[invader]

الاخوة اعضاء و مشرفى المنتدى تحياتى لكم
اجد صعوبة شديدة فى قياس المقاومة بالالوان على بوردة الرسيفر خاصة
المقاومة الصغيرة الحجم فهل يمكن قياسها بالافوميتر وكيفية القياس بة
و هل اقوم بفصل الكهرباء اثناء القياس ام لا
ولكم جزيل الشكر

[WALID85AYA]

لابد ان يكون الجهاز غير متصل بالكهرباء يا غالي دي النقطة الاولي
النقطة الثانية ارفع احد رجلي المقاومة ، وباستخدام الافو علي وضع الاوم مثلا 20k-200k-2M وقم بقياس المقاومة
وهناك برامج عديدة تساعدك علي معرفة قيمة المقاومة إذا اردت معرفة قيمة المقاومة دون قياس ، ولكن القياس بالافو لمعرفة عما إذا كانت المقاومة تعمل ام لا ؟

[samir fathy]

إتفضل أخى بعد إذن الاستاذ وليد


الطريقه الصحيحه لقراءة المقاومات العاديه لصعوبة قراءتها على بعض الأعضاء
معلومه صغيره أولا إل 1000 أوم تساوى واحد كيلو وإل ألف كيلو يساوى واحد ميجا


أولا جدول المقاومات

ألإسود=0
البنى=1
ألأحمر=2
البرتقالى=3
إلأصفر=4
إلأخضر=5
إلأزرق=6
البنفسجى=7
الرصاصى أو الرمادى8
الابيض=9
ملحوظه هامه لو ثالث رقم فى المقاومه إسود لا يقرأ نهائى
ولو ثالث رقم فى المقاومه فضى تبقى المقاومه دى من ميه يعنى آخذ علامه بعد رقمين
ولو ثالث رقم ذهبى تبقى المقاومه دى من عشره يعنى آخذ علامه بعد رقم واحد
ملحوظه آخرى جميع المقاومات لو فيها رابع لون ذهبى أو رابع لو فضى دى نسبة الخطأ فى المقاومه 5 فى الميه أو عشره فى الميه بالزياده أو النقصان
يعنى المقاومه إلى قيمتها مثلا 10 كيلو بتكون أصلا 10كيلو إلا 3أو 5 أوم بالنقصان أو بتكون 10كيلو و3 أو 5 أوم زياده

طريقة القراءه =اللون الاول يكتب برقمه والرقم الثانى يكتب برقمه والرقم الثالث يكتب بقيمة رقمه أصفار
معنى الكلام ده إيه --مثال عندى مقاومه الوانها مثلا أحمر -بنى -برتقالى
طريقة قراءتها=أحمر2وبنى 1 وبرتقالى3 أضع مكانه 3أصفار لأنه ثالث رقم زى ماقلنا سابقا يعنى المقاومه دى عباره عن 21000تساوى 21كيلو أوم
مثال آخر مقاومه ألوانها برتقالى-أزرق- بنى طريقة قراءتها =برتقالى 3وأزرق 6 وبنى 1أضع مكانه واحد 0 لأنه ثالث رقم زى ماقلنا سابقا يعنى المقاومه دى عباره عن 360 أوم

نأتى للمقاومه إلى من ميه يعنى إيه مثال عندى مقاومه بنفسجى- أصفر- فضى تقرأ 74. من ميه أوم العلامه بعد رقمين زى ماقلنا سابقا العلامه إلى هيه فصلة الواو
نأتى للمقاومه إلى من عشره يعنى إيه مثال عندى مقاومه بنفسجى- أصفر-
ذهبى تقرأ 7.4 من عشره أوم العلامه بعد رقم فقط زى ماقلنا سابقا العلامه إلى هيه فصلة الواو

نأتى للمقاومه إلى ثالث رقم فيها إسود مثال أحمر-أحمر -إسود = تقرأ 22أوم لانه زى ما قلنا سابقا لو ثالث رقم إسودلايقرأ ولا يكتب نهائى

نأتى للمقاومه إلى بالميجا أوم مثال =بنى- إسود -أخضر =تقرأ بنى 1 وإسود 0 وأخضر أضع بقيمة رقمه أصفار يعنى هو بخمسه يبقى أضع خمس أصفار 00000=يبقى المقاومه دى تساوى كام =1000000 يعنى واحد ميجا

وشكرا لمنتدانا العظيم

[invader]

شكرى و تقديرى لكم

[WALID85AYA]

تسلم اخي سمير