[عاصم وسيم]

ما عنتش هخاف ---وما عنتش هطاطي
ولا عنت هتكلم ---في الحق بصوت واطي
وحقي انا هاخده --- بسي من غير دراع
وهبطل المسكنه --- وهبطل الاوجاع
هروح للمسؤلين --- من غير رشاوي
ماخلاص ياشعب ---نزل قضاء سماوي
واطلب اي مطلب ---بجد في ديمقراطيه
ما مشيوا خلاص مابينا ---مسؤلين بالطجيه
وأدي رئيسنا القديم ---مسكوا مع الحراميه
وعلاء واخوا جمال ---اتسجنوا علي ذمه القضيه
قضيت شعب عاش ---سنين في قهر وظلم
بسي بالله خلاص ---اتحقق اه الحلم
وافرح ياشهيد---دمك ما راح فطيص
اتزف فعرس كبير ---ماانتي بالله عريس
حققت حلم كبير--- شهد عليه ملايين
اي نعم غبت عنا ---لكن ف قلوب كتير عايشين
وشهد ليكوا الزمن ---عن النصر الكبير
قدمتوا اروحكوا فدا---عشان يكون تغيير
واتحاكي بلاد كتير --- وانتا في التحرير
عن شعب عاني كتير ---ولسه موجود خير
وبقولها وكلي فخر --- انا عايش يناس في مصر
بلد الانسانيه---بلد نجيب وزويل
اللي عرفوا بحق --- ايه ه رد الجميل
مش ذكري عزمي --- واللي صفوت الشريف
اللي ورونا ليالي --- اسود من الخريف
واللي اخونا بطرس---اللي كان في الزراعه
منه لله الظالم ---بقولها لو في الاذاعه
زرع سرطان ملوث ---لشعب فيه مناعه
ماكنش محتاج طبيب ---لكشف بالسماعه
واللي ابونا عدلي --- سبب ضياع جهاز
لوبأيدي انا اولع ---فيه بالله بجاز
اللي بسببه هو هربت --- مساجين كتار
ماهو عاش في بلدي --- وولع فيها نار
وكان سبب رئيسي --- في اللي حصل واللي دار
لعنه الله عليه --- الظالم المغوار
واخير بقول لحسني --- اخدت فرص كتير
ماعملتش يوم بيها ---ونمت في الحرير
مع امضاء فقير ---كان نفسه في التغيير

[maria111]

كلام جميل وجرئ بارك الله فيك