[فوزى هارون]

[SIZE="6"][/SIZE]خطوه بخطوه فى تعليم البرمجه

بسم الله الرحمن الرحيم
السلام عليكم جميعا اخوانى واخواتى .
لاحظت ان العديد من الساده الاعضاء على مواقع مختلفه وعلى منتدانا العزيز يبحثون عن تعلم البرمجه ولكن بطرق مختلفه . ولهذا قررت ان اقدم هنا دروس للبرمجه من الصفر وقد بعد عناء وتفكير اخترت لغه البرمجه c++ لكى اطرح بها امثله لانها هى الوحيده مع احترامى لباقى اللغات ما اسميه لغة برمجه .

حيث انها لغة لا تعتمد على الدول الجهزه كثيرا وتتيح للمبرمج ان يفعل ما يريد سبدا اولا بشرجها وعند الوصول الى نقطه محدده فى الشرح ساقوم بطرح دروس اخرى فى ( ال vc++6 , برمجه الرسوم OPEN GL USING C++ ) . وساقوم ايضا بطرح دروس فى قواعد البيانات ( كتصميم والبرمجه باستخدام VB6 وكذلك التقارير بانواعها وافكا وحلول ) .

وادعو الاخوه الاعضاء الكرام ان يلتمسو لى عذرا اذا اخطت . او تاخرت فى طرح الدروس حيث انى احيانا يكون هناك ظروف خارجه عن ارداتى ولكن سابدا معكم وليوفقنا الله لما هو خير لنا فى ديننا ودنيانا .

اخير اخوانى فى الله اسئلكم اذا استفدتم شى الدعاء .
كما انوه انى ما سطرحهه وشرحه هو طرقك لفهم جميع لغات البرمجه فاصبرو وتابعو واحكمو على انفسكم ما وصلتم اليه بعد 3 اشهر. من الان ولا تتسرعو فى الاحكام . فقد خلق الله الدنيا فى سته ايام . وليس من اولها تقول انك تر يد صنع نظام تشغيل مثلا ولا لعبه لكن سنبدا خطوه خطوه مع الاسسيات . اه يا شباب ملحوظه احيانا هتلقونى بتكلم كدا عامى معلش بس علشان محدش يمل واتسحملونى يا شباب .


اخيرا لا تبخلو بالردود وان كان نقد فهو افضل .




الدرس الاول مقدمه (شر ولا بد منه)
سوال رايته وسمعته كثيرا اى لغه برمجه اتعلم ؟

اجيب عليه باولا ما هو برنامج الحاسب :- (COMPUTER PROGRAM)

والتعريف هو ان برنامج الحاسب هو مجموعه من الاوامر تقوم بوصف مهمه او مجموع من المهام لتنفذ بواسطه جهاز الحاسب .

طيب ياعم انت عمال بتقولنا نظرى ايه دا وماله بسوالى هاقولك انا بقا بس اصبر

عرفت كدا ايه تعريف البرنامج طيب ايه هى الاوامر دى او بتتنفذ ازاى .

الاوامر بتتنفذ يسيدى البرسور ( Micro Processor) هو اللى بيعملها .

ولا يفهم البروسور الا لغه الاله ( machine language ) وهى عباره عن 0 او 1 فقط .
ولكن نظرا لصعوبه هذه اللغه فى البرمجه فقد قامت الشركات المنتجه للميركو بروسور بانتاج لغة برمجه تسمى (assembly language) وفى السابق وحتى الان وان كان نادرا لكا موديل ال assembly editor برنامج كتابه الاسمبلى الخاص به .
ويقوم هذا البرنامج بتمكين المبرمج من كتابه اوامر بلغه عاليه المستوى (high level language) يستطيع فهما وتتبعها وتعديلها بسهوله وتكون وظيفه (assembler) تحويل هذا الكود الى ال machine language . ويكون المبرمج بحاجه الى معرفه ال instruction set مجموعه الاوامر الخاصه بالبروسور الذى يبرمج عليه . وفى هذه الايام والمنتشر لدينا سواء كان انتل او ايه ام دى (INTEL OR AMD) فانهم يعتمدون فى الاساس على مجموعه الاوامر الخاصه ب INTEL 80x686 Microprocessor .

نقول مثال على هذه اللغه لجمع عددين :- ( 2+5 )

mov al,2 ; ,وضع رقم 2 فى الريجستير al
mov bl,7
add al,bl ; AL علىBL اجمع
وضع الناتج فى AL
تخيل بقا لو هتكتب مثلا كود بالطريقه دى لعمل اله حاسبه اكيد مكنش هيبقى فى حد يفكر انه يكون مبرمج .

علشان كدا جت الشركات الكبيره وبداو يعملو لغات برمجه خاصه بيهم بتقدم لغه برمجه مفهومه الاوامر وغالبا ما تكون اوامرها بالانجليزيه ومختصره فى الكود والتعب ومن اشهرها (PROLOG, FOLRTEN) ودى من اول اللغات التى ضهرت وانتشرت ثم ال C .

وهذه اللغات تقوم بتحويل الكود ايضا الى الاسمبلى . وطبعا الاسمبلى يحولها الى لغه الاله .

اه مخى تعب ياعم انجز وخلص

حاضر عارف انا ليه بقول المقدمه الطويله دى علشان اقولك ان اى لغه برمجه فى الدنيا ممكن تعمل بيها اى حاجه علشان فى الاخر هتتحول الى نفس الحاجه

بس فى حاجات هتسهل عليك شغلك فما تتعبش نفسك ووفر مجهودك واعرف ازاى تختار لغه صح وتتعملها كويس وبيها تعمل اى حاجه .

ما تحتاجه لتعلم لغه البرمجه :-

اول ما دخلت كليتى ومع اول سكشن برمجه قال لى استاذى جمله لاتزال امام عينى .

اى لغه برمجه ممكن تتعلمها فى اسبوع واحد بس اذا كنت تعرف برمجه كويس .

ازاى تعالو نفهم ازاى ونقول ايه اللى انا محتاجه :-
1- اعرف شكل البرنامج فى هذه اللغه ازاى بيتكون من ايه .
2- اوامر قراءة المدخلات والمخرجات (input and output command) .
3- انواع المتغيرات وكيفيه تعريفها .
4- طريقه كتابه الدول .
5- اوامر الشرط والتكرار
عرفت دول بس وعندك الخلفيه السبقه يبقا عرفت اللغه وكل المحتاجه انك يبقا معاك مرجع وانتى شغال تبص منه على طريقه كتابه ما تحتاجه بعد ذلك (syntax) .

اتفقنا طيب نشرب كوبايه شاى ونرجع نبدا مع السى ++ .

ليه سى ++ علشان هى معروف ان منها اتعمل باقى اللغات البرمجيه المعروفه حاليا او معظمها فهى الاقوى والاساس .
اول برنامج (طباعه جمله الترحيب)
خلاص شربنا الشاى وكلنا الحمد لله .

جاهزين نبدا مع السى ++ .

يلا نعد 3 2 1 ونبدا على بركه الله .

عارف لو سئلت اتنين مبرمجين عظام انت بتحب لغه ايه او ايه المفضله لك اعرف اجابته وقوله طيب انت اول برنامج جامد فى حياتك عملته بايه 99 % منهم هتتطابق الاجابتين .

يعنى الغالبيه العظمى منهم هيفضلو اول لغه عملو بيها برنامج جامد ناجح . ود بقت اللى هو خلاص عنده اختياره نمره 1 .

نبدا بقا شرح :-

اولا انا هشرح على الاصدار Microsoft visual c++ 6 .

واغلب الاكواد صالحه ان مكنش جميعها لحد مرحله معينه انها تشتغل على اى مترجم c (compiler) .

ابدا بتشغيل الفيجوال سى من :-
1- شايف الشاشه القدامك دى يا باشا بص تحت كدا على الشمال .
عندك statrt يلا افتحها ومنها افتح programs ومنها Microsoft Visual Studio 6.0
2- منها افتح Microsoft Visual c++ 6 .
3- شفت الشاشة دى .



دى الشاشه الافتتاحيه للسى .

ماشى يعم يلا بقا نقول نعمل ايه بعد كدا .
4- ياراجل ودى محتاجه طبعا نختار file – new




فهتبقى الشاشه كدا



5- شايف القدامك دا كبر وروح معاى واختار (win 32 console application) وفى مربع اسم المشروع اكتب اسم المشروع اللى انت عاوزه وليكن cp1 رمزا الى انه اول برنامج فى السى بلس هتعمله بس متقولش لحد .
6- طيب من دى نختار ايه



دى ايه اللى انتى عاوزه فى الشمروع شكله ازاى .
1- مشروع فاضى .
2- مشروع بسيط (هيعملك بس الشكل العام ) .
3- المشروع اللى لازم الكل بيعدى عليه اول حاجه وهو بيتعلم ( كلمه الترحيب ) دا هيعملك برنامج بيطبع على الشاشه كلمة الترحيب وبس .
4- الرابع دا سيبك منه دلوقتى .

ياعم خنقتنا طب نختار ايه ؟

نختار مع بعض المشروع التالت (Hello World Application) .

7- خلاص كدا دوس من فوق على الشمال على علامه التعجب وشوف الكلمه مطبوعه على الشاشه .

مبروك عليك اول برنامج جاهز وانت مش عملت فيه حاجه ولا شفت كوده حتى .

طب متيجى كدا نشوف الكود ونقول دا عباره عن ايه

لا لا نعالى نبدا احنا برنامجنا الخاص .
روح اعمل مشروع تانى وسميه اى حاجه

والمره دى اختار empty project .

بعد كدا :-
1- من file-new .
2- c++ source file .
وسميه طبعا ويلا قدامك شاشه بيضه هنبدا نلعب فيها براحتنا .

ومننساش مكان المشروع فين وان الملف التنفيذى (exe) بيتعمل فى فولدر جواه اسمه (debug) .

تمام يا مبرمجين تعالو بقا فاكرين انا قولت انتو محاجين ايه فى الاول علشان تتعلمو اى لغه برمجه جديده .
نستو روحو هنالك ولا اقولكم ماشى فى الاعاده افاده بس انا هاقولهم كدا ونبدا نطبق على السى .




1- اعرف شكل البرنامج فى هذه اللغه ازاى بيتكون من ايه .
#include <iostream.h>
int main ()
**
cout<<" I am start learn c++\n";
return 0;
}



دا يا حضرات ابسط شكل للبرنامج بالسى ++ .

الاول مجموعه الملفات التى ساعتمد على الدوال منها .#include <iostream> .

هنا نقوم بتضمين الملف iostream (input output stream) وهو الخاص بالدوال الرئيسية للعرض وقراءة المدخلات .

بعد كدا بنعرف الداله اللرئيسيه بتاعتنا ودى لازم يكون اسمها main

وجواها ايه اللى بتعمله .

الدوال (functions):-
هى كتل البناء الاساسيه للسى ++ . ويتعرف المترجم (compiler) على الداله بالاقواس () التى تلى الاسم . وكلمه Int التى تسبق الاسم هى تدل ان هذه الداله ترجع قيم ارقام صحيحه .
متشغولش بالكم الفنكشن هنشرحها بالتفصي الممل بعدين .
طيب الاقواس دى **} هى اللى بتحدد جسم الداله والاوامر اللى هتتنفذ جواها .
ولازم زى مقولت يبقى عندى الداله الرئيسيه (المعلم بتاع البرنامج) اسمها main علشان انا اول مبشغل البرنامج اول حاجه هينفذها هى اول سطر فى الداله main وان ملقهاش هيطلع رساله خطا تحب تجرب غير فى الكود اللى فات دا سميها اى حاجه وشغل وقولى عمل ايه .
2- اوامر قراءة المدخلات والمخرجات (input and output command) .
طبعا انتو شفتو فى الكود السطر دا .
cout<<" I am start learn c++\n";
ودا هو اللى بيظهر الجمله وال \n اللى فى الاخر دى علشان ينزل سطر جديد بعد ما يطبعها . (جرب بيها ومن غيرها وقولى) .
العرض باستخدام cout :-
كلمه (cout) هى معرفه فى السى++ وهى بتاخد الحاجه تطلعها يبقى تاخد الاقواس دى >> وعلشان متنساش لو هتطلع تبقى الاقواس رايحه ناحيه بره الشاشه .
وبنحدد ان الجلمه دى هتتطبع زى ما هى بالدوبل كوتيشن مارك ""

توجيه المعالجِ (Processor Directives) :-

افتكرو دا هيكون اول حاجه نتكلم عليها فى الدرس اللى جاى مع داله الادخال وتعريف المتغيرات واستنو بكره انشاء الله الدرس دا ومعلش انا نسيت احط الصور بكره هاحطها بس عادى ممكن تكملو من غيرها

[shamsawy]

مشكوووووووووووووووووووور ياغالي

[ثومة محمد]

جزاك الله كل خير

[الزنكلوني]

جزاك الله كل خير

[يارب اهدينى]

موضوعك رااااااااائع .. وطريقة شرحك جميلة جداااااا
جزاك الله خير

[mai012]

جزاك الله خيرا

[خالدمحمد]

الله ينور عليك واتمنى انك تعمل مواضيع تانية من النوع ده c# وc++ وشكرا على ما قدمت