[masmas8]

تليفزيون توشيبا ترنادوا 21 بوصه موديل 21f7xel الجهاز الطبيعي أنه لو مضبوط علي وضع AV يفتح عليه , لكن بيفتح علي RF ويفضل يقلب حوالي 6 أو 7 مرات قنوات RF وبعدها يثبت شكيت بالبرستات لدرجه أني شليتها كلها وشغلت الجهاز بدون أي برستات ولكن الوضع كما هوا , أشار أحد الزملاء في مشاركه علي مصراوي سات بفصل المقاومه رقم R272 المتصله مع الرجل رقم 30 في آيسي العمليات الرئيسي وفعلا أصبح بيشتغل علي قناه الفديو ولكن لمبه البيان بترعش كأن الجهاز مستقبل إشاره من الريموت أو البرستات وأنا خالع كل البرستات ولو دخلت أضبط الإضاءه أو الألوان أو التباين أو الحده كأني ضاغط علي برست خفض الصوت ويظل يقلل القيمه حتي الصفر أرجوا من أعضاء مصراوي سات الكرام توضيح باقي حل العطل أنا توصلت إلي نصف الحل وأرجوا المتابعه العاجله ولكم جزيل الشكر والإمتنان وإليكم بيانات الشاسيه الداخليه

آيسي العمليات الرئيسي
TDA11136ps/n3/3/ma3

آيسي البور
gcs7n60p

آيسي الفرتكال
d9302b

ترنزستوار اللاين
D5023

آيسي الصوت
TEA2025

آيسي الأبروم
KSB021

أرجوا المتابعه وجزاكم الله كل خير

[masmas8]

وإضافه كمان دلوقتي عمال يجيب القائمه وتختفي مع رعشه في الليد الأمامي والرعشه ليست عيب بور هوا نظام الترنادو كده أي إشاره من الريموت أو البرستات بيرعش في الليد الأمامي , أرجوا المتابعه وجزاكم الله كل خير

[حافظ السويد]

تاكد من المقاومةR211 قيمتها2.7 كيلو
وهي مرتبطة مع المقاومةR272

[masmas8]

أهلا وسهلا بيك يا بشمهندس حافظ
شكرا جزيلا علي الرد والمتابعه
قياس المقاومه R211 في حدود 2.4 كيلوا تقريبا
أرجوا المتابعه وجزاك الله كل خير

[حافظ السويد]

تاكد من المقاومةr004 والزنرd004 وهي مرتبطة مع المقاومةr272

[masmas8]

أسف جدا علي التأخير في الرد لأنقطاع الإنترنت
المقاومه r004 عباره عن سلك وليست مقاومه , والزنر d004 فعلا طلع تالف وبيقيس من الإتجاهين خارج الشاسيه ولكن نفس الوضع يا هندسه بمجرد الضغط علي أي زرار من الريموت لضبط الألوان أو تعليه الصوت يظل ليد البيان ينور ويطفي كأنه بيأخر أمر من الريموت ويخفض أي شيء سواء الصوت أي التباين والألوان في الضبط , أرجوا المتابعه وجزاك الله كل خير

[masmas8]

ألف مليون شكر يا هندسه الزنر d004 طلع السبب أنا كنت لسه خالع المقاومه r272 ولما ركبتها الجهاز إتظبت تمام بس في أخر ملاحظه لو تكرمت مبرد آيسي الفرتكال بيسخن جامد جدا بمجرد تشغيل الجهاز مده لا تتجاوز 5 دقائق , هل هذا طبيعي أو يوجد مشكله في منطقه الفرتكال , أرجوا المتابعه وجزاك الله كل خير وآسف جدا علي الإطاله

[masmas8]

أرجوا المتابعه يا بشمهندس حافظ للأهميه وجزاك الله كل خير

[حافظ السويد]

قيس الجهد على الطرفين2 و6 في ايسي الفريتكال
واخبرنا بالقيمة

[masmas8]

بالقياس مع أرضي الشاسيه (التيونر ) أعطي قيمته -13 و - 14

[حافظ السويد]

تمام
جربه فترة لابأس بها ليس اقل من ساعتين
واخبرنا
لم اجد الزنرD006 مع اي المكونات مرتبط

[masmas8]

ماشي يا هندسه هجربه فتره , جزاك الله كل خير , والله ما عارف أشكرك إزاي , ربنا يبارك في فيك ولا يحرمنا منك يا غالي
تقبل تحياتي أخي الكريم
شكرا جزيلا وتصبح بألف خير

[masmas8]

حضرتك عدلت الرد , والله يا هندسه , حضرتك أشرت إليه وأنا شيكت عليه وفعلا طلع تالف وبتغييره الجهاز إشتغل تمام , عموما هجربه فتره من التشغيل , وربنا يبارك في حضرتك وجزاك الله كل خير
تقبل تحياتي أخي الكريم

[حافظ السويد]

انا نوهت عن الزنرD004 وليسD006
وانت ذكرته D006

[masmas8]

آسف جدا فعلا زنر وأنا كتبت لحضرتك دايود لكن هوا زنر وأنا ركبت زنر برضوا , أسف جدا للسهو في الكتابه لأني أكتب وأكمل شغل في الجهاز في نفس الوقت , تقبل إعتزاري وتحياتي يا هندسه والجهاز شغال تمام بدون أي مشاكل , جزاك الله كل خير يا هندسه وبارك الله في حضرتك