[Jimmy_hemedan]

السلام عليكم

حاولت من فترة إني استلقط طبق 180 أو 240 مستعمل بس الموضوع طلع مش سهل فقولت اشوف جديد وخلاص ، المشكلة اني عرفت ان مفيش جديد بيرفكس ، فكرت اجيب واحد شحن من السعودية بس للاسف لقيت سعر الطبق الصاج هناك 180 عامل 420 ريال غير مصاريف الشحن والجمارك (إذا رضيوا يعدوه من غير قرف)

فهل في جديد في باب اللوق أو فأي مكان في الجيزة أطباق 240 أو 180 جديدة محترمة ، خصوصاً إن كان من فترة في كلام عن ان في شركة بدأت تعمل أطباق محترمة ، والجديد لو موجود رنج سعره كام تقريباً وهل هو ألمنيوم ولا صاج وهل هو حتة واحدة ولا قطع

الطبق مطلوب عشان استقبال فيدات كيو باند وسي باند بشكل أساسي (أهم بكتير بالنسبالي من مختلف الأقمار) عشان شخصياً كل استخدامي ماتشات الكورة

[جوهركامل]

كنت فى باب اللوق بالامس وسالت عن اطباق240و180اياكان نوعه للاسف لايوجد
ممكن تسال اى فنى معروف بجوارك عن اى طبق استعمال
وعامةالاطباق القديمه خامتها معقوله وتفى بالغرض

[عمرو معروف]

انا سالت عليه في باب اللوق بس الكلام ده كان في الاسبوع الاخير من رمضان وكان طبق 180 عامل 1100

[م /احمد جمال]

افضل استعمال من المنيوم عالى غير تصنيع الايام الان لان الاسطمبات استوت ورديئه وخامه خفيفه تتعرض لفتل بكل سهوله
ولاستعمال ارخص

[حسن اشرف حس]

المشاركة الأصلية كتبت بواسطة عمرو معروف

انا سالت عليه في باب اللوق بس الكلام ده كان في الاسبوع الاخير من رمضان وكان طبق 180 عامل 1100

لاسف يا غالي الاطباق الوجودة صاج وليسة المونيوم والصاج بتصدي بسرعة جدا ولو الطبق اتفتل صعب جدا استعداله تحياتي لك يا غالي

[خالد الغمراوى]

هي جات علي الأطباق الأطباق المستعملة أعلي خامة من الجديد وأرخص من الجديد

[Amr Aliwa]

خليك في المستعمل .. خامة أفضل وأرخص