[Mohamed_83]

بسم الله الرحمن الرحيم والصلاة والسلام علي أشرف خلق الله سيدنا محمد خاتم الأنبياء والمرسلين

أخواني الكرام يسعدني أن أزف لكم وبعد تجارب لمدة شهر تقريباً وعلي أكتر من جهاز سواء ديسك توب أو لاب توب وجدت الحل اللي مريحني فعلاً من وقت العمل بيه علي جهازي أولاً قبل التجربة علي أجهزة الغير

كلنا كنا بنعاني من الريسترات المستمر بعد أن يكون التعريف علي وشك الانتهاء وحين الشروع في التعريف مرة بعد مرة تحدث نفس المشكلة والحل ولله الحمد بسيط جداً وهو بعد أول ريستارت أوعي تحاول تعرف تاني هتعمل الخطوات بالترتيب

This PC
كليك يمين واختار Mange
ثم Device Manger

الخطوة الاهم هتلاقي علامة صفراء "تعجب" علي اسم الكارت متقلقش هتقف علي اسم الكارت وتختار اول اختيار Update Driver وتختار أول اختيار اللي هو Search Automatically هياخد ثواني ومبروك عليك التعريف ومفيش ريستارت بعد كده ان شاء الله

أنا جربت الطريقة دي علي النسخ من أول 1803 مرورا ب 1903 ثم 1809 ثم 1909 واخيراً ودي لسه انهاردة 2004 وبدون فصل USB من الجهاز لا في أول مرة قبل الريستارت ولا بعد الريستارت

أنا عرفت من الاسطوانة بتاع الكارت علي جهازي وعلي كام جهاز تاني وجربت تعريف Terratec اللي اتكلمت عليه قبل كده في الموضوع ده

http://www.masrawysat.com/vb/showthread.php?t=3091014

طبعاً التعريف بتاع الاسطوانة هو الأفضل

بس أفضل نسختين كان فيهم الكارت بدون مشاكل 1809 و 1909 طبعاً ملحقتش أخد وقتي مع الجديدة 2004 لانها علي جهاز صديق

أنا شغال ببرنامج العرض SmartDVB وهو المفضل بالنسبالي ياريت بقي الناس لما تنجح الطريقة معاهم يجربوا علي برامج العرض الاخري ويقولوا الاخبار ايه

حاجة كمان انا مجربش الفيدات شغالة ولا لا لاني مش بحتاجها وده بالنسبة للي هيسأل فقولت أقول من الأول

رابط تحميل الاسطوانة الأصلية هتلاقوه في الموضوع ده للأخ ABOZIAD@AHMAD وده رابط الموضوع

http://www.masrawysat.com/vb/showthread.php?t=3091051

اللي عنده أي استفسار ان شاء الله هرد عليه في أقرب وقت ويارب قدرت أكون موفق في الشرح وآسف علي الاطالة

[begasus]

تسلم ايدك, انا عندى مشكلة اصلا بمجرد ما اوصل الكارت بالجهاز بيرستر
لا بلحق اسطب حاجة ولا اعمل اى حاجة,

[arc.yora]

اول ما اوصل اليو اس بي ع يجيب شاشه زرقاء ويرستر
ولو فضلت موصله بيفضل يجيب شاشه زرقاء ويرستر بردو
مش بلحق اعمل اي خطوات اصلا :(

[ABOZIAD@AHMAD]

مجهود مميز

[Amr E33aT]

بارك الله فيك

[Mohamed_83]

المشاركة الأصلية كتبت بواسطة arc.yora

اول ما اوصل اليو اس بي ع يجيب شاشه زرقاء ويرستر
ولو فضلت موصله بيفضل يجيب شاشه زرقاء ويرستر بردو
مش بلحق اعمل اي خطوات اصلا :(

معني كده في تعريف اصلا موجود جرب الخطوات اللي قولت عليها وان شاء الله مش هيرستر تاني
لو لا قدر الله حصل ورستر يبقي تشوف نسخة تانية أفضل من الويندوز اللي انت عليه حالياً

[mazzo]

المشاركة الأصلية كتبت بواسطة arc.yora

اول ما اوصل اليو اس بي ع يجيب شاشه زرقاء ويرستر
ولو فضلت موصله بيفضل يجيب شاشه زرقاء ويرستر بردو
مش بلحق اعمل اي خطوات اصلا :(

نفس الكلام عندى

[see7a]

انا حاولت بطريقة update driver من device manager ما نفعش بالدرايفر بتاع الكارت نفسه ما نفعش من سي دي التعريف برضه نفس النتيجة حتى لما اجي اعمل uninstall driver نفس النتيجة وهي الشاشة الزرقا واصدار ويندوز اللي عندي 20H2 ايه الحل للمشكلة دي؟؟؟

[حسن الصغير]

عند البحث في المواقع وجدت تعريف لكرت الدش tv464 علي نسخة ويندز 10 أخر اصدار Win10_20H2_English_x32 متوافق تماما بلا أي مشاكل وسيتم رفعه انشاء الله

[EMADALZOUK]

المشاركة الأصلية كتبت بواسطة حسن الصغير

عند البحث في المواقع وجدت تعريف لكرت الدش tv464 علي نسخة ويندز 10 أخر اصدار Win10_20H2_English_x32 متوافق تماما بلا أي مشاكل وسيتم رفعه انشاء الله

عايزين للنسخه 64 بيت

[magdy1973]

على فكرة هو بيتعرف فعلا ويشتغل وكله تمام الا انه اذا قمت بفص اليو اس بي وركبته تاني في اللاب يعطى الشاشة الزرقاء وبعد كدة تضطر تغلق الجهاز وتشغله تاني هل المشكلة في وصلة اليو اس بي ولا ايه الحكاية مش عارف

[shatta_n]

https://masrawysat.com/vb/showpost.p...9&postcount=14