[masmas8]

كنت مشترك علي تي إي داتا بسرعه 1 ميجا عليه 2 موبيل أندرويد وجهاز كمبيوتر خاص بي ومش هذكر أسعار لانها ممنوعه هنا وكمان معروفه للجميع لينا علي كلامهم 100 جيجا شهريا والله العظيم كنا كل أسبوع بنقعد ب256 كيلو وطبعا دي مش سرعه خالص , حوالنا إلي إتصالات بسرعه 2 ميجا ولينا 150 جيجا وقلنا شركه تي إي داتا كذا وكذا , المهم أول شهر في شركه إتصالات عدي تمام وتاني شهر 10 أيام وبرضوا حولنا لربع ميجا وتتصل علي خدمه العملاء في الشركتين يقولوا ليك حضرتك سحبت الكميه المحدده ليك , يا عم إزاي طيب مواقع إيه اللي سحبت ولا أيام إيه علشان أعرف ممكن يكون الخط مسروق يقولك دي حاجه سريه ممنوع أطلعك عليها أقوله يا عم أنا لو فضلت أحمل مش هقدر أخلص 100 جيجا في أقل من شهر , معلش طولت عليكم بس اللي عايز أعرفه منكم إزاي أعرف معدل سحبي للإنترنت سواء تصفح ولا تحميل وأعمل إيه مع الشركات دي بجد بقت حاجه مقرفه جدا ياريت المتابعه من الأعضاء

[مؤمن ابوحنين]

تقريبا هيبقي صعب تعمل عليهم كنترول
كدة كدة شركات معروفة انها نصابة
على العموم فى حاجة اسمها سرفر بس تقريبا مش هينفعك لو انت لوحدك
سرفر دة بتاع شبكات بتعرف منو كل حاجة سحب والتحميل والرفع وكل حاجة

[adhamelmasry]

نصيحه منى لانى كنت مشترك فى كل الشركات
واخيرا حولت لاورنج اللى كانت لينك زمان
افضل واحسن شركه انترنت بجد
بس اوقات بتكون مشكله من السنترال
عموما انا شغال على اورنج وبحمل طول الشهر واتصفح ولا مرة خلصت ال 100 جيجا

[م.ربيع عيد]

السلام عليكم اخواني
بخصوص شركات النت اتصالات او تي اي داتا
يوجد اخواني صفحه خاص بحسابك لمتابعه حسابك ومعرفه كميه استهلاكك من الانترنت كل شهر
اتفضلو الروابط
اتصالات تي اي داتا

[محمود85]

تمام لازم زى ما قلك المهندس ربيع عيد

[masmas8]

شكرا جزيلا علي جميع الردود وسوف أعمل حساب علي إتصالات لمعرفه كميه السحب , شكرا جزيلا لحضراتكم