[م/محمد إبراهيم]

هل يمكن تثبيت طبق 120 بريفكس فوق سور بأسمنت وجبس ولا ممكن يقع ؟
وجزاكم الله خيرا

[جوهركامل]

اذاكان الاستاندهيركب فوق عمودبعرض 50او60سم تمام
وتخدم على الصبه وتبقى متينه خيروبركه
لكن لوعلى سورعرضه لايتعدى ال30سم بلاش
لان السوروالكلام ده بيفضل طبق60ولا70سم خفيف

[م/محمد إبراهيم]

جزاك الله خيرا يا استاذ جوهر

[جوهركامل]

وجزاك خيراستاذمحمد

[محمد جادالله]

أخى الفاضل يجوز تركيب طبق 120 فيما فوق على سور ولكن بمعايير معينه هو انك تقوم بخلع قالب او اتنين وانزال الاستاند مكان القالبين المخلوع والصب على الاستاند واحكام الصبه وعن تجربه قمت بتركيب طبق 180 فوق سور ولكن كان طول الاستاند الفعلى بعد انزاله داخل السور حوالى 100 سم ومازال الطبق يعمل الى يومنا هذا

[الحاج شريف]

المشاركة الأصلية كتبت بواسطة محمد جادالله

أخى الفاضل يجوز تركيب طبق 120 فيما فوق على سور ولكن بمعايير معينه هو انك تقوم بخلع قالب او اتنين وانزال الاستاند مكان القالبين المخلوع والصب على الاستاند واحكام الصبه وعن تجربه قمت بتركيب طبق 180 فوق سور ولكن كان طول الاستاند الفعلى بعد انزاله داخل السور حوالى 100 سم ومازال الطبق يعمل الى يومنا هذا

أكيد ممكن بمعايير معينه أستاذ محمد
لكن السائل يسأل هل ممكن بمونه اسمنت وجبس علي سطح السور وهذه فى نظرى أسوأ طريقه لأنها تعتمد علي إلتصاق المونه بالسور فقط
وقد تصلح لأطباق صغيره كما أفاد الأستاذ جوهر

لكن من وجهة نظرى أفضل طريقه هى ثقب السور ببنطه كوبايه مقاس الإستاند حوالى بوصه ونصف أو 35 مللى ، وبعمق طوبتين أو 3 " حوالى 15 سم " ثم سقى الثقب بالمياه حتى يتشرب وإضافة المونه ربع كيلو اسمنت وجبس بعد ذلك ثم التخشين حول الإستاند بمسامير خشابى حتى لا يدور الإستاند محله
بهذه الطريقه لاتستطيع إخراج الإستاند من مكانه إلا بقطعه بالصاروخ وقد سبق لى شرح هذه الطريقه فى ردود عده

[gadon]

صدق او لا تصدق
انا عاملها فعلا و الطبق 125 برفكس و متركب عليه 4 اقمار
المفاجأة بقى انه بدون مونة و اسمنت نهائيا
انا اخدت العامود اللى بيركب عليه الطبق و رحت بيه للحداد و عملت الاتى :
1- فى اخر العامود من تحت الحداد لحم فيه علبة من الاطار بتاع الباب الحديد و خرمها مقاس 14 خرمين حولين العامود و دول هينزلو عامودى علي السور بمسامرين فليشر مقاس 14 و دى مهمتها يريح عليها العامود فوق مستوى السور و تمنع الميلان و الاهتزاز
2 - خليت الحداد يعمل رجلين نازلين لتحت من الجانبين اللى ما فهمش اخرام عبارة عن خوصتين و خرمهما كمان و الفتحة لازم تكون قصاد بعض ( لو الخرمين مترحلين شوية مش مشكلة لان الخوص بتكون طرية بعض الشيء و يمكن ثنيها قليللا ليكونوا قصاد بعض و يعدى فيهم مسمار بعد ما تخرمله في السور
و بكدة الطبق هيكون مثبت صليبة و دا هيدية قوة ربما اقوى من المونة نفسها لان المونة هتكون مرتبطة بعمقها فى السور و اللى يعادل عرض طوبة او طوبتين اللى هتشيلهم من تحت فقط اما الطريقة دى فالتثبيت بمسمارين عامودى طولهم تقريبا 10 سم + خوصتين نازلين لتحت 30 سم و مربوطين ببعض بمسمار يخترق جدار السور

ملاحظة :
كان فيه رياح شديدة من كام شهر الى كان فيها غبار و منعوا فيها المدارس اليوم دا كنت قلقان علي الطبق جدا و كل شوية ابص عليه و بقليل من التأمل طلعت بنتيجة غريبة جدا .. و هى ان دى أأمن طريقة و اقلها خسائر عند سقوط الطبق لا سمح الله لان الطبق وراه حائط اللي فيه باب البلكونة يبقي الريح لازم يجيله من الامام و اذا وقع فليس له اتجاه سوى للخلف جوة البكونة نفسها اما الخسارة الاكبر منها انه يجيله الريح من الجانبين جانب هيحدفه برده في البلكونة و الجانب التانى هيحدفه على بلكونة العمارة المجاورة
و طبعا حدوث اى من هذه الخسائر اقل بكثيرررررررر من سقوطه من اعلى العمارة لا قدر الله و ايذاءه للمارة في الشوارع او السيارات المتوقفة اسفل العمارة
اه نسيت اقولك التكلفة كانت 20 جنيه و انا زودته 5 من عندى ههههههه لان كل الخامات كانت عبارة عن بواقى عنده مالهاش لازمة
و عموما لمزيد من المساعدة و ارجو فقط فى المقابل ان تدعيلي انا صورت الطبق من اكتر من اتجاه و الصور اهيه :

[IMG][/IMG]

[IMG][/IMG]

[IMG][/IMG]

[hamadasat96]

الحكم للفني ال هيركب ده اولا
ولو كنت انت ال هتركب يبقي لازم تعمل حساب كل خطوة بدقة
يعني السور نفسه عريض طوب ابيض او اسمنتي او احمر
الطوبة 22 ولا 11
عرض السور ده عامل اساسي انما الاهم منه الموقع نفسه
تعمل حساب الرياح في الشتاء ولو لاقدر الله وقع هيقع علي حد
او هيضر عربيات حد
لو مفيش كل ده والسور كويس وتمام
والموقع مفيش منه خوف
نخش علي الطبق نفسه
البريفكس
البولار بتاعه اسفل الطبق والطبق نفسه تقيل وبيتأثر بالهواء كتير
انما ال ecc البولار وسط الطبق ودي من اهم مميزاته
وخفيف الوزن
وعندك القاعدة كمان دي اهم ما في الموضوع لو السور مناسب يفضل
انك تجيب قاعد كويسة او عمولة لو ال مع الطبق ضعيفة
وتركبها الاول بمسامير فيشر
وبعدها باسمنت ورملة من غير جبس
والاهم انك تختار المكان المناسب ل فيما بعد
لما تحب تعمل صيانة للطبق متتعبكش
ودي بعض الصور
لو هتلاحظ الطبق الكبير
اخترت المكان ال فيه السور عريض
وبفضل الله سنتين وال بروح اعمله تحديث للقنوات بس
واخر صورة هتلاقي ان لو السور رفيع
تجيب او تعمل قاعدة وتركبها في السور من الجنب
مش شرط من فوق لكن الحكم للموقع وخبرة الفني

[مح مصطفى مد]

الف لف شكـــر

[م/محمد إبراهيم]

كل الشكر لحضراتكم جميعا على هذه المشاراكات العظيمة.
افدتونى جدا ونورتونى . وللعلم انا اللى هركب الطبق بعون الله مش فنى
والمكان اللى بسأل عنه سور عادى طوب احمر فى الدور الخامس .
انا بالفعل مركب طبق 70 على السور بمونه عادية
لكن للحرص ربطت البولار بسلك دش فى خروم الطوب خوفا من الهواء الشديد فى الدور الخامس والمكان مفتوح .
استفدت جدا بنصائحكم جزاكم الله خيرا وجعلكم عونا للجميع