاحب الفيديوا الراجل المحترم

[ARAFAH]

طيب لو العكس حصل يعنى بعد عرب سات بتحتاج تعلى الطبق يبقى نعمل ايه

[المهندس/احمد جمال]

المشاركة الأصلية كتبت بواسطة ARAFAH

طيب لو العكس حصل يعنى بعد عرب سات بتحتاج تعلى الطبق يبقى نعمل ايه

اولا شكرا لصاحب الموضوع وفى بعض ملاحظات فى مشاركه ثانيه
مش شرط انك تضع الورد من هذا الجنب ممكن تضعها العكس يعنى الجهه المقابله لحرف Uيعنى ممكن تضع ورد بين حرف يو ومثلث الارك من الجهه الاخرى

[ARAFAH]

انا عندى الطبق على قمر استرا 19 لازم الطبق ينزل وعند قمر الياه سات لازم اعلى الطبق طيب كدة احت الورد فين باالظبط ياريت حد يفيدنى علما بان طبقى 240 بريفكس مسطح

[المهندس/احمد جمال]

اولاشكرا لك على توضيح موضوع مهم جدا

نجى نتكلم على الملاحظات فيديو او الاخطاء
لماذايتم وضع ورد فى هذه المنطقه او الجهه الاخرى لان
1- ميول طبق مش مضبوط على مدار زاويه ديكلاينشن
2- ضعف خامه المصنع منها حرف Uومع كثره ضبط اوعوامل مرور الزمن
- ايه اللى خلى صاحب الفيديو يحدد ان عدد الورد1-2-3-او100
على اى اساس ولماذ الورد من هذا الجانب ممكن تكون من الجانب الاخر
وهو لم يحدد عدد الورد بالقياس بالمنقله لان القياس هو اللى بيحدد المسافه
اللى مفرود نحدد مسافه دى عايزه كام ورده
واخيرا لكى يتم تطبيق صح نجيب الاحدثيات اولا
1- قياس بالمنقله ميل بولار
2- نقيس ميل الحله
نستنتج هنا زاويه ديكللانينشن

[المهندس/احمد جمال]

المشاركة الأصلية كتبت بواسطة ARAFAH

انا عندى الطبق على قمر استرا 19 لازم الطبق ينزل وعند قمر الياه سات لازم اعلى الطبق طيب كدة احت الورد فين باالظبط ياريت حد يفيدنى علما بان طبقى 240 بريفكس مسطح

بص يغالى اتبع قياس صح بالمنقله المدرجه وبعدها هتحتاج فقط لف بولار ملى يمين او شمال ومدارك بأذن الله هيكون مضبوط بس لازم تتأكد الاول خالى من المشاكل بؤره وجلب نحاس وفتل طبق كل دا عالجه الاول

[krdasa]

طبعا انا بحول اسهل على نفسى وعلى اى حد عندو مشكله فى زاويه الميل
طيب انا مش قاصد اغش الاعضاء
ولا انقل شي تافه
بكل الحب والشكر لكل الاداره والاعضاء انا اسف
ارجو غلق الموضوع وشكرا

[المهندس/احمد جمال]

المشاركة الأصلية كتبت بواسطة krdasa

طبعا انا بحول اسهل على نفسى وعلى اى حد عندو مشكله فى زاويه الميل
طيب انا مش قاصد اغش الاعضاء
ولا انقل شي تافه
بكل الحب والشكر لكل الاداره والاعضاء انا اسف
ارجو غلق الموضوع وشكرا

انتا لم تنقل شىء تافه بل حل مشكله مهمه جدا وهى حلت مشاكل كثير
من الاطباق بعد مايؤسو منها
ولاكن يجب علينا تحليل الجانب الخطأ منها وليها جانب ايجابى ايضا
وانا فى اول ردى شكرتك على توصيل المعلومه